makar sankranti ke pavan parva par puja, dan, vrat dvara ap sirf punya hi nahin kamayenge balki ap apni kundli ke kamjor grahon ke ashubh prabhav ko bhi dur kar sakte hain. iske lie vishesh rup se kundali ke kamjor grahon se sambnadhit dan avashya karen. surya grah se sambandhit manikya, gehun, svarn, tanba, bartan, gur, gay, lal vastra, lal ful, lal chandan adi vastuon ka dan apni samathrya ke anusar 15 janvri ko subah ke samay kar sakte hain.
yah dan kisi pujari ya brahman ya garib vyakti ko hi dena chahie. chandra grah se sanbandhit chandi ki vastuen, moti, chaval, dudh, bans ki tokri, shankh, kapur, safed kapra, jal, dudh, chaval ki khir adi vastuen samathrya ke anusar sayankal ko kisi mahila ko dan kar sakte hain . mangal grah se sambandhit masur ki dal, lal kapra, gehanu, sona, tanba ki vastuen, lal chandan, manuga, gur, lal bail, bhumi, mithi roti, batasha samathryanusar dopahar ke samay kisi brahman ya garib vyakti ko dan kiya ja sakta hai.
budh grah se sambandhit vastuen sabut manug, svarn, hara vastra, panna, kasturi, hari ghas, hari sabjiyan adi ka dan subah ke samay kisi brahman ya garib vyakti ko kar sakte hain. hare rang ki churi aur vastra ka dan kinnaron ko dena bhi shubh hota hai . brihaspati grah se sambandhit vastuen pili mithaiyan, chini, kela, haldi, pila dhanya, pila kapra, pukhraj, namak, svarn, chane ki dal, ghora, shahad, kesar, chandi, shakkar adi kisi brahman, purohit ya guru ko diya ja sakta hai .
shukra grah se sambandhit vastuen safed reshmi kapra, chaval, dahi, ghi, safed ghora, gay-bachra, hira, itra, kapur, shakkar, mishri, mekap ka saman, chandi, jarkin ston adi apni samathrya ke anusar sayankal stri ko dan kar sakte hain . shani grah se sambandhit kali urad, tel, kale vastra, lohe ki vastuen tatha bartan, kala til, kanbal, juta, nilam, chandi adi vastuen sayankal kisi garib vriddh vyakti ko dan karen .
rahu grah se sambandhit vastuen kale-nile ful, koyla, gehun, nila vastra, kambal, gomed, urad, tel, loha, abhrak, madira adi sayankal kisi garib vyakti ko dan den. ketu grah se sanbandhit kala ful, chaku, loha, chatri, sisa, lahsuniya, til, duranga kanbal, kapila gay, bakra, nariyal, kasturi adi vastuen sayankal dan ki ja sakti hain.
makar sankranti ke pavan parva par grahon ke anusar dan kar ap apne jivan ko ujjval bana sakte hain tatha saflta prapt kar sakte hain. dan dete samay jis vyakti ko dan diya ja raha hai uska bhi grah ke anusar dhyan rakhen kyonki dan ka fal tabhi uttam hota hai jabki yah shubh samay men kisi supatra ko diya jata hai.