kainsar se prabhavit logon ki kundliyan pan. sitesh kumar panchaili kainsar aj bhi apna kahar dha raha hai. yadi praranbhik sthitiyon men chikitsak is rog ko n pakar pae to yah sharir men vishvriksh ki tarah failta chala jata hai. is bhayankar rog se grast hone par janmakundli men grah sthitiyan kaisi rahti hain aur inka kya prabhav parta hai, aie janen... kainsrjaise bhayanak rog ke yog bhi janmakundli men mil jate hain. grahon ki sthitiyon se yah pata chal jata hai ki is rog ki sanbhavna kab banti hai. jo grah sabse jyada papi grahon se pirit ho uski dashantardasha men rog hone ki sanbhavna rahti hai. chathe, athven aur barhven bhavon ke bhaveshon ki dashantardasha men rog hone ki sanbhavna rahti hai. chathe, athven aur barhven bhavon men sthit grahon ki darshantardasha men rog ki sanbhavna rahti hai. rahu aur surya ka apas men sanbandh ho aur chathe ya athven bhav se bhi sanbandh ho to inki dashantardasha men rog ki sanbhavna rahti hai.
yadi rahu makar ya shani kunbh rashi men ho tatha shani kamjor aur papi grahon se pirit ho to rahu ya shani ki dashantardasha men rog hone ki sanbhavna banti hai. iske vivechnarth kainsar pirit kuch jatkon ki kundliyon ka vishleshan yahan prastut hai.
kundli san. 1 ek kainsar grast mahila ki kundli hai jise stan kainsar tha. shashthesh shani ashtamesh guru aur ketu ke sath svarashi men shashth bhav men sthit hai. chaturth bhav men surya aur mangal hain jo rahu se purn prabhavit hain. rahu kark rashisth hokar dvadash bhav men sthit hai. iska svami chandra badhak bhav men hai. kark rashi par shashthesh aur ashtamesh ki purn drishti tatha chandra ki badhak bhav men sthiti stan kainsar ka karan thi. bimari ka pata dvadshesh rahu ki mahadsha men lagnesh surya ki antardasha men chala.
kundli san. 2 ka jatak blad kainsar se pirit tha, lagn men nich rashisth shukra, rahu aur chandra ke sath sthit hai. shani, jo shashthesh hai, ki purn drishti in par hai. ashtamesh mangal aur dvadshesh surya donon tritiya bhavasth hain. chandra aur shukra ki rahu ke sath yuti aur un par parne vali drishti se kainsar rog ke yog bante hain. rahu ki mahadsha men lagnesh budh ki antardasha men bimari ka pata chala. dvadshesh surya ast hokar lagnesh aur ashtamesh ke sath tritiya bhav men yuti kar raha hai.
kundli san. 3 ka jatak blad kainsar se pirit tha. rahu se drisht chandrama chaturth bhav men sthit hai. rahu ashtam bhav men vrish rashisth hai. shashthesh guru saptam bhavasth hai aur shani se drisht hai. mangal dvadash bhav men sthit hai. lagnesh shukra rahu aur shani se drisht hai. guru tritiyesh aur shashthesh hokar marak saptam bhav men sthit hai. bimari ka pata guru ki mahadsha men guru ki antardasha men chala kyonki guru marak bhavasth hai.
kundli san. 4 ka jatak blad kainsar se pirit tha. shashthesh aur shashth se shashth yani ekadshesh mangal lagnasth hai. lagnesh budh ashtamesh shani ke sath shani ke ghar men baitha hua hai. jatak ki kundli men nich rashi ka surya dva adshesh shukra ke sath hai tatha rahu se purn drisht hai. jatak ko bimari ka ke. au. pata surya ki mahadsha men shukra ki antardasha men chala.
kundli san. 5 ki jatka thairaid ke kainsar se pirit thi. dvitiyesh evan ekadshesh budh dvitiya bhav men sthit hokar ashtam bhavasth chandra aur shani se drisht hai. yahan chandra dvadshesh aur shani shashthesh hai. bimari ka pata mangal ki dasha men rahu ki antardasha ke dauran chala parantu lagnesh ke lagn men sthit hone se shubh prabhav ke karan jatka ka safal aepreshan hua aur vah thik ho gai.
kundli san. 6 ka jatak livar kainsar se pirit tha. lagnesh budh shashth bhav men surya ke sath sthit hai evan ast hai. pancham bhav men nich rashi ka guru hai. panchmesh aur shashthesh shani saptam bhavasth hai aur rahu dvara purn drisht hai. rahu par ashtamesh aur ashtamasth mangal ki purn drishti hai. rahu tritiya bhavasth hai aur mangal se drisht hai. shukra shashtham bhavasth hai tatha surya ke sath yuti ke karan ast hai. bimari ka pata rahu ki mahadsha men shukra ki antardasha men chala.
kundli san. 7 ki jatka mutrakrichch kainsar se pirit thi. uske pancham bhav men ashtamesh surya, shashthesh budh aur dvadshesh guru baithe hain. pancham bhav aur panchmesh shukra par ashtamesh, shashthesh aur dvadshesh ka purn prabhav hai.
jivan men jarurat hai jyotishiya margadarshan ki? abhi bat karen fyuchar point jyotishiyon se!