shankh ek upay anek chehre ki kanti men vriddhi hetu- moti shankh ko ratri men pani se bhare kisi kanch ke bartan men rakhen. pratah us pani ko pi len. yah kriya roj karen, chehre par chamak v kanti aegi aur anton ke rog dur honge. iske atirikt is shankh ko roj chehre par halke-halke feren, chehra moti ki tarah chamkne lagega. yah kriya karne se larkiyon ke chehron par parne vale dag v munhase shighra dur hone lagte hain. mansik rogon se mukti hetu- moti shankh men chaval bharakar mansik rog se grast vyakti ke sir ke upar se sat bar utar kar jal men pravahit kar dene se use rog se mukti mil sakti hai. pati-patni ke bich prem ki pragarhta ke lie- kanch ke ek katore men laghu moti shankh rakh kar use apne bistar ke najdik rakhen. isse kamre ke as-pas ki nakaratmak urja dur hogi aur pati-patni men prem barhega. lakshmi ki kripa ke lie- dakshinavarti shankh lakshmi ka sakshat rup hai. is shankh ko ghar men sthapit karen, lakshmi sada prasann rahengi. rin se mukti ke lie- yadi ap rin ke bojh tale dabe hue hain, lakh koshishon ke bavjud mukti nahin mil pa rahi, to ghar, dukan ya karyalay men dakshinavarti shankh sthapit karen, ashcharyajanak parinam samne aenge. bhut-pret badha se mukti hetu- dakshinavarti shankh men thora ganga jal dalakar sare ghar men chirken, bhut-pret badhaon se mukti milegi.
Kya aapko lekh pasand aaya?
Subscribe