apne droing rum ya bedrum ki divar par tin akaron men kagaj par alg-alag akar ke bindu bana len tatha inhen kramshah pahle bara fir chota aur fir usse chota is kram men rakhen. din ho ya rat jab kabhi bhi apko fursat mile divar se karib do fut ki duri banaen aur palti marakar sukhasan men baith jayen ab donon hathon ko ghutnon par rakh len rirh ki haddi aur gardan ko bilkul sidha rakhen tatha donon hathon ki muththiyon ko bhinch len. tin bar gahri shvans lekar chore isse ap tanav rahit v rileks mahsus karenge.
iske pashchat bari-bari se tinon binduon par gahri najar jamayen. ek bindu par kam se kam 30 sekend, fir dusre bindu par antatah tisre bindu ko sthir netron se dhyanpurvak niharen. yah prakriya bina palkon ko jhapkaye karni hai. yah netra-yog 15 se 20 minat pratidin karen.
labh:
iske anek labh hain- pratham to yah ki is netra-yog ko pratidin karne se 2-3 mah men apka muladhar chakra jagrit hone lagega, man ekagra hoga, smaran shakti tej hogi, man tanav rahit shant aur anandit rahne lagega, krodh nahin ayega, nidra achchi ayegi evan ichcha-shakti drirh hogi.
netra yog se hriday, kand, bhrikuti ke madhya shvas nali ke upri bhag evan ankhon ki palkon ke pas jo hamare (gor-pran) hote hain ve shuddhatva vikar rahit hote hain.
netra yoeg karne se chashma hatega dur v pas dekhne ki shakti barhegi. ankhen saf rahengi aur sabse bari bat netra yog karne se apki ankhen ati prabhavpurn bhav prapt karengi. netra yog karne se apke vyaktitva men sakaratmakata barhegi.