manav jivan aur rog ka atut sanbandh hai. vishva men aisa koi jatak nahin hai, jise kabhi koi rog n hua ho, chahe vah chota rog ho, chahe bara. purva janm ke ashubh karmon ke karan jatak ko rog hote hain. jyotish ke adhar par rog, uski tivrata tatha uske samyavdhi ka akalan kiya ja sakta hai. pratyek rashi, nakshatra, grah aur bhav kisi n kisi rog ke karak hote hain. jyotish ki vah shakha, jo rashi, nakshatra grah tatha bhav ke adhar par rog ka gyan karati hai, chikitsa jyotish kahlati hai. yon to jyotish men rogon se sanbandhit asankhya yog hain.
parantu yahan aise yog ka ullekh kiya ja raha hai, jismen svayan lagnesh (tanu bhav ka svami) apni vishisht sthiti ke karan, svayan rogotpatti ka karan ban jata hai. is yog ko nimn rup men vyakt kiya ja sakta hai. ‘‘janm lagnesh jis bhav men nichasth ho kar sthit hota hai, vah kal purush ke usi bhav se sanbandhit ang men jatak ko rog deta hai.’’ janm lagnesh ki nich rashi men sthiti vibhinn lagnon ki janmakundliyon men yahan uddhrit talika ke anusar ho sakti hai. janmakundli men tin bhav aise hain, jinmen koi bhi grah lagnesh ho kar nich rashisth nahin ho sakta hai. ye tin bhav hain lagn, shashth aur ashtam. iska arth yah hua ki koi bhi grah apni svayan ki rashi, athva apni rashi se shashth, ya ashtam rashi men nichasth nahin hota. lagn sir ka, shashth bhav gurde antriyon aur apendiks ka tatha ashtam bhav guda aur andkoshon ka pratinidhitva karte hain.
uparyukt tinon bhav ukt sutra ke apvad hain.
rog ki tivrata: nichasth lagnesh dvara utpann rog ki tivrata par nimn baton ka prabhav parta hai:
- yadi nichasth lagnesh par yuti, drishti, ya madhyatva dvara shubh prabhav adhik ho, to kal purush se sanbandhit ang men rog ki tivrata nyun hoti hai.
- yadi nichasth lagnesh navansh men uchch ho, to bhi rog ki tivrata nyun hoti hai.
- yadi nichasth lagnesh par yuti, drishti ya madhyatva dvara ashubh prabhav adhik ho, to rog ki tivrata adhik hoti hai.
- yadi nichasth lagnesh navansh men nichasth ho, to bhi rog ki tivrata adhik hoti hai. - yadi nichasth lagnesh navansh kundli men trik bhavon (6, 8, 12) men ho, to bhi rog ki tivrata adhik hoti hai.
- yadi nichasth lagnesh nirayan bhav chalit men agle bhav men chala jae, to rog ka prabhav agle bhav se sanbandhit ang par bhi hoga.
- yadi nichasth lagnesh nirayan bhav chalit men pichle bhav men rah jae, to rog ka prabhav pichle bhav se sanbandhit ang par bhi hoga.
uparyukt kathan se spasht hai ki nichasth lagnesh ka rog se sanbandhit faladesh karne se pahle sabhi binduon par bhali bhanti vichar kar lena chahie. udahrn: balika- janm sthan: baran, rajasthan, janm tarikh 4-5 navanbar, 1997, samay ratri 2 baj kar 30 minat janm ke samay ketu ki mahadsha 1 varsh 3 mah 22 din rog: gardan par tyumar, jiske karan shvas ki nalika par dabav vishleshn:
- sinh lagn hone se surya janm lagnesh hai tatha shukra tritiyesh hai. tritiya bhav tatha shukra kan, gardan aur shvas ki nali ke pratinidhi hain.
- janm lagnesh surya nich rashi tula men tritiya bhav men sthit hai.
- surya rahu ke nakshatra svati men sthit hai.
- lagn men rahu surya ki rashi sinh men baith kar rashi adhishthit malin prabhav surya ko de raha hai.
- tritiya bhav aur tritiyesh surya par ketu ki navam drishti hai. anya kisi shubh grah ki drishti nahin hai.
- tritiyesh shukra pancham bhav men (apni mul trikon rashi men tritiya tatha vrishabh rashi se ashtama) mangal tatha dvadshesh chandra ke sath sthit hai.
- lagnasth rahu shukra ko pancham drishti se dekh raha hai.
- shukra svayan ketu ke mul nakshatra men hai.
- shukra dvara adhishthit rashi dhanu ka svami (panchmesh) guru svayan shashth bhav men nich rashi men hai.
- tritiyesh shukra par shashthesh shani (vakri) ki dasham drishti hai. navansh kundli men janm lagnesh surya svayan shashth (rog) bhav men sthit hai, jisapar rahu ki pancham aur shani ki tritiya drishti hai.
janm ka tritiyesh shukra svayan ashtam bhav men rahu-ketu ki dhuri par hai. is prakar tritiya bhav men nichasth surya, usapar rahu ke malin prabhav tatha tritiyesh shukra ki nirbal aur dushit sthiti se balika ki gardan men tyumar hua tatha tyumar se shvas nalika prabhavit hui. 27-2-1999 se shukra ki mahadsha praranbh hui.
ismen shukra ki antardasha men surya, mangal par rahu ki pratyantar dashaon men 7-11-2000 men is rog ki utpatti aur vriddhi hui. mangal ki pratyantardasha men tyumar ki shalya chikitsa bhi ho chuki hai. sek ka karya chal raha hai. is balika ko manik dharan karva diya gaya hai. vartaman men balika ki sthiti samanya hai. ta