ank jyotish apni sarlta ke karan janta men atyadhik prachlit hai. keval kuch ankon ko jorie aur jan lijie ki amuk din, padarth, vyakti, sthan ya desh apke lie shubh hai ya nahin. jyotish men 9 grah hain aur ank jyotish men bhi 9 hi ank hain. pratyek grah ka ek ank hai, ya kahie ki pratyek ank ka ek grah hai. vibhinn ankon ke svami nimn prakar se mane gae hain:-
| ank |
1 |
2 |
3 |
4 |
5 |
6 |
7 |
8 |
9 |
| grah |
surya |
chandra |
guru |
rahu |
budh |
shukra |
ketu |
shani |
mangl |
pratyek ank ki grah ke anusar apni visheshtaen hain. ek vyakti ke jivan men kuch ankon ka asar adhik hota hai aur kuch ka kam - usi prakar jaise jyotish men ek undli men kuch grahon ka vishesh asar hota hai to kuch ka kam. manushya ke jivan men tin ankon ka prabhav mukhya hai- mulank, bhagyank evan namank. janm tithi ke ankon ke yog ko mulank kahte hain. tithi, mah evan varsh ke yog ko bhagyank aur nam ke aksharon ke ankon ke yog ko namank kahte hain. prayah dekha gaya hai ki yadi tinon ankon men samanvayta ho to vyakti bhagyashali evan samriddhishali hota hai. anyatha inki kami rahti hai. mulank evan bhagyank ka badlna to manushya ke hath men nahin hai, lekin nam ke hijje (aichmsspdh) ko badalakar kuch had tak anukulta lai ja sakti hai.
get free numerology report online
jatak ke lie kaun sa varsh uttam rahega, yah us varsh ke ank evan jatak ki ayu ke ankon ka jatak ke ankon ke sath samanvay dekhakar bataya ja sakta hai. isi prakar kisi tithi vishesh ka fal tithi ke mulank v sanyuktank ka jatak ke ankon ke sath samanvay dekhakar kiya ja sakta hai. kisi sthan, pradesh ya desh ke sath jatak ka samanvay dekhne ke lie us sthan ke nam ke sanyuktank ka jatak ke ankon se samanvay kiya ja sakta hai.
itna hi nahin, sheyar evan upbhokta bajar, sarrafa, tel, tilahan adi men kaun si vastu jatak ke vyapar ke lie labhdayak ho sakti hai iski jankari bhi vastu ke namank ka jatak ke ankon se samanvay kar prapt ki ja sakti hai. vahan, makan evan laetri adi ke ankon ka bhi mulank evan sanyuktank nikal kar unka jatak ke ank se milan kar fal jana ja sakta hai ya aise vahan adi ka chayan kiya ja sakta hai jinka mulank evan sanyuktank jatak ke mulank evan bhagyank ke anukul hon.
kisi jatak ko kisi anya vyakti se labh milega ya nahin iski jankari bhi ank jyotish dvara donon ke mulank, bhagyank evan namankon ke milan se prapt ki ja sakti hai. koi kanpni jatak ke lie shubh hai ya nahin yah kanpni ke shubharanbh ki tithi evan uske nam ke ankon ka jatak ke ankon se sanbandh dekhakar jana ja sakta hai. ank jyotish dvara prashnon ka bhi uttar diya ja sakta hai. iske lie prashnakarta se ek sankhya puchakar uska prashnank gyat kar prashnakarta ke ankon se uska milan kar prashn ka uttar diya ja sakta hai.
ank jyotish ka ek aur prayog hai loshu chakra. is chakra men ankon ke sthan nirdharit hain. ismen janm dinank ke sare ank rakh die jate hain aur yah jana jata hai ki kaun sa ank kitni bar aya aur kaun sa ank nahin aya. jo ank nahin ate hain unki jatak ke jivan men kami rahti hai aur jo ank ek ya ek se adhik bar ate hain unki jivan men purnata rahti hai. jaise- 12. 8.1967 ko janme jatak ka loshu chakra nimn hoga. is chakra men 4, 3 v 5 ank nahin hain evan 1 do bar a raha hai.
lekin ank jyotish men bhi anya vishyon ki tarah anek bindu vivadaspad hain. vivad evan unmen sarvamanya tathya nimnalikhit hain. sarvapratham ank jyotish men shunya ko koi mahatva nahin diya gaya hai jabki dashamalav pranali men shunya ko milakar das ank hote hain. ank jyotish men manyata yahi hai ki shunya evan 9 ek hi fal ko darshate hain. kisi ank ko yadi 9 se bhag diya jae aur shesh yadi 0 ho to kah sakte hain ki shesh 9 bacha.
isi prakar ek prashn yah bhi uthta hai ki ardh ratri ke pashchat janme shishu ki janmatithi ardh ratri ke samay ki tithi ki hogi ya agli tithi ki? ank jyotish ki samanya avdharna ke anusar ismen jyotish ki tarah tithi suryoday se nahin apitu ardh ratri se hi li jati hai. atah jatak ka janm agli tarikh men mana jaega.
get basic numerology report
mulank aur sanyuktank men se kise adhik mahatta di jae yah bhi ek vicharniya prashn hai. prayog men kabhi mulank evan kabhi sanyuktank adhik prabhavshali jan parta hai. lekin fir bhi mulank mukhya rup se prachlit ank hai. bhagyank ki mahatta dusre aur namank ki mahatta tisre sthan par hi hai.
ank jyotish men ek prashn atyant hi ganbhir hai ki kya ank jyotish keval angreji ya hindi bhashaane ke lie hi bana hai, anya bhashaon ke lie nahin? samanyatah keval angreji aksharon ke ank hi rachlit hain, anya bhashaon ke nahin. hindi ke aksharon ko bhi purn rupen ank nahin die gae hain kyonki ismen matra ya sanyuktaksharon ko ank ka pravdhan nahin hai. kuch nam to ek bhasha se dusri bhasha men purn rupen parivartit ho hi nahin pate hain. aise men yahi kaha ja sakta hai ki angreji bhasha ka hi upyog kiya jae. yadi thaniya bhasha ka upyog karna ho to ank jyotish men shodh kar us bhasha ko ismen sammilit kiya ja sakta hai.
sankshep men ank jyotish ka upyog anek prakar ke falit vichar ke lie kiya ja sakta hai. iski sarlta ise anya vidhaon se sarvopri banati hai.