navratri prashna: navratriyan kyon manai jati hain aur varsh men kab-kab ati hain? vibhinn navratriyon ka alg-alag mahatva bataen. in dinon kis prakar puja upasna ki jani chahie aur uske kya labh hain?
bhartiya dharmik paranpra men navratriyon ka bahut hi mahatva hai. navratra ya nauratri ke do arth lie ja sakte hain - nau rat ya nau raten. srishti ka srijan gahan andhkar men bhugarbh men ya mata ke garbh men hi hota hai. manav yoni ke lie garbh ke ye nau mahine nau raton ke saman hote hain jinmen atma, manav sharir dharan karti hai.
book navratri special puja online
jis prakar ratri hamen vishram deti hain aur hamare sharir men urja ka sanchar karti hain, usi prakar navratra ki nau raten hamare sharir men atirikt shakti v urja ka sanchar karti hain kyonki ye raten ati sukshm urja se paripurn hoti hain. atah inka upyog kar ham apne andar bhi nai urjaon ka punah sancharan kar jivan men adhikadhik labh prapt kar sakte hain.
”pahli shalai patru i kahlav,e dasu ri brahmacharini man bhaven, tisri chandraghanta shubhnam, chaithi kushmanda sukhdham, panchvin devi skandmata, chathi katyayni vikhyata, satvin kalratri mahamaya, athvin mahagauri jagjaya, navmi siddhidatri jag janen, navdurga ke nam bakhane.“ matri shakti ke rup men devi ji ki puja upasna ki bhinna-bhinn paddhatiyan vibhinn rupon men bharat men prachlit hain.
unki upasna ka sarvashreshth rup sabhi jagah navratriyon ke avasar par dekhne ko milta hai. yah kal matra utsav hi nahin hai, varan siddhi prapti ka, sadhna upasna ka shreshth avasar hota hai. bangal prant men shri durga, rajasthan men gangaur aur gujrat men bhagvti anba garba ki puja vaiyaktik aur samuhik donon rup men ki jati hai.
choti-choti larkiyan bhi shatmukh jati ke rup men sanjhi ke nam se vrat rakhti hain, unki puja pratishtha karti hain. navratri ke avasar par javare rakhe jate hain durga-saptashati ka path mantra jap, havan pujan, kanya bhojan, bhandara adi ka ayojan bhaktagan anba mata ki kripa pane, unhen prasann karne ke lie karte hain.
in dinon uttar pradesh, madhya pradesh sahit vibhinn sthanon par durga ki pratimaen sthapit ki jati hain. vijay dashmi tak vibhinn sthanon par ramlilaen ki jati hain, mele lagte hain. yoddh aon ka yahi sainya parva hota hai. isi avasar par kshatriya shastra pujan karte hain. devi jagaran ke karyakramon ke daur bhi isi avasar par chalte hain. in sabka uddeshya kisi n kisi rup men devi pujan hi rahta hai.
aisi manyata hai ki navratri ke kal men mata ke komal pranon ka pravah bhulok par hota hai, unka vas rahta hai. vaise to bhagvti devi durga adi mataon ka nam smaran pujan, path, shraddhalu bhaktagan kabhi bhi kar sakte hain, parantu pratahkal ya sayankal iske lie adhik upyukt mana gaya hai.
din aur ratri ke milap ki avdhi sandhya kahlati hai. sandhya kal men kie gae ish vinay, pujan archan, stuti path, prarthana, jap adi athva upasna ke punyon ka fal shighra milta hai kisi anya samay men ki gai puja ki tulna men adhik hota hai.
sandhya arthat din aur ratri ki milan bela ki bhanti rituon ki bhi milan bela hoti hai jo vibhinn prakar ke karyon ko karne ke lie bahut adhik upyogi evan karyon ki abhivriddhi karne vali hoti hai. rituen vaise to chah hoti hain aur pramukh rup men tin mani gai hain parantu yatharthatah dekha jae to keval do hi hain - shit aur grishm.
in donon ka milap kal ya milan ki bela ashvin aur chaitra mas ki navratri kal men varsh men keval do bar hi ati hai. inhen ritu sandhya ke nam se jana jata hai. ritu parivartan ka yah urjamay, utsah umang ka, navratri ka, navmod ka samay dharmik karyon ke karne ke lie, adhyatmik jagriti ke lie, vibhinn prayojnon ke lie sadhnaon ki siddhi pane ke lie vishisht rup men punyaprad evan tatkal shubh faldayak hota hai.
