vivahetar ya ekadhik sanbandhon ke katipay jyotishiya yog yadi shukra v budh ki yuti dasham, saptam ya lagn bhav men ho. yadi mangal aur shukra ki yuti dasham, saptam ya lagn bhav men ho. chaturth, dasham bhav men mangal v shukra sthit ho tatha tula, mesh, vrishchik ya vrish rashiyan hon. yadi ekadash bhav men vrish, vrishchik, tula ya mesh rashi hon aur us bhav men mangal v shukra sthit hon. yadi chandra se saptam sthan par shani tatha dasham sthan par shukra sthit hon. yadi surya, chandra aur mangal saptam sthan par yuti men hon.
yadi shukra aur guru pap grahon se yut dvitiya, shashth v saptam bhav men hon. yadi dasham bhav men tula ya vrish rashi ho tatha budh, shukra v shani us bhav men hon. surya, chandra, mangal, shukra, shani grah yut ho, to parayi striyon se sanbandh hoga. surya, chandra shukra ya budh, shukra, shani avaidh prem karne vala. bahu vivah yog (dvibharya yog) yadi shukra dvisvabhav rashi men ho aur uska svami grah uchch ho tatha saptamesh bhi nirbal na ho, to jatak ki ek se adhik patniyan hogi. lagnesh lagn men ho aur us par shubh grah ki drishti n ho, to us jatak ki ek se adhik patniyan hongi.
akela ashtamesh lagn ya saptam bhavon men sthit ho, to bahuvivah yog hota hai. yadi mangal lagn men tatha saptamesh, ashtam men ashtamesh dvadash bhav men ho, to bahuvivah yog hoga. yadi dhanesh shashth bhav men ho tatha saptam bhav men pap grah ho, to bahuvivah yog hota hai. yadi saptamesh apni nich rashi men ho ya shatru rashi men shubh grahon ke sath ho, to bahuvivah yog hota hai. yadi dhan bhav men adhik grah sthit ho aur dhanesh ki un par drishti na ho. yadi saptam bhav men adhik grah sthit ho aur saptamesh ki un par drishti na ho.
yadi saptam bhav men mangal, shukra ya shani hon tatha lagnesh ashtam bhav men ho, to bahu vivah yeag hota hai. saptam aur ashtam bhav men pap grah tatha mangal dvadash bhav men ho, to bahuvivah yog hota hai. yadi saptamesh pap grah ke sath ya pap grah ki rashi men ho aur janm kundli ya navansh ka saptam bhav shani ya budh ki rashi ka ho. yadi nirbal dhanesh, dhan bhav men pap grahon se yut athva drisht ho. yadi nirbal saptamesh, saptam bhav men pap grahon se yut athva drisht ho. yadi saptam bhav men pap grah, dhanesh pap grah se yut aur lagnesh ashtam men hon. saptam bhav men shubh aur pap grah donon ho, to stri ka ek vivah hone ke bad punah vivah hoga. bahuvivah yog (bahubharya yog) chandra v shukra balvan ho kar yuti men hon.
lagnesh, shashthesh v dvitiyesh pap grahon se yut hokar saptam bhav men hon. saptam tatha ekadshesh grahon ki yuti athva drishti dvara sanbandh ho. lagnesh tatha saptamesh ki yuti athva drishti dvara sanbandh ho. sabhi grah dvi-svabhav rashi aur lagn dvi-svabhav navansh men hon aur mithun athva kanya navansh men budh ho, to jatak ki anek striyan hoti hai. yadi visham rashi men lagn ho tatha surya, mangal, guru bali hon tatha chandra shukra, budh bhi bali aur shani sadharan ho, to kanya ke bahut pati hon. yadi dvitiyesh aur dvadshesh tritiya bhav men sthit ho aur un par navmesh ya guru ki drishti ho, to bahuvivah yeag hota hai.
yadi dvitiya aur saptam bhav men pap grah ho tatha saptamesh pap grah se yut athva drisht ho, to bahu vivah yog hota hai. lagn, dvitiya tatha saptam bhavon men pap grah hon aur saptamesh nich rashi men ya ast ho, to bahuvivah yog hota hai. dvitiyesh aur dvadshesh, saptamesh ya shani guru se drisht hon, to bhi bahuvivah yog ghatit hota hai. kundli vishleshn
(1) janmatithi: 2.10.1976, janm samy: 14ah10, dilli pahli shadi: ra/sh/man dasha men (23.02.01) dusri shadi: ra/bu/chan dasha men (12.03.03) tisri shadi: ra/shu/chan dasha men (20.05.06) yadi mangal, shukra ek sath saptam, dasham bhav men ho, to bahu sanbandh yog. yadi chaturth ya dasham bhav men mangal v shukra ki yuti ho aur mesh, tula ya vrishchik, vrish rashiyan ho, to bahusanbandh yog. yadi chandra se shani saptam sthan tatha shukra dasham sthan par ho, to bahusanbandh yog. yadi lagnesh tatha saptamesh ki yuti athva drishti dvara sanbandh ho, to bahuvivah yeag.
