naitya-atyadhik mahatvapurn sthan pichle mah pandit ji agra ke ek vyapari ke yahan vastu parikshan karne gaye. unse milne par pata chala ki vah apne jivan men itne utar-charhav dekh chuke hain ki ab himmat hausla javab de gaya hai. unhonne apni patni v man ko ek sarak durghatana men kho diya tha. do putra evan ek putri hai. putron ke sukh men bhi kami bani hui hai. vivahit bara putra arthik samasyaon se jujh raha hai to chote putra ki vivahit jindgi men grahan laga hai. pahli patni se talak ho gaya hai. parantu donon bachchon ke lie mukdmebaji chal rahi hai. donon bhai milakar vyapar sanbhal rahe the par apas men kisi n kisi bat ko lekar jhagrte rahte hain. bhaiyon ke jivan men pareshaniyon ki vajah se dehli men vivahit bahan ko bhi mansik tanav bana rahta hai. vyapar men bhi nuksan, mukdmebaji tatha koi n koi samasya bani rahti hai. vastu parikshan karne par pae gae vastu dosh: dakshin-pashchim ke farsh ka laival baki sabhi dishaon se nicha tha, jo ki dughartana evan mukdmebaji ka karan hota hai. bilding ka dakshin-pashchim ka kona kata hua tha, jo ki ghar ke malik ke jivan men khushiyon ke katne ka karan hota hai. jivan men sthirta ki kami rahti hai. durghatana ho sakti hai. dakshin-pashchim men do gadhdhe the, jo ki anchahe kharche tatha jivan men ganbhir arthik samasyaon ka karan hota hai. dakshin-pashchim men jainretar rakha tha, jo ki arthik hani evan mansik tanav ka karan hota hai. dakshin-pashchim men mukhya dvar tha, jo ki malik ko ghar se dur rakhta hai arthat uska ghar se man uchat rahta hai aur anavashyak kharchon ka bhi karan hota hai. purva men lohe ki sirhi bani thi. is disha men maital hone se vikas men avrodh utpann hota hai. brahmasthan par bhari stor tatha shauchalay bana tha, jo ki kharche, bimari tatha sabhi or se vikas men badhak hota hai. uttar men rasoi thi jo ki ghar men vaicharik matbhed, larai-jhagre ya bhari kharch ka karan hoti hai. rasoi ke bahar dakshin ki divar par bara sa shisha laga tha jisse anavashyak kharche v bimari ghar men rahti hai. dakshin men saiptik taink tha, jo ki vyapar men hani ka karan hota hai. sujhav: dakshin-pashchim ke kone men farsh ke upar pletfarm banane ko kaha gaya tatha uske upar bhari stor banane ki salah di gai. dakshin-pashchim ke kone ko kavar karne ko kaha gaya tatha use sabhi dishaon se uncha karne ki salah di gai. dakshin-pashchim men bane gadhdhon ko turant bharne ki salah di gai. dakshin-pashchim men rakhe jainretar ko dakshin men karvaya gaya. dakshin-pashchim men mukhya dvar ko chota karke keval pashchim ki or chote get se ane ki salah di gai tatha dakshin-pashchim men unchi divar banane ko kaha gaya. purva men bani lohe ki sirhi ki jagah lakri ki sirhi lagane ki salah di gai. brahmasthan se shauchalay v stor hatane ki salah di tatha shauchalay dakshin ki or dvar ke pas banvane ko kaha gaya. rasoighar ko pashchim ki or bane baithak ki jagah banane ki salah di gai tatha jyada jagah hone se stor bhi vahin banane ko kaha gaya. dakshin men lage shishe ko uttara-purva ki divar par lagvaya gaya. saiptik taink ko turant hatana sanbhav nahin tha islie unhen taink ke kavar ke niche ke hisse men lal tatha upar pila pent karne ki salah di gai jisse uski nakaratmak urja kam ho sake. pandit ji ne unhen ashvasan dete hue kaha ki sabhi sujhavon ka karyanvit karne ke pashchat unhen avashya hi kafi labh milega tatha unke jivan men sthirta tatha khushi ka agaman hoga.
Kya aapko lekh pasand aaya?
Subscribe