vidhi vidhan ke sath navratriyon ko manane se, unki puja, upasna, anushthan adi karne se manushyon ki vipattiyon ka nash hota hai, manokamnaen purn hoti hain, yahan tak ki log asadhya bimariyon se bhi mukt hone lagte hain. kathin se kathin karya navratri kal men karne se sugmta ke sath purn hone lagte hain. kumariyan bhi shreshth pati ki kamna lekar navratri men jagdanba durga ki bari hi bhakti bhavna se puja upasna karti hain.
navratri ke avasar par ramayan premi log devi upasna ke sath-sath ramchritmanas ka sanpurn path navahn parayan ke rup men karte hain. jo jatak varsh men kisi dusre samay men devi pujan, anushthan, sadhna adi ke lie samay nahin nikal pate, unki yah koshish rahti hai ki ve navratri men is tarah ke anushthan, durga saptashati path, grah shanti ke kritya, dan, vratopvas, jap havnadi ke karya avashya kar len.
navratriyan varsh men kab-kab ati hain ? ek varsh men navratriyan char bar ati hain, jinka vivaran nimnalikhit hai:
1. garmi ke mahine men parnevali navratri jo basant ritu men chandra sanvatsar praranbh hone ke din se arthat chaitra shukla pratipda se ramnvmi tak ke nau dinon men manai jati hai, ‘vasantey navratra’ kahlati hain.
2. thand ke dinon men parne vali navratri ko jo ashvin mas ke shukla paksh ki pradipda tithi se navmi tithi tak ke nau dinon men manai jati hai, ‘shardey navratra’ kahte hain. is navratri ki navmi ke dusre din dashhra ka tyauhar manaya jata hai.
is tarah pratham navratri arthat chaitra mah vali navratri ramnvmi vali to ashvin mah ki dusri navratri dashhre vali navratri hui. vasantey navratra men navmi tithi ko bhagvan ram ka janm hota hai to shardey navratra men navmi tithi ke samapan hote hi dusht ravan ka ant hota hai.
donon navratriyon ke ant samay men man jagdanba apne bhakt janon ko hi nahin, vishva ke sanpurn hindu sanatan dharmavlanbiyon ko maryada purushottam bhagvan raghvendra shri ramchandra ji ki jay jaykar karne ka svarn avasar pradan kar deti hain - ek bar unke janm din ke avasar par aur dusri bar unke dvara dashhra ke din ravan ka badh kar dene ke avasar par.
ritu chakra ki uprokt donon shadmasik navratriyon ke bich do aur navratriyan hoti hain jo gupt navratriyan kahlati hain. unki kalavdhi is prakar hain:
1. asharhi gupt navratri jo ashadh mas ke shukla ki pratipda tithi se aranbh hokar nau dinon tak chalti hai.
2. maghi gupt navratri jo magh mas ke shukla paksh ki pratipda tithi se aranbh hokar nau dinon tak rahti hai. navratri men ginti ke pure nau dinon ka hi vichar kiya jata hai. ratri din ki sangini hai. din aur rat ke mel se ek din banta hai jise jyotish ki bhasha men ahoratra kahte hain. shiv ki shivratri shakti ki navratri kahlati hai.
shri navdurga rupa navratri navdurga ke shailputri adi jo navasvarup shastron men varnit hain, unka dhyan prithak prithak rupon men navratri ke nau dinon men kiya jata hai. bhagvti shailputri se siddhidatri tak ke navdurga ke navrupon ka pujan archan navratriyon men pratipda tithi se navmi tithiyon tak karne ka vidhan hai.
durgati harini durga mata ka durga rup men pratidin navratri men bhakt ganon ke dvara pujan archan is rup men kiya jata hai ki sinhvahini mata durga durgati dur karne vali hon, hamare upar prasann hon, apni bhakti pradan karen aur hamari manokamnaon ko apna balak janakar, bhaktavatsala banakar purn karen.
navratri men durga ashtami ki puja ka vishesh mahatva hai. navratri ke ek din purva ki puja ko bhi devi bhakt kafi mahatva dete hain. devi upasna se kaivalya param pad moksh ki prapti hoti hai.
