kuch samay purva pandit ji ka gujrat ke shahar bhuj men rahne vale ek vyapari ke yahan vastu parikshan karne ke lie jana hua. unse milne par pata chala ki ve apne ghar ki samasyaon se kafi pareshan the. patni kafi bimar rahti hai. bete ki shadi ko kafi samay ho gaya tha parantu santan n hone se dukhi the. vyapar men bhi dinon din ghata barhta ja raha tha. unka kahna tha ki arthik v svasthya samasyaon ki vajah se unko ganbhir mansik santap bana rahta hai.
vastu parikshan karne par pae gae dosh:
1. sidhiyan uttara-purva men bani thi jo ki ek ganbhir vastu dosh hai jisse ghar men sukh shanti ka abhav, vansh vriddhi men rukavat tatha arthik samasyaon se pareshani bani rahti hai.
2. sirhiyon ke niche shauchalay bana hua tha. sidhiyon ka niche se band hona bhi atyant hanikarak hota hai jisse vikas men avrodh, vyapar men hani tatha ghar ki larkiyon ke jivan men samasyaen bani rahti hain.
3. uttara-purva men saiptik taink hona mansik tanav, bimari, dhan hani v larai-jhagron ka karan hota hai.
4. haindpanp dakshin men bana tha jo ki ghar ki mahilaon ki ganbhir svasthya samasyaon, bhari kharch, mukdmebaji ka karan hota hai.
5. dakshin-pashchim halka v khula tha jo ghar men anchahe kharche v bimari ko bulava deta hai.
sujhav:
1. uttara-purva men bani sirhiyon ko dakshin pashchim men banane ki salah di gai.
2. sirhiyon ke niche bane shauchalay ko dakshin-purva men ban kamre ke sath banane ko kaha gaya tatha sirhiyon ko niche se khula rakhne ki salah di gai.
3. saiptik taink ko uttar men karne ko kaha gaya tatha uttar ke get ko uttar purva men banane ko kaha gaya jisse saiptik taink get ke samne n a sake. get ke khulte hi niche gaddha v pani hona ashubh hota hai.
4. haindpanp ko age ke khule baramde ke uttara-purva men banane ko kaha jisse ghar men sukh samriddhi barh sake.
5. dakshin-pashchim men bane khule jal ko dakshin-purva men banane ko kaha jisse shauchalay ko vaintileshan mil sake.
pandit ji ne unhen ashvasan diya ki unhen apni sabhi samasyaon se jald hi rahat mil jaegi aur jivan men sukh, samriddhi v vikas barhega.
jivan men jarurat hai jyotishiya margadarshan ki? abhi bat karen fyuchar point jyotishiyon se!