muhurt vichar prashna: pramukh muhurton jaise vivah, grih pravesh, ninv pujan, namakaran sanskar, vyapar praranbh, sevakaran, navin vahan kray adi se sanbandhit nakshatra, tithi, var, mas adi ka chayan karne ke liye shastrasammat nirnay kya hai. dharmik sanskaron v samajik paranpraon se jure bhartiya apne samast karya muhurt niklva kar karte hain. falit jyotish ke anusar ganna kar ke nikala gaya kalkhand ‘muhurta’ kahlata hai. din v rat milakar 24 ghante ke samay men, din men 15 v ratri men 15 muhurt milakar kul 30 muhurt hote hain arthat ek muhurt 48 minat (2 ghati) ka hota hai. bhartiya janmanas men shubh v ashubh do prakar ke muhurt prachlit hain. shubh muhurt chayan mane katipay savdhaniyan: muhurt, vastav men ek manglmyi bela hai jo jatak ke bhagya ko prabhavit karti hai. atah muhurt chayan men vishesh savdhaniyan apekshit hain. muhurt chayan men jatak ki vartaman dasha-antardasha ka bhi dhyan rakhna chahie. chaynit muhurt men is bat ka dhyan rakhna chahie ki gocharavash antardasha ka svami, mahadshesh se shadashtak ya dvadash bhavagat n ho. shukra grah sansarik sukho ka karak hai. atah samast karyon men shukra dosh par avashya dhyan dena chahie. ast shukra ke samay men chirasthayi karya praranbh nahin karna chahie. muhurt chayan men char karyon hetu char lagn v sthir karyon hetu sthir lagn ko prathmikta deni chahie. 1, 4, 7, 10 lagn, char v 2, 5, 8, 11 lagn, sthir lagn hota hai. shubh tithi ke chayan men is bat ka vishesh dhyan rakhna chahie ki us samay chandrama, janm rashi se 4, 6, 8, 12 bhavagat n ho. muhurt chayan men ‘bhadra’ ka bhi vichar avashyak hai. jo sabhi panchangon men diya rahta hai. yadi chandrama 1, 2, 3, 8 rashi men ho to bhadravas, svarg men, 6, 7, 8, 10 rashi men ho to bhadra ka vas patal lok men tatha 4, 5, 11, 12 rashi men ho to bhadra ka vas mrityu lok men hota hai. bhadra ka vas jahan hota hai, vahin ka fal prapt hota hai. drashtavya hai ki ‘mrityu lok’ ki bhadra atyant kharab hoti hai. is kal men kie gae karya purnatah nishfal hote hain. janm nakshatra, janm mas, janm tithi, pita ki mrityu ki tithi, kshay tithi, kshay mas, adhik mas, 13 din ka paksh tatha shukrast men shubh karyon ko nahin karna chahie. navin karyon hetu shubh tithiyon ke chayan men yug tithiyon v amavasya ka bachav karna chahie. yug tithiyan nimnavat hain- kartik shukla navmi - satyug aranbh ki tithi. vaishakh shukla tritiya - treta yug aranbh ki tithi. magh krishn amavasya - dvapar yug aranbh ki tithi. shravan shukla trayodshi - kaliyug aranbh ki tithi. tithiyan 4 prakar ki hoti hain- 1, 6, 11 tithi ko ‘nanda’ 2, 7, 12 tithi ko ‘bhadra’ 3, 8, 13 tithi ko ‘jaya’ 4, 9, 14 tithi ko ‘rikta’ aur 5, 10, 15 tithi ko ‘purna’ tithi kahte hain. yadi nanda tithiyan (1, 6, 11) shukravar ko, bhadra tithiyan (2, 7, 12) budhvar ko, jaya tithiyan (3, 8, 13) manglvar ko, rikta tithiyan (4, 9, 14) shanivar ko tatha purna tithiyan (5, 10, 15) guruvar ko paden, to siddh yog hota hai. atah shubh tithi ke chayan men uprokt tithiyon ko prathmikta dena kalyankari hota hai. ‘pushya nakshatra’ ko nakshatron ka samrat kaha gaya hai jo ki shani grah ka nakshatra hai. yah nakshatra, keval ‘vivah’ ko chorakar shesh anya karyon ke lie shubh hota hai. var aur nakshatra bhi milakar ‘siddh yog’ ka nirman karte hain. atah shubh muhurt ke chayan men nimn yogon ka sahara liya ja sakta hai. ye yog nimn