tairo ka udgam sahi rup men to kisi ko bhi pata nahin hai. yadyapi amtaur par yahi mana jata hai ki inka udgam sthan prachin ijipt hai. lagabhag 13vin shatabdi men inka adhyayn-manan shuru hua. aisa bhi mana jata hai ki inka prachar v prasar jipsiyon dvara bhi hua tha v jipsiyon (khanabdosh) dvara hi yah yurop men pahuncha jahan in par kafi karya hua. tairo ka shuruati prayog itli ke prachlit ek prachin khel ‘tarochchi’ ke lie hota tha. tarochchi ek prakar se adhunik tash ke khel brij ka milta-julta rup hai. ‘tarochchi’ abhi bhi duniya ke katipay hisson men khela jata hai yadyapi un kardon ki maujuda sankhya v banavat tairo kardon se kafi bhinn hai. ek jamane men itli ke rajvaron men tarochchi ek lokapriya khel tha. aj ke prachlit kai tairo kardon ka svarup unse milta-julta hai.
aisa bhi mana jata hai ki 1781 men peris ke ek raj mistri intoini kort di geveliyan ne tairo kards ki rahasyamyta ya gurhta ka tana-bana buna tha. usne tairo kards se juri hui kai kahaniyan prachlit ki thin. aisi manyata hai ki mejar arkana ke kard to kabala se lie gae hain. tairo kards ki lokapriyata men elifas levi, osvald varth, papus ityadi ka bhi kafi hath raha. frans se in kardon ki lokapriyata inglaind pahunchi. es. el. maithars, e. i. vet tatha e. kale ka nam is sandarbh men ullekhniya hai. in logon ke samay yurop men in kardon ka prayog aur mahatta kafi barh gai. in logon ka adarsh rup se vichar tha ki in kardon ka bhavishya kathan men prayog karne ke sath-sath kai shashvat anubhav prapt kie ja sakte hain. halanki bhutkal, vartaman kal v bhavishya kathan men in kardon ki upyogita v lokapriyata aj tak kayam hai
aur nirantar barh rahi hai. sabse pahle prachlit tairo kards 15vin shatabdi men kolioni parivar ke dvara viksit kiya gaya jo ki bargamo, itli ke the. uske bad vi. pi. grimod ne marsilas tairo dek banaya jo ki pashchimi deshon men bahut prasiddh hai. in sabmen se sabse jyada raidar vet ke tairo kards prachlit hanai jo ki 1910 men e. ivet ne pamela kolaman ke sath milakar banae the. vet ek jadu ki sosaiti ki mani hui hasti the. inke tairo dek gurh rahasyon se bharpur hain v inhin ki sahayta se duniya ke alg-alag konon men tairo dek ki dijaining ki jati hai. aisa manna hai ki tairo kards keval pashchimi deshon ki hi paddhati hai, parantu aisa nahin hai, hamare bharat varsh men bhi ye paddh ti bahut prachin samay se chali a rahi hai. parantu us paddhati ya vidya ko ham kisi aur nam se jante hain- vah hai tote ke dvara bhavishya kathan. aj ke vaigyanik yug men yah vidya bharat varsh men lagabhag lupt hoti ja rahi hai
keval kuch hi log is vidya ko jante hain. donon hi paddhatiyon men bhavishya kathan batane ka tarika ek jaisa hota hai. inke dvara ek anubhvi v gyani ridar, puchne vale vyakti ke chetan, avchetan man ki gahraiyon tak pahunch jata hai v apni vidya ke dvara unka margadarshan karta hai jismen ki puchne vale vyakti ko ane vale samay ke bare men bataya jata hai tatha atmachintan ke bare men bhi bataya jata hai v ane vale samay ko kis tarah istemal karna hai, jisse ki vah ek mushkil daur men bhi asani se nikal jae. yah sab tairo kards par ankit chitron v nanbar ko dekh kar karte hain. tairo kards vyakti ko jivan ke prati protsahit karta hai
raste v jine ki rah dikhata hai aur jivan ko ek nae dhang se dekhne, parkhne v ajmane ka tarika sikhata hai. yah ek bahut hi barhiya tarika hai jismen ap atmachintan kar jivan ko ek bahut hi achche v barhiya tarike se jina sikhte hain. tairo kards n keval apko nai shakti v urja dete hain, jisse ki ap apne men achcha badlav la sakte hain balki apki intyushan shakti ko bhi barha deti hai, jise ham agya chakra ka khulna bhi kah sakte hain. tairo kards vyakti ko jivan men rishton, kariyar v apne apko khush rakhna sikha deta hai. tairo kards ka gyan vyakti ko adhyatmik aur alaukik jagat se bhi avagat karvata hai. ane vale agle visheshank men ham apko tairo ke bare men aur kai tarah ki ruchikar v anubhvi jankariyan dete rahenge v is vidya v gyan se manav jagat ke jivan men ek achcha badlav lane ki koshish karenge.