navagrahon ke nakshatron men sthit rahu ke fal pan. nirmal kumar jha jis tarah rahu-ketu kisi rashi ya bhav men sthit hokar usi rashi ya bhav ke anusar fal dete hain, usi tarah vibhinn nakshatron par avasthit hone par bhi inke prabhavon men antar ata hai. yadi rahu ashubh bhavon ke nakshatron ke adhiptiyon ya anya ashubh bhavon ke bhaveshon ke sath yuti men ho to ashubh fal deta hai. surya ke nakshatra men sthit rahu udahrnarth rahu yadi surya ke nakshatra krittika, uttar falguni ya uttarasharha par ho to jatak ko rahu ki dasha ya antardasha men uchch jvar, hriday rog, sir men chakkar, sharir men jhunjhunahat, sankramak rog, shatru upadrav, hani, grih-kalah adi ka samna karna parta hai. uske man men apne bhagidaron ke prati shanka rahti hai. uska sthan parivartan, dur gaman, sankramak rog adi hote hain. surya, jo nakshatresh hai, ke sath rahu ke hone tatha surya ke ashubh sthan men hone se aisa hota hai. lekin, surya jab shubh sthiti men ho to pronnati, raj labh, prasiddhi, yash tatha nam pratishtha evan samman men vriddhi hoti hai. chandra ke nakshatra men sthit rahu jab chandra svayan ashubh sthiti men aur rahu uske nakshatra men ho to rahu ke chandra ke nakshatra rohini, hast tatha shravan men ashubh fal milta hai. aisi sthiti men jatak ki jal men dubne se mrityu, shit rog, ti. bi. ya snofiliyan ho sakta hai. iske atirikt patni ke rog grast hone ya uski akal mrityu ke sath-sath jatak ke angon men sujan anchahe sthan par sthanantaran ki sanbhavna rahti hai. mangal ke nakshatra men rahu rahu jab mangal ke nakshatra mrigshira, chitra ya dhanishtha par hota hai to dhan ki hani, agni, chor tatha daku ke dvara nuksan, mukdme men parajay tatha paise ki barvadi hoti hai. is avdhi men kisi se shatruta, mitra athva partanar se dhokha milna, pulis ya anya uchchadhikari se vivad adi hote hanai. lekin mangal yadi shubh sthiti men ho to bhumi, bhavan, aur vahan ka labh, nirman karya, thekedari, bima, ejensi, jamin jaydad ke karobar adi se labh hota hai. budh ke nakshatra men rahu rahu jab budh ke nakshatra ashlesha, jyeshtha ya revti par ho to vyakti lokapriya hota hai, uski ay ke kai sadhan hote hain, rajkripa ki prapti, dur-daraj ke logon se parichay tatha unke sath karya karne ki sthiti banti hai. use santan, vahan adi ka sukh milta hai. yadi budh duahsthan men ho to vyakti ko dhokhebaj, chali tatha kapti bana deta hai. uski bat par log vishvas nahin karte. use thayrayad rog bhi ho sakta hai. brihaspati ke nakshatra men rahu rahu ke brihaspati ke nakshatra punarvasu vishakha ya purvabhadra par avasthit hone se shatru par vijay aur chunav men jit hoti hai. iske atirikt lakshmi ka agaman, santan ki utpatti, parivar men harsh, ullas, umang evan sukh men vriddhi adi fal milte hain. kintu brihaspati ke ashubh bhav ya prabhav men hone par vyakti ko apman, parajay, sanpatti ki hani, karya men badha adi ka samna karna parta hai. shukra ke nakshatra men rahu rahu jab shukra ke nakshatra bharni, purva falguni ya purvasharha par ho to vahan tatha mulyavan aur sundar vastuon ka kray sundar farnichar adi se ghar ki sajja, abhushan adi ka kray, sanbandhiyon se madhur sanbandh, stri sukh, dhan-agaman, adi parinam milte hain. kanya santan sukh bhi isi avdhi men hota hai. lekin shukra ashubh sthiti men ho to kisi stri ke dvara blaikmeling, yaun rog, stri ke karan dhan ki kshati adi ki sanbhavna rahti hai. rahu ke nakshatra men rahu yadi rahu apne nakshatra adrra, svati ya shatbhisha par ho to vyakti mansik kasht, vish bhay, svasthya men giravat, joron ke dard, chot, bhram, dushnichtaon adi se grast hota hai. is apdhi men uske parivar men kisi bujurg ki mritya,u jivan sangini ka viyog hota hai. iske atirikt uske sthan parivartan aur apayash ki sanbhavna rahti hai. kintu yadi rahu shubh grah ki mahadsha ke antkal men hota hai to anand, pronnati tatha videsh bhraman adi suyog deta hai. ketu ke nakshatra men rahu rahu ketu ke nakshatra ashvini, magha ya mul men ho to jatak shankalu, svabhav ka hota hai. udse sanp ka bhay hota hai aur uski haddi ke tutne tatha bavasir ki sanbhavna rahti hai. use jivan sathi se pareshani tatha bare logon se shatruta rahti hai aur uske dhan tatha pratishtha ki hani hoti hai. yadi janmakundli men ketu ki sthiti achchi ho to vyakti bahumulya abhushnon ki kharidari karta hai aur use vivah, pronnati, bhumi-bhavan adi ka sukh prapt hota hai. t shani ke nakshatra men rahu rahu jab shani ke nakshatra pushya, anuradha ya uttarabhadra par ho to vyakti apayash, chot, kisi ganbhir rog, gathiya ya vat se pira, pittajanya dosh adi se grast tatha mandira ka vyasni ho sakta hai. apne partanar ke prati uske man men galtfhmi rahti hai. uske talak sthan parivartan adi ki sanbhavna bhi rahti hai.
Kya aapko lekh pasand aaya?
Subscribe