rajasthan men udypur se lagabhag 48 kimi ki duri par banas nadi ke kinare, ramniya pahariyon ke bich prasiddh mandir nathadvara avasthit hai. nathadvara arthat bhagvan ka dvar. yahan govardhan giridhari shrikrishn shyam varn ki pratima men virajman hain. bhagvan ke is rup ki ek jhalak pane ki lie pure varsh bhakton ki bhir lagi rahti hai. aisa kaha jata hai ki samrat akabar ki patni taj bibi ne bhi is mandir ke darshan kie the. nathadvara vaishnav sanpraday ka pradhan pith hai, bharat ke pramukh vaishnav pithon men yah ek hai. yahan ki sthapna ke vishay men ek aitihasik katha ka ullekh milta hai. nathadvara men sthapit kale prastar ki murti multah mathura men thi, aurangjeb dvara mandiron ka vidhvans kie jane ki ashanka par is murti ko kisi surakshit sthan par le jaya jane laga. krishn ki yah pratima jab mevar bhumi men pahunchi, to jis gari men yah pratima le jai ja rahi thi uske pahie jamin men dhans gae aur kisi bhi prakar nahin nikal pae. isse yahi mana gaya ki shrinath ji ki ichcha yahin nivas karne ki hai.
is prakar isi sthan par mandir ka nirman kar diya gaya. shrinath ji ki puja yahan bare hi bhaktibhav v vidhividhan ke sath hoti hai. bhagvan ki yahan abodh shishu ki tarah dekhbhal ki jati hai. subah hone ke sath hi unhen nahlaya jata hai, nae vastra pahnae jate hain, tarh-tarah ke vyanjnon ka bhog lagaya jata hai aur lori dekar sulaya jata hai. shrinath ji ka vibhinn prakar ka shringar hota hai aur jitni der shringar hota hai utni der ke lie mandir ke kapat band ho jate hain. shringar sanpann hone ke bad thori der ke lie shrinath ji ke darshanon ko kapat khulte hain. jis samay jaisa shringar hota hai usi bhav ke pad gaye jate hain. yah drishya behad darshaniya hota hai. logon ki bhir bhagvan shrinath ki ek jhalak pa lene ke lie umar parti hai. bhagvan ki ek jhalak pana unke lie jivn-maran ka prashn ho jata hai. dur-dur se ae log bhagvan ke sabhi rupon ka darshan kar hi vahan se lautte hain. nathadvara men prativarsh mandir par lakhon rupae kharch kie jate hain, aur charhava bhi usi matra men charhta hai.
yahan ghi sangrah karne ke lie jamin ke niche bahut bara kund bana hua hai, iske upar jagh-jagah par lohe ke dhakkan lage hue hain, aisa lagta hai jaise ghi ki nadi yahan akar ruk gai ho. nathadvara mandir ke aspas kai chote-chote mandir hain. nandraj ji, mata yashoda aur uddhav ji ke mandiron ke sath krishn ki bal lilaon ko darshane vale mandir yahan hain. mirabai ka mandir bhi yahan hai. krishn prem men divani mira ka shayad yahi ekmatra mandir hai. shrinathji ke mandir ke aspas hi shri navnitlal ji, vitthalanath ji, kalyan ray ji, madnmohan ji aur vanmali ji ke mandir bhi hain. shrinath ji ke mandir men hastalikhit evan mudrit granthon ka ek pustakalay bhi hai. yahan nathadvara pith ka ek vidya vibhag bhi hai jahan se sanpraday ke granthon ka prakashan hota hai. nathadvara ki pichvani penting bahut prasiddh hain jo multah shrikrishn ko kendra men rakhakar banai jati hain aur inmen sunhre rang ka prayog kiya jata hai. rajasthani kala evan shilp ka sundar namuna prastut karti hath se bani kalakritiyan barabas hi sabko sammohit kar leti hain.
hath se bane hue sone evan chandi ke gahnon, kagaj, rui v silk se bani kalakritiyon men puri rajasthani sanskriti ki jhalak dikhai deti hai. aspas ke darshaniya sthal eklingji: udypur se nathadvara jate samay marg men eklingji ka vishal mandir ata hai. yah mandir lagabhag ek hajar sal purana hai. eklingji mevar ke rajaon ke aradhyadev hain. yahan par chaturmukh shivling sthapit hai. yahan pratidin vibhinn ratnon se eklingji ka shringar kiya jata hai. rajasthan ka yah prasiddh shiv mandir hai. yahan dur-dur se log darshanarth ate hain. kankroli: nathadvara se 11 mil ki duri par ballabh sanpraday ke sat uppithon men pramukh pith kankroli hai. yahan dvarikadhish ji ka mukhya mandir hai. shri rupnaraynji: nathadvara se yahan bas ka marg hai. yahan shri ramchandra ji rupnarayan ke nam se prasiddh hain. kaha jata hai ki maharana udypur yahan nitya darshan karne ate the aur yahan pujari unhane bhagvan ki dharan ki hui mala prasad rup men deta tha. ek din maharana ke ane men der hui to pujari prasadi mala svayan grahan kar bhagvan ko shayan kara hi raha tha ki maharaja padhar gae.
sankochavash pujari ne apni pahni mala chipakar apne gale se nikali aur maharaja ko pahna di, kintu mala men pujari ka shvet kesh rah gaya. use dekhakar maharana ne pucha ki prabhu ke kesh shvet kaise hone lage, kya ve vriddh ho gae hain? bhayavash pujari ne han to kah di, lekin sari rat pujari ko nind nahin ai. vah rat bhar rota raha aur bhagvan se prarthana karta raha ki uski laj rakh len. bhaktavatsal bhagvan ne sachmuch bhakt ki pukar suni aur unke kuch kesh shvet ho gae. agle din maharana darshan karne ae, to unhen laga ki shvet kesh upar se chipkae gae hain. unhonne sandeh dur karne ke lie ek kesh ukhara, to ek bund rakt bhi sath hi nikla. usi rat maharana ko svapn hua ki koi rana gaddi par baithne ke pashchat rupnarayan ji ke darshan nahin kar sakega. yahi karan hai ki gaddi par baithne se purva yuvraj yahan darshan ko jaya karte hain.
chiÿaaurgrh: chiÿaaur bharat ka prasiddh sanskritik tirth hai, matribhumi ke gaurav ke lie viron ke rakt se sinchit is bhumi men tyag v dharm ka pavan sandesh milta hai. chiÿaaur ka durg steshan se tin mil dur hain. durg ke bhitar maharana pratap ka janm sthal, rani paùini, pannadhay v mirabai ke mahal, jatashankar mahadev ka mandir, gomukh kund, kalika mata ka mandir, giridhar gopal, shri chaturbhuj raghunathji ka mandir adi darshaniya sthan hain. kab jaen?: yahan varsh bhar kabhi bhi jaya ja sakta hai, lekin aktubar se march ka samay sabse uÿam rahta hai. kaise jaen/khan thahren: nikatatam havai adda udypur hai. yahan se bas ya taiksi se asani se jaya ja sakta hai. desh ke vibhinn shahron se nathadvara ke lie achchi bas suvidha upalabdh hai. yahan rahne ke lie anek dharmashalaen evan hotal uchit dar par mil jate hain.