ank aur sheyar marketing rajiv ranjan vyakti apne mulank, bhagyank aur namank ke adhar par anukul kanpni ka chayan karke sheyar marketing men saflta prapt kar sakta hai. vyakti apne namank, mulank aur bhagyank ki tarah hi kanpni ka mulank, bhagyank tatha namank nikalakar maitri chakra ke adhar par unke sanbandhon ka nirnay karke labhapradta ki sthitiyon ka nirnay v nirman kar sakta hai.
in ankon ke madhya adhik shatrutapurn sanbandh arthik hani ko darshate hain. aur yadi in ankon ke madhya ek se adhik sanbandh hon to vyakti ko is kanpni ke sheyron se n to adhik labh hoga aur n hi adhik hani . kisi bhi kanpni men nivesh karne se purva yah avashya dekh len ki kanpni ka namank apke anukul hain ya nahin. iske atirikt ankshastra men vibhinn udyogon par alg-alag ankon ka adhipatya svikar kiya gaya hai.
jatak ko apne mulank tatha bhagyank se maitri rakhne vale audyogik kshetron men hi nivesh karna chahie, jabki jin ankon se shatruta ho, un kshetron men nivesh karne se bachna chahie. isi prakar aipio niklne ki tarikh ka bhi apne bhagyank se milan kar len ki vah anukul hai ya nahin. udahadaran ke lie bharti nam ki kanpni ki angreji ki speling ke anusar uska namank 6 banta hai atah is ank ke sath yadi apka namank ka mel hota hai tabhi is kanpni men nivesh ka nirnay len. anyatha apko hani ki sanbhavna rahegi.