ank jyotish dvara namkrn  

larki ka vivah hone ke bad uske nam ke age ka upnam (sarnem) badal jata hai aur uski duniya v bhagya bhi badal jata hai. sannyas ke bad guru sannyas ashram men pravesh karne vale ka naya nam rakh dete hain aur is prakar uski duniya hi badal jati hai. isi prakar film indastri men bare ektar naya nam rakhakar apne filmi kariyar ka aranbh karte hain jisse unke gat jivan ka prabhav unke kariyar par n pade. bahut se lekhak bhi aisa karte hain.

bahut se logon ka yah manna hai ki nam parivartan se bhagya parivartan ho jata hai. purn rup se nam badlne se to jivan ka svarup hi badal jata hai parantu nam men sukshm parivartan bhi bhagya men badlav lata hai.

hamara nam hamare vyaktitva ko prabhavit karta hai. pratyek vyakti ki yah mahatvakanksha hoti hai ki jivan men uska nam ho jae. koi bhi vyakti aisa nam nahin rakhna chahta jo kisi badnam ya apradhi pravritti ke vyakti ka ho. samanyatah ve apni manovritti ke anusar kisi mahan vyakti ke nam ya uske samanarthak kisi anya sanbodhan ko chunte hain. isilie ram to bahuton ka nam hota hai parantu ravan kisi ka nahin hota.

jyotish shastra ke anusar janmarashi ke nakshatrachrnanusar die gae namakshar se hi namakaran hona chahie. bahut se logon ka yah manna hai ki hamen apni janmarashyanusar apna nam nahin rakhna chahie anyatha jadu tona karne vale logon ko hamare grah nakshatron ki gati ka anuman hone se hamen nuksan ho sakta hai. parantu yatharth men yadi hamen apni janmapatri ke vastavik shubh fal ko prapt karna hai to hamen apne nam ke adi akshar ka chayan janm rashi nakshatra charnanusar hi karna chahie.

yadi hamen nakshatrachrnanusar akshar pasand nahin a rahe hain to rashi akshar le lena chahie. yadi yah bhi pasand n ho to hamen mitra rashi ke aksharanusar nam rakhna chahie. jyotish men nam ke keval pratham akshar ko hi mahatva diya gaya hai. shayad isilie ekta kapur ke dharavahik adhikatar ‘ka’ akshar se aranbh hone vale nam ke hi hote hain.

ank shastra men namank ka vishesh mahatva hai. ank shastra ka vaigyanik adhar janm dinank ke piche kam karne vala vaibreshan hota hai. ank shastra men mulank v bhagyank ka hamare vyaktitva par asar parta hai. yadi nam ka bhi in ankon ke sath rejonens hota hai to hamen shubh fal prapt hote hain anyatha nam prabhavhin ho jata hai.

nam men tin mahatvapurn ank hote hain. pahla namakshar yani jis akshar se nam aranbh ho raha hai us akshar ka ank. iske atirikt apke nam ke yog ka ank arthat namank. ant men apke purn nam ka yog arthat purn namank.

nam ka chayan karte hue namank tak pahunchne ki prakriya men is bat ka dhyan rakhna parmavashyak hota hai ki apka namank apka mulank ya bhagyank athva unka mitrank ho anyatha uski vaibreshan apko adhik behatar parinam nahin de sakegi. pathkon ki suvidha hetu kiro dvara di gai ankon ke mitrank v unke aksharon ki talika is prakar hai -

nam badlne ya nam men sukshm parivartan karne ka karan sadharan nahin hai apitu iske lie loshu grid ka adhyayan kiya jata hai jiski yah avdharna sarvamanya hai ki apki janmatarikh men se jo ank vilupt hai uska adhikadhik prayog apke nam ki vartani men kiya jae. yadi vilupt ank apka bhagyank ho to is vilupt ank ko apka namank bhi banaya ja sakta hai.

atah namakaran ke lie sarvapratham pahla akshar rashi anurup chunen jo mulank ka bhi mitra ho. punah namank v purn namank ko apne mulank v bhagyank ke anurup chunane. ye namank aise chunen jisse loshu grid ke khali sthan bhar saken aur hamare vyaktitva ki kami ke purak ban saken.

dhyan rakhen ki nakshatra v charan adi ke gyan ke lie janm tarikh v samay ki jankari hona avashyak hai. yadi samay ka gyan n ho to bhi rashi ka gyan janmatarikh se ho sakta hai. yadi janm tarikh bhi n malum ho to jyotish v ank shastra donon hi namakaran ke lie vyarth hain. donon shastron men hamara dhyey nam ko janm divas ke anurup banana hi hai.

book durga saptashati path with samput

udaharan -

indira gandhi ki janm tithi: 19 navanbar 1917, samy: 23: 11, sthan: ilahabad hai. iske anusar unki rashi makar, nakshatra - uttarasharha, charan tritiya tha. avkhra chakra anusar unka namakshar ‘ja’ jaise javitri hota hai. lekin unka prasiddh nam indira gandhi tha. ‘i’ akshar kritika nakshatra dvitiya charan, vrish rashi ko darshata hai. vrish rashi makar rashi ki mitra rashi hai. atah ‘i’ akshar ka prabhav bhi sakaratmak hi hai.

indiraji ki janm tarikh se inka mulank 1 v bhagyank 3 banta hai. unka namakshar p evan namaksharank 1 hota hai jo unka mulank bhi hai. arthat namaksharank ki mulank se purn vaibreshan hai. indiraji ka namakshar nimn hai:

atah namank 5 hua evan purn namank 6 hua. namank 5 bhi mulank 1 se mitravat sanbandh rakhta hai evan purn namank 6 bhagyank 3 ka mitrank hai. atah unka nam unke lie uttam hai. is tithi ke mutabik inka loshu grid is prakar ka banta hai -

indiraji ki janm tarikh men ank 1 ki punravritti bar-bar hui hai jiske karan ye kushal prashasak siddh huin. ank 9 ne inhen nirbhik banaya. inke loshu grid se kuch mahatvapurn ank jaise 5, 3 v 6 vilupt hain. parantu yadi inke nam ka adhyayan ank shastra ki paridhi men kiya jaye to ham dekhte hain ki inke prasiddh nam ka ank 5 ata hai.

pure nam ke ankon ka jor 33 hai jiske falasvarup nam ke yugmank men dohre guru ka prabhav hai. purn namank 6 a raha hai. islie ank 6 ki kami ki bhi purnataya purti ho rahi hai. isilie indira ji sarvashreshth vakta tatha shiksha v gyan ke star par atyant vidushi v prabhavshali prashasak thin.

inhonne kathin se kathin paristhiti men apne mansik santulan ko nahin khoya. inke nam ke yugmank men dohre guru v janmatithi se prapt hone vale guru ke ank 3 se hi inke andar atirikt mansik urja thi. inke namank men ank 5, 3 v 6 ka sundar samanvay hai. isilie inka bhasha par purn adhikar tha tatha inhonne hamesha bina parhe prabhavshali bhashan diye.

is prakar se ham dekhte hain ki ank kundli men yadi koi ank vilupt ho to nam ki vartani men sukshm parivartan dvara ham vilupt ankon ki vaibreshan ko prapt karke jatak ke bhagya men parivartan kar sakte hain. nam badlne se ya nam ki vartani men parivartan karne se bhagya men badle hue namank ke prabhav se hamaera bhagya parivartit ho sakta hai.

know which career is appropriate for you, get career report