rog do tarah ke hote hain-doshaj evan karmaj. jin rogon ka upchar davaon se ho jata ho, unhen doshaj tatha jinka upchar davaon se nahin ho unhen karmaj kahte hain. karmaj rog manushya ko purva janm ke bure karyon aur papi grahon se pirit hone ke karan hote hain. inka upchar dan, jap, havan, devpujan adi se hota hai. jyotishiya adhar par rogon ka gyan: jyotish shastra men janmakundli ke chathe bhav se rog ka vichar kiya jata hai.
chathe bhav ke dushit hone par rog hote hain. rog ki pahchan ke lie chathe bhav men sthit aur chathe bhav ko dekhne vale grahon ka vichar kiya jata hai. chathe bhav ke karak mangal ka prabhav bhi dekha jata hai. inmen dosh ki adhikta se rog ki sanbhavna bhi adhik ho jati hai. iske atirikt chandrama se chathe sthan ke svami par bhi dhyan dena chahie. manav sharir 12 rashiyon men vibhajit hai tatha un par nau grahon ka adhikar hai. atah pratyek rashi evan grah manav ke angon ko prabhavit karte hain. grahon ki sthiti, papi grahon ke prabhav evan drishti ke anusar rog evan unke karak hote hain.
dekhen sarni -1. dvadash rashiyan, manav ang evan sanbandhit rog: jyotish shastranusar anisht sthanon men sthit grah rog karak hote hanai. papi grahon ke lie tisre evan gyarhven ko chor shesh sthan anisht hain jabki shubh grahon ke lie tisra, chatha, athvan aur 12van sthan anishtakar hain. rog ka gyan chathe, athven aur 12 vane bhavon men sthit grahon se, lagnesh se yut grahon se ya lagn ko dekhne vale athva lagn men sthit grah se hota hai. barah bhav manav sharir ke angon (sir se pair tak) ko darshate hain. atah jo bhav ya grah dushit hota hai, usse sanbaddh ang men rog hota hai. sarni dekhen. grahon ka bal evan janmakundli ka vishleshn: chandra evan shukra sajal hain. surya, mangal evan shani shushk ya nirjal hain. budh evan brihaspati sajal rashi men sthit hon, to sajal evan nirjal rashi men hon, to nirjal hote hain. janmapatri men inki sthiti ko dekhte hue rogon ka vichar kiya jata hai.
janmakundli se rog aur uske kshetra ki pahchan: kundli ke pratham bhav lagn se jatak ke sharir, rang-rup, dukh-sukh ka, dvitiya bhav se ankh, nak, kan, svar, vani, saundarya ka, tritiya bhav se dama-khansi, fefre aur shvasan sanbandhi rogon ka, chaturth bhav se udar rog, chati v vakshasthal ka, pancham bhav se pachan tantra, garbhashay, mutra pind evan vasti ka, shashth bhav se rogon ke bhay, ghav, alsar, guda sthan adi ka, saptam bhav se jannendriya, guda rog adi ka, ashtam bhav se gupt rog, pira, durghatana adi ka, navam bhav se mansik vritti ka, dasham bhav se atmavishvas men kami v rogon se karm men badha ka, ekadash bhav se pindliyane aur snayu nariyon ka aur dvadash bhav se netra pira, shayan sukh, anidra rog, pairon ke rog adi ka vichar kiya jata hai. navagrahon ka vishleshan (shat ras ke adhar par): chandra namkin, surya katu, shani kashay, guru madhur, mangal tikt, shukra khatta aur budh mishrit rason ka svami hai.
surya pitt pradhan, chandra shit pradhan, mangal pitt pradhan, budh vat-pitta-kaf pradhan, grahanan - dhatvadi: manav sharir ke vibhinn bhag evan dhatuon ke adhipti. surya = asthiyan . chandra = rudhir. mangal = mans evan majja. budh = chamri, tvacha. guru = charbi . shukra = virya . shani, rahu-ketu = nari. in grahon ki visham, nesht sthiti men in dhatuon ki kami evan rog hote hain tatha shubh-sabal sthiti men in dhatuon ka sukh-saukhya prapt hota hai. shani vat pradhan, shukra vat-kaf pradhan aur guru kaf pradhan grah hai. shatru rashi men grahon ke sthit hone par grah ko ‘vriddha’ mana gaya hai
aur yadi grah vriddhavastha men ho to rog pradan karta hai. kisi bhi jatak ke pradhan rogon ki pahchan hetu rashi aur svami ki sthiti, sajl-nirjal grahon ki avastha, grah kis ras ka svami hai, snayu, asthi adi men se kiska karak hai, kis bhav men sthit hai, kis grah se sanbandh bana raha hai aur kaun sa tatva mahatvapurn hai in sabhi ka gahan vishleshan kiya jata hai. janm ke samay jatak ka jo grah nirbal hoga, us grah ki dhatu nirbal hogi aur usi se sanbandhit ang bhi pirit hoga. prashn kal, gochar athva janm samay men jab koi grah pratikul faldata hota hai vah sharir ke usi ang men apne ashubh fal ke karan rog evan pira pahunchata hai. rogon ka prakop: pratyek grah apna fal apni dasha, antardasha aur pratyantardasha men hi deta hai. janmakundli ke chathe, athven ya barhven sthan men sthit grah ashubh fal deta hai.