”ya devi sarvabhuteshu matrirupen sansthita.
namastasyai namastasyai namastasyai namo namah..“
shailraj himalay ki kanya hone ke karan navdurga ka sarvapratham svarup shailputri kahlaya. shailputri ki navratri men pratham din puja ki jati hai. ye vrishvahna shiva hi hain. ghor tapashcharya vali tapashcharin ai durga ka dusra svarup bramhacharin ai kahlaya.
navratri ke dusre din inki puja ka vidhan hai. akshamala v kamandal dharini siddhi v vijay deti hain. ghantakar chandra mastak par dharan karne vali mata chandraghanta kahlati hain.
tisre din navratri men inki puja karne se bhakton ka ihlok evan parlok men kalyan hota hai. yah chandrasam shitldayi hain. pind aur brahmand ko utpann karne vali devi kushmanda hain. yah durga ji ka chaturth svarup hai islie navratri men chaturthi ko inki puja hoti hai. yah rog, shok ka nash karke ayu, yash aur bal pradan karti hai. skand ki mata hone ke karan skandmata kahlane vali devi ki navratri ki panchmi tithi ko puja archana ka vidhan hai. yah god men skanddev ko lie rahti hain. sada shubh faldayini hain. katyayan suta katyayni navdurga ka chatha svarup hai.
inki puja navratri ki shashthi tithi ko chathe din ki jati hai. yah danvghatini devi shubh fal pradan karti hain. kal ka nash karne vali devi kalratri ki puja navratri men satven din ki jati hai. gardabharurha, karali, bhayankri, krishna, kalratri mata daravni hone par bhi bhakton unki asim kripa rahti hai.
dhan aishvarya pradayini, chaitanyamyi, trailokya mangla, tapatrayharini mata ka ashtam svarup mahagauri hai. ath varsh ki ayu ki hone ke karan athven din navratri men inhen pujne se sada sukh shanti deti hain.
asht siddhiyan pradan karne vala mata ka navam svarup siddhidatri kahlata hai. nauven din jo navratri ka antim din hai, siddhidatri ki puja upasna karne ka vidhan hai. shri trigunatmika shaktirupa navratri navratri men sadhak trishakti ki tridivsiya upasna bhi karte hain.
tin din mahakali ki pratham puja, madhya ke tin dinon men mahalakshmi ki puja aur navratri ke antim tin dinon men maha sarasvati ki puja ka vidhan hai. tinon ki sadhna karne par tamsik durgunon ka nash aur satvik gunon ki abhivriddhi hoti aur upasak ke hriday men dhire dhire gyan ka uday hone lagta hai.
pratham tin dinon men bhaktagan durga mata se apni tamsik pravrittiyon jaise man ki malinta, avgunon aur buraiyon ko nasht karne ki vinti karte hain. tab ve mahakali banakar pratham tin dinon men mahakali ke rup men bhakt janon dvara pujit hone par unke bhitar jo tamsi vritti aur asuri gan hote hain, unse sangram kar unhen jar sahit kat dalti hain aur upasak ki raksha karte hue unhen andhkupon men girne se bachati hain. yahi trigunatmika shakti ka pratham rup mata mahakali hua.
jab is tarah se manushyon ki asuri vrittiyon ki ihlila samapt hone lage tab bhakton ko apne hriday men sadgunon, satvik pravritiyon ko bharne ke lie navratri ke madhyavarti tin din shri mahalakshmi ji ka pujan karna hota hai, kyonki ve satvik shakti hain. hamen shri madabhagavat gita ke solhven adhyay ke anurup satvik pravrittiyon aur gunon ki abhivriddhi ke lie nishtha aur drirh ichchashakti ki jarurat parti hai.
bhakt janon ki pukar sunakar devi, mahalakshmi rup men apne bhakton par tamsik vritti rupi asur ganon ko akraman karne se rok deti hain aur bhakton ki puja upasna se prasann hokar unhen sadgun sanpda rupi pradan karti hain. antim tin din shri maha sarasvati ke pujan se bhaktajanon ka jivan safal hota hai. ve unse apne hriday men base agyanandhkar ko hatakar gyan jyoti jagrat karne ki prarthana karte hain.
jab upasak ki tamsi vrittiyan dur ho jati hain aur usmen satvik vrittiyan barh jati hanai, tab us gyan ki prapti hoti hai. unki puja atm gyan ki prapti ke lie sarvotkrisht mani gai hai. mahasarasvati ka shvet vastralankar atmagyan ka dyotak hai. mahasarasvati ka pujan karne se prasann hone par unki vina madhur dhvani karne lagti hai jisse bhakton ke hriday men gyan ka prakash fail jata hai. trigunmyi mata ka yahi tritiya rup maha sarasvati rup kahlata hai.
puja upasna kaise karen ?
har vyakti jise mata ke shri charnon men prem ki pratiti hoti hai, svayan navratri ke parvakal men nimn rup men pujan kar bhagvti ki prasannata ki prapti ka prayas karta hai. sarva pratham navratri ke purva puja ka sthan nishchit kar use saf suthra kar len.
book online nav durga puja this navratri
us sthan par narmada jal, ganga jal athva kisi anya pavitra nadi ke jal ka chirkav karen. puja ke sthan aur samay ke sath sath baithne ke lie asan bhi nichit kar len.
