adhunik yug men insan har sukh jaldi se pana chahta hai. jo sukh uske bhagya men nahin bhi hota use pane ke lie har tarah ke karya karne ke lie tatpar rahta hai chahe vah galat hi kyon n ho. adhikatar dekha gaya hai ki insan isi pravritti ke karan jurm ke raste par nikal parta hai. jatak kuch avaigyanik vigyapnon se prabhavit hota hai jaise do din men premika ko vash men karen, ek din men naukri ya videsh jane ka vija, mera kiya koi kat nahin sakta ityadi. is tarah ke vashikaran ke vigyapan parh ya sunakar sab kuch ek rat men pa lena chahta hai kintu vastavik jivan men aisa kuch nahin hota. vashikaran tabhi karagar hota hai jab apki samasya svabhavik aur naitik ho aur kisi ko sharirik v mansik kasht n diya jaye aur sabse bari bat apki bhavna achchi honi chahie.
galat bhavna v anaitik dhang se ki gai vashikaran vidhi ya totka kabhi karagar nahin ho payenge. agar kisi stri jatak ka pati dusri aurat ya kusangti ke karan galat stri ke changul men fans gaya ho to kya karen? virvar ya shukravar ki rat 12 baje pati ke choti vale sthan se kuch bal chupchap kat len. un balon ko jalakar pairon se ragar kar ghar se bahar fenkane. is prakar ap apne pati men dhire-dhire sudhar dekhenge aur ve apki bat bhi manne lagenge. agar kisi jatak ki patni galat sangat ya dusre vyakti ke chakkar men ho to jatak kya kare? ravivar ke din ghar men gugal ki dhuni jalayen. gugal ko jalate samay us vyakti ka nam len jiski vajah se apki patni galat sangat men fans gai hai, yah prakriya har ravivar ko karen.
dhire-dhire ap iska asar dekhenge. agar man ko lage ki uska beta uski bat nahin manta v beta galat karyon men lipt hota ja raha hai to kya karen? man ko apni mang ka tika larke ke mathe par lagana chahie. dhire-dhire larka man ki bat manne lag jayega aur galat karyon se bhi dur hoga. agar bap ko lage ki uska beta uski nahin sunta aur hamesha bap se ukhra-ukhra rahta hai to aisi sthiti men kya karen? bap shuddh shahad men chandan tatha khas ka churn milakar apne mathe par tilak lagaye aur roj apne bete ko gale se lagaye. isse n keval bap v bete men pyar barhega balki dhire-dhire putra bap ki bat bhi manne lagega.
agar apka shatru apko tang kar raha hai aur ap use apne vash men karna chahte hain taki vah apko tang n kare to ap kya karen? ek bhojapatra len. usapar shuddh lal chandan se anar ki kalam se shatru ka nam likhen aur use ek shuddh shahad ki dibbi men dubo kar rakhen. isse dhire-dhire shatru apke vash men ane lagega v apko tang karna band kar dega. agar jahan par ap naukri karte hain. apke uchch adhikari aur sathi adhikariyon se nahin banti jiski vajah se apko naukri men pareshaniyon ka samna karna parta hai aisi sthiti men ap kya karen? chandan, gorochan, roli v kapur ko sam matra men lekar in sab ko achchi tarah pis len aur is mishran ka tilak ap pratidin karya par jane se pahle lagakar jayen. dhire-dhire apka apne uchch v sathi adhikariyon se samanvay v pyar banega aur karya men bhi apka man lagega. not: uprokt bataye gaye vashikaran ke upay tabhi karagar honge jab ap ki bhavna nyay sangat hogi. galat soch, ishrya v pratirodh ki bhavna se kiya gaya vashikaran ya totka karagar nahin hota