netra ki rachna: apne anguthe madhya bhag ke barabar jo angul hai, un do angul ke barabar netra budbud ke antah pravisht netra hain. akshigolak lanbai aur chairai men arhai angul hai. yah ankh sundar, golakar, gay ke stan ke saman panch bhautik rachna hai. yadyapi yah tajomay avayav hai tathapi netra budbud men mans prithvi se, rakt agni se, krishn bhag vayu se, shvet bhag jal se, ashrusrot akash mahabhut se utpann hote hain. yah alochak pitt ka sthan hai. chakshu ke pashchatya dhruv par is antrik sanvednik patal ke bhitri prishth men ek gola ya andakar pila dhabba hota hai jise pit bindu kahte hain, jiska vyas 1/24 se 1/12” hota hai. uske bich men gadrha hota hai.
ankh men panch mandal, chah sandhiyan aur chah patal hain. jyotish shastra men pratham dreshkan kundli men dvitiya sthan se dayan netra tatha barhven sthan se bayen netra ka bodh hota hai. jyotish men janmajat rogon ka vichar karne ke lie yogon ko mahatva diya gaya hai. jabki vat, pitt, kaf se utpann hone vale sharirik evan mansik rog tatha angon men paida hone vali vyadhiyon ka vichar yogon ke sath-sath dasha antardasha ke adhar par kiya jata hai, kyonki ye rog prarabdh ka fal hai aur prarabdh sanchit ka ek bhag hai. atah inka vichar karte samay hamare acharyon ne yog evan dasha in donon pravidhiyon ka ashray liya hai tatha asantulit khan-pan aniyamit dinacharya, mahamari evan sankraman rogon ko kriyaman kramon ka fal mana hai. chunki kriyaman kram sanchit evan prarabdh ke prabhavavash hote hain
atah aise rogon ka vichar karte samay yog evan dasha ke sath-sath gochar ka bhi adhyayan kiya jata hai. ayurved men karmajanya rogon ka karan jo karm mana gaya hai ve sanchit karm hai jiski ek bhag ko prarabdh kahte hain tatha mithya ahar-vihar kriyaman karm hai. netra rogon ka karn: sharir ke garam hone par sahsa jal men ghus jane se, durdrishti lagatar rakhne se, nind n ane se, nirantar rona, krodh, shok, klesh karne se, chot lagne se, atistri sevan se, shukt, kanji, khatai, kulthi, urad ka sevan karne se, mal, mutra adi ko rokne se, pasine se, dhumrapan se, vaman ke ruk jane se ya atiyog se, ansuon ko rokne se, barik kam karne se, dosh netra men rog karte hain.
samprapti: netrasth siraon ka ashray lekar viprit gati vale dosh upar ki or akar netra bhag men rog utpann karte hain.
purvarup: netra gadla, shothyukt, ashru-gandu-malyukt, bhari, jalan, tod, surkhi adi se yukt aspasht lakshanon vala hota hai. palkon ke kosho men thora dard, shuk se bhare palak, ankh kriyaon men ya rup dekhne men pahle ki bhanti karya nahin karti.
ankh ke 76 rog: vatajanya rog: hatadhimanth, nimish, gambhirika drishti, vatahatavatrm asadhya hain. kach rog yapy tatha shushkakshipak, adhimanth, abhishyand, marutapayrya v anyatovad ye panch rog sadhya hain.
pittajanya rog: hrasvajadya, jalasrav asadhya hai. parimlayikach v nilkach yapya hain tatha pittaj abhishyand, adhimanth, amlapyushit, shuktika, pittavidagdhadrishti v dhumadarshi sadhya hain. kafajanya rog: kafasrav asadhya v kafjkach yapya hai. abhishyand adhimanth, balas, grathit shleshmavidgdhdrishti, pothki, lagan, krimigranthi, pariklinnavatrm, shukla, arm, pistak tatha shleshmopnah sadhya hai.
rakt janya rog: raktasrav, ajka, shenitarsh, shatshukra asadhya hain tatha raktakach yapya hai. adhimanth, abhishyand, klishtavatrm, shiraharsh, shirotpad, anjna, sirajal, parvani, avranshukra, shonitarm v arjun sadhya hain.
sarvaj netra rog: puyasrav, nakulandhya, akshipak, alji asadhya hain tatha kach, pakshmakop yapya hain. vatrmavivandh, shirapidika, prasttaryarm, adhimansarm, snayvarm, utsangini, puyalas, arbud, shyavakardam, shyavavatrm, arshovatrm, shushkarsh, sharkaravatrm, sashokpak, ashokpak, vahalavatrm, aklinnavatrm, kumbhika v vivatrm ye unnis sadhya hain.
bahyaj rog: sanimitt aur animitt ye asadhya hai. iske atirikt sandhi ashrit 9, vatrmajanya 21, shukla bhag men 11, krishnabhag men 4, sarvashray 17, drishtijanya 12 tatha bahyajanya 2 rog ati bhayanak hain. drishti: drishti ka praman masur ke patte ke barabar hai. ye prithvi adi panch mahabhuton ke sar se utpann hui hai. jugnu ke sukshm agni kan ke saman chamkne vala, upachay aur apachay rahit tej se yukt, ankh ke bahm patal se rhaki gol ched vali shital vastu ke satmayavali manushyon ki drishti hai.
jyotishiya rataundhi ke yog: is rog men jatak ko ratri men dikhai nahin deta hai, jabki vah din men apna sabhi karya kar sakta hai. surya ko chorakar anya netra karak grah (chandra evan shukra) duahsthanon men ho ya un par pap grahon ka prabhav ho to rataundhi hoti hai.
