nakshatron ke darpan men shubh muhurt  

nakshatron ke darpan men shubh muhurt do. bhagvan sahay shrivastav namakaran, mundan tatha vidyaranbh jaise sanskaron ke lie tatha dukan kholne, saman kharidne-bechne aur rin tatha bhumi ke len-den aur naye-purane makan men pravesh ke sath yatra vichar aur anya anek shubh karyon ke lie shubh nakshatron ke sath-sath kuch tithiyon tatha varon ka sanyog unki shubhta sunishchit karta hai. aie, is lekh se jane ki kis karya ke lie is sanyog ka svarup kya aur kaisa ho? nakshatra hi bhartiya jyotish ka vah adhar hai jo hamare dainik jivan ke mahatvapurn karyon ko prabhavit karta hai.

atah hamen koi bhi karya karte hue usse sanbandhit shubh nakshatron ka dhyan avashya rakhna chahie jisse ham sabhi kasht evan vighn badhaon se dur rahakar nayi urja ko safal uddeshya ke lie laga saken. vibhinn karyon ke lie shubh nakshatron ko janna avashyak hai.

namakaran ke lie : sankranti ke din tatha bhadra ko chorakar 1, 2, 3, 5, 7, 10, 11, 12, 13 tithiyon men, janmakal se gyarhven ya barhven din, somvar, budhvar athva shukravar ko tatha jis din ashvini, rohini, mrigshira, hast, chitra, anuradha, tinon uttara, abhijit, pushya, svati, punarvasu, shravan, dhanishtha, shatbhisha inmen se kisi nakshatra men chandrama ho, bachche ka namakaran karna chahie.

mundan ke lie : janmakal se athva garbhadhan kal se tisre athva satven varsh men, chaitra ko chorakar uttarayan surya men, somvar, budhvar, brihaspativar athva shukravar ko jyeshtha, mrigshira, chitra, svati, shravan, dhanishtha, shatbhisha, punarvasu, ashvini, abhijit v pushya nakshatron men, 2, 3, 5, 7, 10, 11, 13 tithiyon men bachche ka mundan sanskar karna chahie. jyeshth larke ka mundan jyeshth mas men varjit hai. larke ki mata ko panch mas ka garbh ho to bhi mundan varjit hai.

vidya aranbh ke lie : uttarayan men (kunbh ka surya chorkr) budh, brihaspativar, shukravar ya ravivar ko, 2, 3, 5,6, 10, 11, 12 tithiyon men punarvasu, hast, chitra, svati, shravan, dhanishtha, shatbhisha, mul, tinon uttara, rohini, mul, pushya, anuradha, ashlesha, revti, ashvini nakshatron men vidya praranbh karna shubh hota hai. dukan kholne ke lie : hast, chitra, rohini, revti, tinon uttara, pushya, ashvini, abhijit in nakshatron men, 4, 9, 14, 30 in tithiyon ko chorakar anya tithiyon men, manglvar ko chorakar anya varon men, kunbh lagn ko chorakar anya lagnon men dukan kholna shubh hai. dhyan rahe ki dukan kholne vale vyakti ki apni janmakundli ke anusar grah dasha achchi honi chahie.

koi vastu/saman kharidne ke lie : revti, shatbhisha, ashvini, svati, shravan, chitra, nakshatron men vastu/saman kharidna chahie. koi vastu bechne ke lie : purva falguni, purvabhadrapad, purvasharha, krittika, ashlesha, vishakha, magha nakshatron men koi vastu bechne se labh hota hai. varon men brihaspativar aur somvar shubh mane gaye hain.

rin lene-dene ke lie : manglvar, sankranti din, hast vale din ravivar ko rin lene par rin se kabhi mukti nahin milti. manglvar ko rin vapas karna achcha hai. budhvar ko dhan nahin dena chahie. krittika, rohini, ardra, ashlesha, uttara tinon, vishakha, jyeshtha, mul nakshatron men, bhadra, amavas men gaya dhan, fir vapas nahin milta balki jhagra barh jata hai.

bhumi ke len-den ke lie : ashlesha, magha, purvafalguni, mrigshira, mul, vishakha, anuradha, purvasharha, uttara bhadrapad nakshatra men, brihaspativar, shukravar 1, 5, 6, 11, 15 tithi ko ghar jamin ka sauda karna shubh hai.

nutan grah pravesh : falgun, baishakh, jyeshth mas men, tinon uttara, rohini, mrigshira, chitra, anuradha, revti nakshatron men, rikta tithiyon ko chorakar somvar, budhvar, brihaspativar, shukravar ko naye ghar men pravesh karna shubh hota hai. (samanyatya rohini, mrigshira, uttarasharha, chitra v u. bhadrapad men) karna chahie.

yatra vichar : ashvini, mrigshira, anuradha, punarvasu, pushya, hast, shravan, dhanishtha, revti nakshatron men yatra shubh hai. rohini, jyeshtha, uttara-3, purva-3, mul madhyam hain. bharni, krittika, ardra, magha, ashlesha, chitra, svati, vishakha nindit hain. mrigshira, hast, anuradha, rikta aur dikshul ko chorakar sarvada sab dishaon men yatra shubh hai. janm lagn tatha janm rashi se ashtam lagn hone par yatra nahin karni chahie. yatra muhurt men dishashul, yogini, rahukal, chandra-vas ka vichar avashya karna chahie.

vahan (gari) motar saikil, skutar chalane ka muhurt : ashvini, mrigshira, hast, chitra, punarvasu, pushya, jyeshtha, revti nakshatron men somvar, brihaspativar, shukravar v shubh tithiyon men gari, motar saikil, skutar chalana shubh hai.

krishi (hal-chalane tatha bijaropn) ke lie : ashvini, rohini, mrigshira, punarvasu, pushya, uttara tinon, abhijit, svati, vishakha, anuradha, mul, dhanishtha, revti, in nakshatron men, somvar, budhvar, brihaspativar, shukravar ko, 1, 5, 7, 10, 11, 13, 15 tithiyon men hal chalana v bijaropan karna chahie.

fasal katne ke lie : bharni, krittika, ardra, mrigshira, pushya, ashlesha, magha, hast, chitra, svati, jyeshtha, mul, pu.falguni, shravan, dhanishtha, purva bhadrapad, uttara tinon, nakshatron men, 4, 9, 14 tithiyon ko chorakar anya shubh tithiyon men fasal katni chahie.

kuan khudvana v nalkup lagvana : revti, hast, uttara bhadrapad, anuradha, magha, shravan, rohini evan pushya nakshatra men nalkup lagvana chahie.

naye-vastra dharan karna : ashvini, rohini, punarvasu, pushya, hast, chitra, svati, vishakha, dhanishtha, revti shubh hain.

ninv rakhna : rohini, mrigshira, chitra, hast, jyeshtha, uttara falguni, uttarasharha evan shravan nakshatra men makan ki ninv rakhni chahie.

mukhay dvar sthapit karna : rohini, mrigshira, u.falguni, chitra, anuradha, uttarasharha, uttara bhadrapad evan revti men sthapit karna chahie.

makan kharidna : bana-banaya makan kharidne ke lie mrigshira, ashlesha, magha, vishakha, mul, punarvasu evan revti nakshatra uttam hain.

upchar shuru karna : kisi bhi kronik rog ke upchar hetu ashvini, mrigshira, punarvasu, pushya, uttarafalguni, uttarasharha, hast, uttarabhadrapad, chitra, svati, anuradha, shravan, dhanishtha, shatbhisha evan revti shubh hain.