hain- ravivar ko ashvani, tino uttara, hast, mul, pushya nakshatra, somvar ko mrigshira, anuradha, rohini, shravan aur pushya nakshatra, manglvar ko ashvani, ashlesha, krittika aur uttara bhadrapad nakshatra, budhvar ko krittika, rohini, mrigshira, anuradha aur hast, guruvar ko ashvani, anuradha, punarvasu, revti aur pushya nakshatra, shukravar ko ashvani, anuradha, punarvasu, shravan aur revti nakshatra tatha shanivar ko rohini, svati aur shravan nakshatra ‘siddhi yog’ vinirmit karte hain jo ki samast karyon ke lie safltadayak hai. inmen ravi-pushya v guru-pushya yog sarvadhik lokapriya yog hain. jis divas nakshatra v tithi ka yog 13 ae, us kal khand men muhurt vichar se dur hi rahna chahie. isi prakar yadi koi muhurt pancham nakshatron men par raha hai to chandrama ka bal jarur dekh lena chahie. koi karya praranbh karte samay ‘tara’ ka vichar jarur karna chahie. iski vidhi nimnavat hai- janm nakshatra se, jis nakshatra men karya ka aranbh hona ho, vah nakshatra le. janm nakshatra se amuk nakshatra ko gin le. jo sankhya ae, usmen 9 se bhag den. shesh ke anusar falakathan nimn hoga. yadi- 1 shesh ae to sharirik kasht. 2 shesh ae to unnati. 3 shesh ae to nuksan 4 shesh ae to vishesh unnati. 5 shesh ae to badha. 6 shesh ae to karya siddhi. 7 shesh ae to atyant ashubh. 8 shesh ae to milan tatha 9 shesh ae to atyant shubh hota hai. kuch abujh tithiyan hoti hai jinmen muhurt vichar ki avashyakta nahin parti. jaise chaitra shukla pratipda - nav sanvat aranbh ya basantik navratri ka pratham din. ashvin shukla dashmi - dashhra magh shukla panchmi - basant panchmi vaishakh shukla tritiya - akshay tritiya kartik shukla ekadshi - prabodhni ekadshi (dev uthavni ekadshi) falgun shukla dvitiya- falera doj asharh shukla navmi - bhaddali navmi muhurt chayan men shubh tithiyan prapt ho jane ke bad lagn shuddhi avashya kar leni chahie. sarva siddhi pradayak ‘abhijit muhurta’ jyotish men ‘abhijit’ 28van nakshatra mana jata hai. jiske svami ‘brahma’ hote hain. din v ratri men 15-15 muhurt 2-2 ghati vale parte hain. in 15 muhurton ke adi ke 7 muhurton ke bad 8van muhurt ‘abhijit muhurta’ kahlata hai. jab shubh lagn ya shubh muhurt banta n dikhayi par raha ho to abhijit muhurt ka sahara liya ja sakta hai kyonki is muhurt men kie gae karya falibhut hote hain. keval budhvar ko chorna parega. matantar se is muhurt ka kalkhand pratah 11ah36 se lekar 12ah24 aprahn tak hota hai tatha rahu kal bhi budhvar ke din isi dauran par jata hai. atah budhvar ke din abhijit muhurt se dur rahna chahie. jyotish jagat ke shubh muhurt 1. vivah muhurta: - shubh mas: vaishakh, jyeshth, asharh, margashirsh, magh aur falgun arthat dev shayan kal yatha shravan, bhadrapad, ashvin, kartik mas vivah hetu varjit mas hain. shubh var: somvar, budhvar, guruvar, shukravar shubh lagna: 2, 3, 6, 7, 9 lagn shubh hain. tithiyan: 4, 9, 14 v purnima ke atirikt anya sabhi tithiyan shubh hain jismen krishn paksh ki panchmi v dashmi tatha shukla paksh ki saptami v trayodshi ati uttam hai. shubh nakshatra: rohini, mrigshira, magha, svati, anuradha, mul, tino uttara aur revti. iske atirikt vivah muhurt hetu shastrasammat nirnay is prakar hain. vivah muhurt ki kundli men saptam bhavagat koi grah nahin hona chahie. vivah muhurt ki kundli men shukra, shashtam bhavagat nahin hona chahie. vivah muhurt ki kundli men chandrama 6, 8, 12 bhavagat