bhartiya sanskriti men vrikshon aur nakshatron ko manav jivan ka abhinn ang mana gaya hai. shastron ke anusar pratyek nakshatra ka vriksh bhi nishchit hai. puranon ke anusar 27 nakshatra dharti par 27 vrikshon ke rup men utpann hue hain. in vrikshon men un nakshatron ka daivi ansh vidyaman rahta hai. in vrikshon ki seva ya puja karne se un nakshatron ki seva ya puja ho jati hai. islie inhin vrikshon ko nakshatron ke vriksh kaha jata hai. jyotish ke anusar vyakti ke janm ke samay chandrama jis nakshatra ki sidh men rahta hai us nakshatra ka us vyakti ke man par sthayi prabhav par jata hai, jo jivanaparyant bana rahta hai. yah nakshatra us vyakti ka janm nakshatra kahlata hai. shastron ke anusar, apne janma-nakshatra vriksh ka palan poshan aur raksha karne se har prakar ka kalyan tatha unhen kshati pahunchane se har prakar ki hani hoti hai. prachin bharat men vaidya rogi ko uske janm nakshatra ke vriksh se bani aushdhi nahin dete the. jyotishi bhi grahon ke kharab hone par janm nakshatra vriksh ki puja karne ki sanstuti karte the.
nakshatra vrikshon ka jyotishiya mahatva: jis nakshatra men shani vidyaman ho, us samay us nakshatra sanbandhi vriksh ka yatnapurvak pujan karna chahie. sukh shanti ke lie apne-apne nakshatra vriksh ki puja karni chahie.
ayurvedik mahatva: manushya ko apne janm nakshatra vriksh ka prayog apni aushdhi ke lie nahin karna chahie, yah hanikarak hota hai. vardhan aur palan karne se nakshatra vriksh vyakti ko pujya tatha dirghayu banate hain. jo madandh log apne janm nakshatra ke vrikshon ka aushdhi adi ke rup men upyog karte hain unki ayu, dhan, stri, putra tab nasht ho jate hain. iske viprit apne janm nakshatra vrikshon ko palne tatha barhane se ayu adi ki vriddhi hoti hai.
tantrik mahatva: vibhinn tantrik prayojnon jaise- maran, mohan, uchchatan, rakshakarm adi men janm nakshatra vrikshon ka upyog hota hai jinka varnan tantrik granthon (sharda tilak, vidyarnav, mantramharnava) men bar-bar aya hai.
pujan anushthan men mahatva: kisi bhi pujan anushthan men panchapallav ki avashyakta parti hai. mul shanti men 27 nakshatron ke vrikshon ke patton ki avashyakta hoti hai. sharda tilak ke anusar nakshatron ke vriksh - karaskaro'thdhatri syadudumbarataruah punah. jamburvdir krishnakhyau vansh pippal sangyakau.. nagrohinnamanau palashaplakshasangyakau. ambashthavilvarnunakhya viknktmhiruhaah.. vakulah sarlah sarjo vanjulah napsarkakau. shamikadambanimbabhramdhuka rikshasharivnah.. arthat karaskar (kuchila) dhatri (anvla) udumbar (gulr) jambu (jamun) khadir (khair) krishn (shishm) vansh (bans) pippal (pipl) nag (nagkesr) rohin (vat) palash, plakh (pakr) ambashth (ritha) bilva, arjun, vikankat (kantari) vakul (maulashri) saral (chir) sarj (sal) vanjul (sailiks, jalvets) panas (kathl) ark (madar) shami, kadanb, amra, nimb, mahua. yastveteshamatmajanmakrshamanan mataryah kuryadbheshjadinmdandhah. tasyayushyan shri kalgan ch putronashyatyeshan varddhate varddhanadhai.. (rajnighantu) arthat jo madandh vyakti apne janm nakshatra vale vrikshon ki aushdhi adi ka upyog karte hain, unki ayu, shri, stri tatha putra nasht ho jate hain. apne janm nakshatra ke vrikshon ko barhane aur palan karne se ayu adi ki vriddhi hoti hai.
kram nakshatra devta vrikshon ke nam
1. ashvini ashvini kuchila
2. bharni yam anvla
3. krittika agni gulr
4. rohini brahm jamun
5. mrigshira som khair
6. adrra rudra shishm
7. punarvasu aditi bans
8. pushya guru pipl
9. ashlesha sarp nagkesr
10. magha pitar bargd
11. pu. falguni bhag dhak
12. u. falguni aryama pakr
13. hast savita ritha
14. chitra tvashta bel
15. svati vayu arjun
16. vishakha indragni vikankt
17. anuradha mitra maulashri
18. jyeshtha indra chir
19. mul niriti sal
20. purvasharha ap (jal) jalvets
21. uttarasharha vishvedev kathl
22. shravan vishnu madar
23. dhanishtha vasu shami
24. shatbhisha varun kadanb
25. pu. bhadrapad ajaikapad am
26. u. bhadrapad ahirbudhnya nim
27. revti pusha mahua