- agar angutha piche ki or jyada murta hai, to vah vyakti apni shakti ko vyarth ganvata hai. aise logon ko apne kisi bhi karya men sthirta ko mahatva dena chahie; varna samay anusar ve sab bandrgah ke vyapari ban jate hain.
- akra hua angutha jatak ki akar dikhata hai aur sadharan piche jhukne vala angutha samay ke sath tal-mel baithane vala hota hai.
- lanbi ungliyon vale log kabhi jaldabaji nahin karte hain. ve barik se barik baton ka dhyan rakhte hain aur kuch log to bal ki khal udherne vale hote hain. ye suvyavasthit karyapaddhati pasand karte hain.
- choti ungliyon vale log shighra nirnay lene vale aur svatantra vicharon ke dhani hote hain.
- tarjani ungli (guru ki ungli) choti ho, to aise vyakti svarthi evan kisi ke samne javabdeh nahin hote hain. agar ungli lanbi hai, to yah jabaradast atmavishvas aur jimmedar admi ka pratik hai.
- madhyama (shani ki ungli) agar lanbi hai, to jatak kudarat par bharosa karne vala hota hai aur agar choti hai, to chalak admi ki nishani hai.
- anamika (surya ki ungli) agar lanbi hai, to use sangharsh ke bad saflta milti hai.
- kanishthika (budh ki ungli) agar lanbi hai, to us vyakti ka apne irda-gird kafi prabhav rahta hai aur choti ungli chalak admi ki hoti hai.