shiksha men avrodh paida karne vale yog buddhi bhavgtaah kruraah shatrugrahsmashritaah. nichrashigtashchaiv murkho vai manujo bhavet..
- pancham sthan men krur grah shatru grah se yukt ho aur nich rashigat ho, to vyakti murkh (buddhihin) hota hai, arthat shiksha prapt nahin kar sakta hai.
- panchmesh yadi chathe, athven ya barhven sthan men ho athva panchmesh pap grahon ke sath ho, to vidya bhang yog banta hai.
aise jatak ke adhyayan men badha avashya ati hai, vishesh kar un pap grahon ki dasha-anrtadasha men, jinse yuti ho rahi ho. aise yog se jatak ko pariksha ya pratiyogita men saflta nahin milti hai.
lagne chandre mandardrishte hindhiah. mandararkashchandra pashyanti maukhryakraah..
- lagn men chandrama tatha use shani, mangal dekhen ya chandrama kahin bhi sthit ho aur shani, mangal tatha surya dekhen, to jatak mand buddhi hota hai.
- kundli men budh kamjor sthiti men ho tatha dvitiyesh ya dvitiya bhav par krur grahon ki drishti tatha yuti ho, sath men chandrama ki sthiti vrishchik rashi men ho, to jatak ka mastishk asthir rahta hai tatha uska shiksha men man nahin lagta hai.
- pancham bhav se ekadash paryant purn kal sarp yog ho, to shiksha men badha utpann hoti hai.
- dusre bhav ka svami surya ke sath yuti kar ke, 6, 8, 12 ven bhav ko chor kar, kahin bhi baitha ho aur shani, rahu ki kudrishti par rahi ho, to vidya prapti men rukavten ati hain.
- pancham sthan ka svami papakrant ho aur shani panchven sthan men sthit ho kar lagnapati ko dekh raha ho, to jatak ko shiksha ke kshetra men avrodh prapt hote hain.
sarasvati prayog se saflta bhagvti sarasvati devi vidya, buddhi, medha, tarkashakti evan samast gyan-vigyan ki adhishthatri shakti hain. inhen mahasarasvati, nil sarasvati adi namon se jana jata hai. hamare granthon men anadi kal se anek nam- rupon se inki upasna paddhatiyan prachlit rahi hain. vedon tatha agam granthon men sarasvati ki upasna se sanbandhit anek mantra, stotra bhare hue hain.
unmane sarasvati rahasyopnishad, sharda tilak adi granth vishesh rup se mahatva rakhte hain. yahan sarasvati devi ki kripa prapti hetu kuch saral mantra, vidyarthi varg ke labharth, diye ja rahe hain: sarasvati mantra ¬ hrin sarasvatyai namah. ¬ ain namah. ¬ ain hrin shrin klin sarasvatyai budhajananyai svaha. ¬ ain namah bhagvti vad-vad vagdevi svaha. ¬ hrin ain sarasvatyai namah. jyotishiya pariprekshya men sarasvati prayog kab karen
- jab shiksha men avrodh paida ho rahe hon.
- adhik parishram karne par bhi pariksha men achche ankon ki prapti n ho rahi ho.
- pancham bhav tatha panchmesh par parne vale ya yuti karne vale ashubh (krur) grahon ki mahadsha tatha antardasha men.
- pariksha tatha pratiyogita men saflta prapti hetu. vidya tatha pariksha/pratiyogita men saflta hetu kya karen -kisi vidvan jyotishi ki salah par panchmesh ka ratn, mudrika men jarva kar, nil sarasvati mantra se purit kar, dharan karen.
- pran pratishthayukt ‘sarasvati yantra’ ki sthapna kar nitya darshan evan kisi bhi sarasvati mantra ka 1, 2 ya 5 mala jap karen tatha nitya nil sarasvati stotra ka path karen.
- achche parinamon tatha shighra saflta hetu, sarasvati ki puja ke sath-sath, kisi karmakandi vidvan se ganesh ji ke shri vigrah par ‘ganapatyatharvashirsham’ ke mantron se jalabhishek karen, to ashatit saflta prapt hoti hai. krur grahon ki shanti karaen, jinki yuti, ya drishti se pancham bhav ya panchmesh ko hani mil rahi ho.
- un mahadsha, ya antardasha se sanbandhit grahon ki shanti karaen, jinse vidya bhav tatha vidya bhav ke svami ko hani mil rahi ho.