yadi saptamesh tatha ekadshesh grahon ki yuti/drishti dvara sanbandh bahu vivah yog. yah kundli ek purush ki hai jiski shadi rahu, shani, mangal ki dasha men hui. vivah ke kuch hi mahinon bad patni pati ke bich garbhapat ko lekar ek vivad sa khara ho gaya aur mushkil se ek sal se adhik samay nahin hua aur isi dauran patni ne apne pati par, dushcharitrahin hone ka iljam aur anya larkiyane ke sath prem sanbandh hone ke karan yuvak se talak le liya tha.
iske pashchat is yuvak ki dusri shadi rahu, budh, chandra ki dasha tatha tisri shadi rahu, shukra, chandra dasha men hui. agar ham is yuvak ki kundli ka vistar se vivechan karen to sapfataur par sab ghatnaen uske jivan men bahusanbandh evan bahuvivah sanbandhi hui hain. ye sab yog janm kundli darsha rahi hai. mangal v shukra ki yuti dasham bhav men tatha tula rashi men aur rahu, ketu ki chapet men hona is bat ka saf saf sanket mil raha hai ki yuvak bahu sanbandh pravriti ka hai aur rahu, ketu dvara pirit hona vivahit jivan men darar paida kar jivan men ganbhir tanav ko darshata hai.
isi karan talak bhi hua. chandra se shani saptam sthan par tatha shukra dasham sthan par is kundli men sthit hai jo ki bahusanbandh yog hai. yuvak ki janm kundli men lagnesh shani tatha saptamesh chandra ka rashi parivartan ke sath sath drishti dvara sanbandh bhi sthapit ho raha hai jo bahuvivah yog ko darshata hai, atah punah vivah hua. yuvak ki janm kundli men saptamesh chandra tatha ekadshesh mangal ka drishti dvara sanbandh sthapit ho raha hai jo bahuvivah yog ko darshata hai. isi karan se uska ek se jyada vivah yog bana hai.
(2) janmatithiah11.05.1970, janm samy: 10ah40 pratah, dilli pahli shadi: bu/shu/ra dusri shadi: bu/su/chan tisri shadi: bu/ra/sh ekadash bhav men agar shukra ki rashi ho tatha us bhav men mangal aur shukra yuti men ho aur koi shubh grah n dekhe to jatak bahu prem sanbandh pravriti ka hoga. yadi dasham bhav men surya, budh, shani yuti men ho, to bahusanbandh yog. lagnesh agar lagn men ho, to dusri shadi ka yog. dvitiyesh, dvadshesh tatha saptamesh ya shani ka guru se yuti athva drishti ke dvara sanbandh ho, to bahuvivah yog hota hai. yah kundli ek purush jatak ki hai
jiska pahla vivah budh, shukra, rahu ki dasha men hua. vivah men apeksha se kam dahej milna keval ek bahana tha, aur usne dusri kisi aur larki se prem sanbandh banakar shuru ke kuch mahinon ke bad patni ke sath kalesh, marpit tatha tang karna aranbh kar diya. is roj roj ki kalah se tang akar patni pati ka ghar chorakar apne pita ke pas laut ai aur talak le liya. punah is jatak ne budh, surya, chandra ki dasha men vivah kiya, to vah bhi asafal raha tatha budh, rahu, shani ki dasha men fir vivah kiya. agar uprokt kundli ki ghatnaon ke karnon ka vishleshan karen to spasht rup se ve sab bahusanbandh evan bahu vivah ke yog is men vidyaman hai
jiske falasvarup yah sab ghatit hua. is kundli men ekadash bhav men shukra grah ki rashi vrish hai tatha mangal v shukra usi bhav men yuti dvara sanbandh sthapit kar rahe hai aur koi bhi shubh grah dekh nahin raha hai. yah sab kuch bahusanbandh yog ko darshata hai, jo ki vivahit jivan men tanav tatha vikhrav lane ka mukhya karan tha. lagnesh chandra lagn men sthit hai jo ki bahu vivah ko darshata hai. kuch esa hi jatak ke jivan men hua. u