- chandra ke sath shukra shashth, ashtam ya vyay sthan ho.
- shukra chandra evan dvitiyesh ek sath hon v un par pap grahon ki drishti ho.
- shukra chandra evan dvitiyesh tinon lagn men ho. vividh netra rogon ka yog:
- shashthesh vakri grah ki rashi men ho to ankhe duahkhti hain.
- lagnesh mangal ya budh ki rashi men ho un par inmen se kisi ek ki drishti ho to netra pira hoti hai.
- ashtamesh evan lagnesh shashth men ho to baen netra men rog hota hai.
- shashth ya ashtam men shukra ho to dahine netra men rog hota hai.
- dhanesh par shubh grahon ki drishti ho aur lagnesh pap grah ke sath ho to drishti kamjor ho jati hai.
- shani, mangal ya gulik ke sath dvitiyesh ho to ankh men dard hota hai.
- dvitiya men pap grah aur un par shani ki drishti ho to netra rog se drishti nasht ho jati hai.
- dvitiya bhav ke navansh ka svami pap grah ke rashi men ho tokisi rog se drishti nasht ho jati hai.
- lagn men shayan avastha ka mangal ho to netra rog hota hai.
- dvitiyesh evan shukra sath-sath hon to netra rog hota hai.
- shukra se 6, 8 ya 12 sthan men dvitiyesh ho to netra rog hota hai.
- trikon men surya ho tatha us par pap grah ki drishti ho to jyoti nasht ho jati hai.
- lagn men ya ashtam sthan men surya ho to drishti kamjor ho jati hai.
- surya, shukra evan mangal ek sath ho to netra rog hota hai.
- chandra evan mangal trik men ho to girne se ankh men chot lagti hai.
- dvitiyesh trik sthan men ho aur us par shubh grahon ki drishti ho to vriddhavastha ke karan netra rog hota hai.
- dvitiyesh ya dvadesh surya ho aur us par shani evan gulik ki drishti ho to kaf evan pitt vikar se netra rog hota hai. bhengapan ka yog
- surya, chandra vakri grah ke rashi men trik sthan men ho.
- dvitiya ya dvadash men pap grah ke sath shukra ho to jatak adhkhuli ankhon vala hota hai.
- lagn men surya evan chandra ho aur un par shubh evan pap donon grahon ki drishti ho to jatak ke palak chalte rahte hain.
- kark lagn men surya ho to jatak ke palak lagatar chalte rahte hain.
- lagn men sthit surya evan chandra ko mangal evan budh dekhte hon to jatak ke ankhon men fuli hoti hai.
andhta yah janmajat, agantuk netra men vikar ke karan tatha samanya ayu ke sath-sath vriddhavastha men motiyabind ke karan ho sakti hai. jatak granthon men surya ko netra karak mana gaya hai aur chandra evan shukra ko uska sahyogi. is prakar surya, chandra evan shukra in tinon se netra evan usmen hone vale rogon ka vichar kiya jata hai. kundli men dvitiya bhav dahine netra ka to dvadash bhav banye netra ka pratik hai.
in bhavon ke atirikt shashth evan ashtam bhav se bhi netra rog ka vichar kiya jata lai. jaimini, parashar, varahmihir, kalyan varma evan vaidyanath adi ne spasht rup se bataya hai ki rog karak grah ke upar shubh grahon ki drishti yuti ho to vah rog upchar dvara thik ho jate hain.
andhta ke yog - surya ashtam chandra shashth, mangal dvitiya aur shani dvadash men ho. - rahu lagn men ho aur surya saptam men ho. - dvitiya evan dvadash men kramshah surya evan chandrama ho tatha shashth evan ashtam men pap grah ho. - shani evan mangal ke sath chandra trik men ho. - dvitiyesh evan lagnesh trik men ho. - sinh lagn men shani ho. - surya evan chandra pap grahon ke bich men ho. is prakar ham dekhte hain ki jahan ayurved men netra ki rachna ke adhar par rogon ka ati vistrit varnan kiya hai. ayurved ke sabhi sanhita evan sangrah granthon men netra rog ati vistrit rup se varnit hai. vahan jyotish men yah varnan ati simit rah gaya hai. avashyakta hai ki vartaman pariprekshya men jyotishiya yogon ka sandhan-anusandhan, anushilan ho jisse jyotish aur ayurved milakar adhik jan upyogi karya kar sake.