puja ke samay upasak ka mukh purva disha men rahe. lal un ke bane hue athva lal kanbal ke asan ka prayog shubh mana gaya hai. pujan samagri puja thali men ekatrit kar yathaochit jagah par rakh len. puja ka shubh muhurt, lagn adi ki jankari prapt karen.
chaiki ki vyavastha karen. man jagdanba ki tasvir ya murti lal vastra ya patte par bicha kar sthapit karen. mata ke samaksh ek sundar sa navdurga yantra bhi rakhen. navratri ke pahle din snan adi se nivritt hokar puja karne ke lie baithen. nirdharit kisi bhi shubh muhurt men bhagvti durga ki upasna ke purva bhagvti parvati ke putra vighnavinashak ganpti devta ka panchopchar pujan unka mantra ”¬ gan ganptye namah“ japte hue kar len.
ganesh ji ko snan karakar kesar kumkum ka tilak lagaen. durba, pushp, gulal, kachcha sutra charhaen. laddu ya laddu sahit prasad bhog ya naivedya ke rup men arpit karen. pan, supari, laung, ilaychi bhi arpit karen. dakshina ke sath arti utaren. har devi ka ek bhairav hota hai, apne gurudev hote hain.
purva disha ke svami bhagvan surya hote hain, jinki or mukh karke arthat purvabhimukh hokar shakti ki araadhna karni chahie. apne apne kul devta aur kul devi ka smaran karen evan stavan karen. sath hi nagar devta, gram devta aur sthan devta ko bhi pranam karen.
ye sab bhairvadi devta smaran aur pranam matra se hi khush hokar apki raksha, sahyta karenge aur navratri kal ki puja upasna safal hogi. navratri pujan men kansya pratima arthat kanse se nirmit sinhvahini devi ki murti ka ati vishisht mahatva hai, pratima shubh faldayini hoti hai. kanse ke atirikt chandi aur sone ki pratima ki puja ka bhi vidhan hai.
iske uprant ek kalash par haldi ya roli se svastik ka mangal chihn banakar aur jal se bharakar uski sthapna kar len. kalash men sikka, supari, sabut haldi ki ganth, sabhi ek ek ki sankhya men ganga jal dal den. panch, sat, nau ya gyarah patton vala amra vriksh ka pallav kalash men mukh par sthapit kar us par lal suti kapre men ya sut ke kapre men ek nariyal lapetakar rakh den.
kalash men jal ke devta varun ka avahan karen. kalash ka chandan, chaval, kunkum, kesar, kusha, kalava, pan, pushp arpit karte hue pujan karen. kalash ka pujan karte samay ”¬ namashchandikayai“ ya ”¬ dun durgayai namah“ mantra man hi man japte rahna chahie.
kalash pujan ke purva ghi ya tel ka akhand dip jalana chahie kyonki pujan ki sakshi ya pujan karm ki sakshi agni svarupa jyoti hi hoti hai. devi vigrah ke bayin or ghrit jyoti aur dahini or tel vali jyoti jalane ka vidhan hai.
iske uprant devi ji ki puja kul paranpra ke anusar karte hue man ka shanrigar karna chahie. chitra vali sthiti men pushp mala, kunkum tilak aur chunri se hi man ka shanrigar karna chahie. mishtann, sugandhit lal ya safed pushp, lal chandan, kunkum ya roli adi bhagvti ko charhane chahie.
path karne ke purva bhagvti se aisi prarthana karni chahie- shakti do mujhe karun tumhara dhyan, nirvighn ho tera path, mera ho kalyan. path karte samay pothi ya pustak sath men lekar nahin parhna chahie. mantra ka jap man hi man aur stuti, path adi spasht thik thik uchcharan karte hue karne chahie, kintu bahut jor-jor se bol kar path nahin karna chahie.
durga ji ke nimnalikhit navanr a mantra ka kam se kam 108 bar jap karna chahie - 9 dino tak pratidin subah sham donon samay arthat ek mala jap. navarn mantra: ¬ ain hrin klin chamun dayai vichche.
durga chalisa durga ji ki bahu prachlit stuti hai. navratri men iska subah sham nyunatam ek adhikatam nau path karne chahie. chaman ki durga stuti durga saptashati ka hi sankshipt padyanuvad hai. iska bhi navratri kal men pratidin pratah aur sayan ek-ek bar path kar sakte hain.
durga saptamashi sat sau shlok vali hone ke karan hi durga saptamashi kahlati hai. shri markandey puran ke terhven adhyay ka durga mahatmya sanbandhi ansh shri durgasaptashati ke nam se jana jata hai. iska path guru ke sannidhya men hi karna shubh hota hai.