antardasha svami dasha svami se chathe, athven ya 12ven sthan men hone par rog pradata bhi hota hai. markesh ki dasha men sthit antardashesh adhik anishtakari hota hai. parashar rishi ne apne granth men ise is prakar spasht kiya hai: dusht sthan sthitan khetan jap homadi pujnaiah. vipranan bhojnairdanairyatnatah shantayed budhah .. graheanukule manujaah sukhino'bhyunttaah sada. pratikule duahkhbhajastasmatan paripujyet.. arthat duahsthan (chathe, athven ya 12ven) sthit grahon ki shanti ke lie jap, hom pujan, dan, punya adi karne chahie. grahon ki anukulta se log sukhi aur grahon ki pratikulta se dukhi rahte hain. atah unhen mantron, ke jap pujan adi se shant karna chahie.
kainsar evan hriday rog ke jyotishiya yog: vartaman samay men bhayanak rogon men, jinka sharir men hona hi mrityu ka paryay mana jata hai, kainsar, hriday rog, rajayakshama v eds pramukh hain. in rogon ka jyotishiya adhyayan kar grahon ki sthiti ke anusar upay kiya jae, to inse mukti sanbhav hai. sanskrit men kainsar rashi ko kark aur kainsar rog ko ‘karkarbud’ kahte hain. uparyukt lakshanon men kark rashi, kark ke svami chandra aur uski vibhinn sthitiyon ke kainsar rog men yogdan ka vishesh mahatva hai. jyotish shastra men kainsar jaise bhayanak rogon ke vishay men siddhant aur sutra die gae hain.
is rog ke hone k shri mahamrityunjay yantra evan mantra: ¬ tatpurushay vidmahe mahadevay dhimhi tanno rudrah prachodyat .. .. ¬ jun sah .. jap mantra: ¬ haun jun sah ¬ bhurbhuvah svah ¬ trayambakan yajamhe sugandhin pushtivardhanam urvarukmiv bandhananmrityormukshiya mamritat ¬ svah bhuvah bhuah ¬ sah jun hau. ¬ pahle hi kundli evan gahan anubhav ke adhar par bhavishyavani ki ja sakti hai. kisi bhi janmakundli men chandra, guru, rahu, ketu, shani evan mangal ki yuti ya drishti hi kainsar ka mul karan hai. atah uparyukt grahon ki yuti, sthiti tatha drishti jis bhav par rahegi, kainsar us bhav se sanbandhit ang mane hi hoga. grahon ki sthiti, drishti evan yuti se kainsar rog ki utpatti ka vivaran dekhen.
- yadi chathe bhav ka svami papi grah ho aur lagnesh athven ya dasven ghar men baitha ho to kainsar rog ki ashanka rahti hai.
- chathe bhav men kark rashi men chandra ho to yah kainsar ka dyotak hai.
- chathe bhav men kark ya makar rashi ka shani bhi stan kainsar ka sanket deta hai.
- chathe bhav men kark ya makar ka mangal stan kainsar ka dyotak hai.
- makar rashi ka guru bhi kainsar hone ka sanket deta hai.
- mesh ka shani mastishk ke kainsar ka parichayak hai.
- chathe bhav ke svami ka athven bhav men sthit hona bhi kainsar ka suchak hai.
- chathe bhav men kark ka surya athva vrishchik ya min ka chandrama hona bhi kainsar ka suchak hai.
- yadi shukra, mangal ya guru chathe athva athven bhav ka svami ho ya chandra-rahu athva chandra-shani ki yuti ho to yah sthiti bhi kainsar ke sanket deti hai.
- shani asadhya, bhayanak evan lanbe samay tak chalne vale rogon ka parichayak hai. iski sthiti se adhik iski drishti pirakarak hoti hai.
- sharir men kisi bhi prakar ki rasauli (ganth) ka sanbandh jal se hota hai,
atah jal rashiyon (kark, vrishchik aur min) ke papagrast hone par kainsar hone ki sanbhavna rahti hai. kisi yog men yadi chandra par shani ki drishti ho ya shani chandrama se saptam ho, to kainsar ki sanbhavna rahti hai. vishesh: adhunik samay men kainsar, eds adi bimariyan adhikatar manushya ki apni galtiyon ke karan hoti hain. kainsar adhik dhumrapan, tanbaku, gutkhe, pan adi ke sevan se hota hai.
ek bar kainsar ho jae, to fir sharir ke lie sankat paida ho jata hai. kainsar sharir ke usi bhag ya sthan par hota hai, jo dushit evan papi grah se drisht ho. rogon ke jyotishiya nidan: mahamrityunjay ke jap tatha hom ko sarvarog nivarak mana gaya hai- mrityunjay havnan khalu sarvarujan shantaye vidheyan syat . sarveshvapi homeshu brahman bhuktistatha tatha ptavachah arthat mrityunjay havan sabhi rogon ka nivaran karta hai.
havan ke uprant mantra bolte hue rogi ke hath se ahutiyan dilvaen evan 6 bar shvasochchvas pranayam karen tatha dan punya karke havan se vatavaran ko doshmukt karen. yakshma (kshaya), kainsar ya hriday rogi ko aditya hriday stotra ka path svayan karna chahie. sankramak rog se rogi ki shayya ke pas havan karne se kitanu nasht ho jate hain aur vatavaran shuddh evan fefre bhi saf ho jate hain. yathashakti mahamrityunjay mantra ka jap karte rahna chahie.