bhajpa ke nae rashtriya adhyaksh shri nitin gadkri ka janm nagpur ke mahal ilake men shri evan shrimti jayram gadkri aur bhanutai ke ghar hua. shri gadkri ka lagnesh surya dasham sthan men dashmesh shukra ke sath ek parashriya raj yog ka srijan kar raha hai, jo unhen hamesha nae-nae karya karne ko perarit karta hai. vah prabandhan ke kushal khilari hain. varsh 1995 men jab pahli bar lok nirman mantri bane to hangkang gae. vahan se lautakar munbai men bhi hangkang ki tarj par flai ovar aur eksapres-ve banane ki kalpana ki aur lagabhag 55 flai ovar, pul aur munbai-pune eksapres-ve ka nirman kiya.
unhen aj bhi mahrashtra mane flai ovar main ke nam se jana jata hai. dvitiyesh aur labhesh budh ki bhagya bhav men ketu v chandra ke sath sthiti shubh nahin hai. lekin budh ke ghar dhan bhav men brihaspati ki tatha budh ke hi bhagya bhav men dhanesh labhesh ki sthiti ke karan vah ek safal udyami hain. labh ke budh ke karan nitin gadkri ki karoron ki ay hai. parakram bhav ke rahu ke karan vah chatra jivan men parti evan rashtriya svayan sevak sangh se jur gae the. chatra jivan se ab tak ke safar men unhonne vibhinn mahatvapurn jimmedariyan nibhai hain aur parti ke prati apni isi nishtha tatha samarpan ke karan vah parti ke aj tak ke sabse kam umra ke rashtriya adhyaksh hain.
kintu shashthesh aur saptamesh shani ki chaithe bhav men tatha chandra ki bhagya bhav men sthiti shubh nahin hai jiske falasvarup yogya aur urjavan hone ke bavjud vah n to vidhan sabha ka aur n hi loksbha ka koi chunav jit sake, halanki ekadhik bar emaelsi avashya chune gae. bhagya bhavasth chandra, ketu aur budh ne unhen chatra jivan se hi rajniti ki or mor diya. in tin grahon ki is sthiti ke falasvarup hi vah kahin jhukte nahin hain aur unki karyashaili akramak hai, kintu unmen vinamrata kut-kut kar bhari hui hai.
vyayesh chandra ke prabhavavash vah parti ko ek garimapurn sthiti tak le jane men avashya safal honge. nitin ka shabdik arth rakshak hota hai. is drishti se bhi vah parti ke rakshak siddh honge. shri gadkri ki janm kundli men kai rajyog hai. bhagyesh aur chaturthesh mangal ke karan ve ek kushal prashasak tatha uchch koti ke yojnakar hain. isi mangal ke karan vah kisi ke dabav men nahin ate. unhen maharashtra men dhanchagat vikas ko lekar kafi prasiddhi mili aur isi prasiddhi ke bal par vah pradesh ki rajniti se rashtriya rajniti men pahunche aur inhin rajyogon ke karan parti ke rashtriya adhyaksh bane.
shri gadkri ki kundli men bhagyesh chaturthesh mangal tatha labhesh dhanesh budh ke karan ek ati prabhavshali rajyog ban raha hai jiske falasvarup vah samjhdar, duradarshi, vinamra tatha drirhapratigya hain. apne lok nirman mantritva kal men vah hangkang gae aur flai ovar ki taknik sikhakar vapas ae. unhin dinon haive nirman ke lie dhirubhai anbani ki kanpni rilaens ne 3600 karor ka loest tendar bhara lekin unhonne sva. pramod mahajan ke dabav ke bad bhi yah tendar unhen nahin diya aur kaha ki main is haive ko 1600 karor men banakar dikhaunga aur unhonne vaisa hi kar dikhaya.
vinshoÿari dasha kram men lagabhag 41 varsh ki ayu men jab se mangal ki dasha shuru hui, vah rajniti men din-pratidin age barhte gae. rahu ki dasha 49 varsh ki ayu se aranbh hui jo 67 varsh ki ayu tak chalegi. rahu ki vinshoÿari dasha men jaise hi brihaspati ki antardasha shuru hui, vah bhajpa ke rashtriya adhyaksh bane. rahu ki dasha men shani ki antardasha unhen tapaegi.
shri gadkri ke grah nakshatron ke adhyayan se pratit hota hai ki agle ek do varshon men vah araesaes dvara apni niyukti ko sahi evan sarthak siddh karenge. apne pad ki garima ka nirvah karte hue vah parti ko sangthit evan majbut karne ka harsanbhav prayas karenge aur unke karyakal men parti ek bar fir se sabse bari parti ke rup men ubhar kar samne aegi. unke grah yog unke jannayak hone ka sanket bhi dete hain.