navratri ke dinon men satvik evan brahmacharya bhav ka palan v tamsik padarthon aur mans-madira adi ka tyag karna chahie. krodh evan jhuth se bachna chahie. bhumi shayan karna chahie evan devi ke prati purn rupen samarpit chahie. pratidin ki navratri pujan ke ant men bhagvti ki ghi aur kapur se subh-sham donon samay arti gate hue utarni chahie.
devi ke vigrah ke mukh, kati, charan aur sanpurn angon sahit kul chaidah bar (ek $ do $ char $ sat) arti karne ka sarvamanya niyam hai. nauven din 2 chote chote balkon sahit 9 kanyaon ko bhojan karna chahie. nau kanyaen durga ke nau rupon ki pratik hoti hain aur do chote balak paranba man jagdanba ke vir putra rup unke do mukhya gan hanuman aur bhairav svarup hote hain.
navratri ke samapan par agle dasven din sayankal kam men ane vali samagri ko chorakar samast havn-pujan samagri, pushpamala, ful, pattane adi ko bahte hue jal men pravahit kar visarjit karna chahie. yadi kalash mitti ka to use bhi visarjit kar dena chahie.
puja men prayukt pan-supari jo kalash men dale gae sikke ke sath kisi pandit ya brahman ko de dena chahie. jis lal kapre ko bichakar us par man ko navratri kal men asin kiya gaya ho, us devi ji ki charan raj se yukt kapre ko apne pars, peti ya paisa rakhne ke sthan par sanbhalakar rakh lena chahie.
mata ko arpit kiya gaya prasad pujan karne vale ko sabse pahle thora sa svayan grahan karna chahie, fir bant dena chahie. varsh men navratri do bar manayi jati hai. navratri ke in pramukh do avsron par nau dinon tak din men ek bar bhojan ka tyag karne aur satvik ahar grahan karne se pachan kriya thik rup se kam karne lagti hai aur sath hi rakt svatah hi shuddh ho jata hai.
sadhak svasth bana rahta hai. use mausmi byadhiyan nahin satatin. navratri ke punya parva ka samay svasthya vardhan ke lie atyant upyukt hota hai. sath hi navratri kal men bhakti bhavna men bhi vriddhi hoti hai. in dinon akash saf suthra hota hai. yah samay khagolshastriyon ke lie upyukt hota hai jab unhen grahon ke avlokan men sahuliyat hoti hai. vishva ke adhikansh men garbhadhan vasant ritu ke agaman par hi hota hai.
is ritu men manushya tatha anya jiv jantuon men antrik utsah aur umang ka atirek hota hai. navratri kal men durgopaskon men gyan, vivek, pratibha, nai sujh bujh, duradarshita adi utpann ho jate hain aur sansarik tatha mansik pareshaniyon ka samna karne ki shakti a jati hai. navratri ke kisi ek hi parva par apni ek matra aradhya durga devi ke bhaktagan jab unki puja aradhna karte hain to iska pratifal samanya kram ki puja upasna ki apeksha adhik shreyaskar hota hai.
devi mathon men, shaktipithon men vishesh rup men puja pratishtha ke karyakramon ka ayojan navratri ke avasar par hi hota hai. navratri parvon ka ayojan aranbh karne ka mul uddeshya adikal se yahi raha hai ki log vair bhav ko bhulakar, apsi prem aur sadbhav ke sath mil julakar dharm karya karne ka mahatva samjhen.
navratri men durgopasna se labh bhagvan ramchandra ko pati ke rup men pane ke lie sita ke parvati ji ki puja kie jane par parvati ne yah ashirvad diya tha aur isi ashirvad se unki manokamna purn hui. navratri men kumari kanyaen manonukul pati ki prapti ke lie bari shraddha ke sath vrat dharan kar devi ki puja upasna karti hain aur unka manorath safal ho jata hai.
vivahit striyan sukhamay jivan, pati ki samriddhi aur dirghayu santan sukh evan santan ke kalyan ki kamna ke sath navratri pujan karti hain. navratri anushthan se dukh daridray ka shaman, lakshmi ki prapti, rog se bachav, dharm evan adhyatm men ruchi aur parivarik kalah, rag-dva esh adi se mukti hoti hai.
iske atirikt vidya arjan aur vivah ke marg men ane vali badhaen dur tatha ghar men manglik karya hote hain. sadhakagan yantra, mantra tantra ki kriyaon ko navratri kal men siddh karne men safal hote hain.
if you are facing any type of problems in your life you can consult with astrologer in delhi