nahin hona chahie. vivah muhurt ki kundli men mangal, kadapi ashtam bhavagat nahin hona chahie. jyeshth santan ka vivah jyeshthamah men karna thik nahin hota hai. vivah ke samay guru ya shukra ast nahin hone chahie. vivah muhurt ki tithi chayan men vara/kanya ki janm tithi ka chayan nahin karna chahie. vivah ke lie vakri guru ka 28 din ka samay ashubh rahta hai. is bat ka vishesh dhyan rakhna chahie. amavasya ki tithi, vivah hetu purnatah varjit hai. janm rashi v janm nakshatra ka muhurt kanya ke vivah ke liye uttam rahta hai. kanya ke vivah muhurt chayan men is bat ka vishesh dhyan rakhna chahie ki guru ka gochar, kanya ki janm rashi se 4, 8, 12 bhavagat n ho. gochar men jab surya 1, 2, 3, 8, 10, 11 rashiyon men bhraman kar raha ho to vivah uttam rahta hai. bhadra ke vas ka vichar atyant avashyak hai. vastutah bhadra kal men vivah varjit hai. gochar men chandrama yadi shani ke sath hai to shani ki shanti karana avashyak ho jata hai. sath hi ‘pushya’ nakshatra bhi vivah hetu uttam nahin hota kyonki yah shani ka nakshatra hai. not: yadi kisi bhi prakar vivah muhurt ka chayan nahin ho pa raha ho to ‘abhijit muhurt men vivah kiya ja sakta hai. 2. yatra muhurta: yatra muhurt ke sandarbh men shastrasammat nirnay is prakar hain. uttam nakshatra: ashvini, mrigshira, punarvasu, pushya, hast, anuradha, shravan, dhanishtha aur revti. uttam tithiyan: rikta tithiyan (4, 9, 12) chorakar anya sabhi tithiyan. nakshatra v tithi vichar ke atirikt nimn batean ka bhi vishesh dhyan rakhna chahie. 1. gochar men jab var ka svami vakri ho to us din yatra kadapi nahin karni chahie. 2. yatra samay shukra ka vichar avashya karna chahie. shukra ka piche ya bayen bhag men rahna shubh v dahine tatha sammukh rahna ashubh hota hai jiska nirnay shukra ke uday se kiya ja sakta hai. jaise shukra jab purva men uday hote hain to shukra, purva v uttar disha ki yatra men kramshah sammukh v dahine honge. isi prakar yadi pashchim aur dakshin disha ki yatra men shukra piche aur bayen hogen. 3. yatra muhurt men dikshul ka bhi vichar avashyak hai jaise - shanivar, somvar aur jyeshtha nakshatra purva disha ki yatra ke lie varjit hai. ravivar, shukravar aur rohini nakshatra, pashchim disha ki yatra ke lie varjit hai. manglvar, budhvar aur uttarafalguni nakshatra, uttar disha ki yatra ke lie varjit hai. guruvar v purva bhadrapad nakshatra, dakshin disha ki yatra ke lie varjit hai. 4. tithi shul ka bhi yatra muhurt men vichar karna chahie - yatha krishn paksh ki pratipda ko purva ki, panchmi v trayodshi ko dakshin disha ki, shashthi v chaturdashi ko pashchim disha ki tatha dvitiya v dashmi ko uttar disha ki yatra karna nishedh mana gaya hai. 5. yadi yatra hetu sthan chorne men kisi karanavash vilanb ho raha ho to abhijit muhurt men yatra ki ja sakti hai. 6. yatra ke sanbandh men panchang men die ‘chaighriya’ muhurt ka bhi sahara liya ja sakta hai. 3. dev pratishtha muhurt shubh mas - chaitra, falgun, vaishakh, magh, jyeshth shubh divas - somvar, budhvar, guruvar, shukravar. shubh tithi - jis dev ki jo tithi ho, us tithi men parantu tithiyan shukla paksh ki hon to uttam. vishesh: yadi shiv ji ki pratishtha karni ho to shravan mas, vishnu ji ke lie margashirsh tatha devi ke lie ashvin mas uttam rahta hai. 4. grih nirman ya shilanyas muhurta: ninv ki khudai, shilanyas, grih nirman adi men shubh muhurt hetu lagn, var, nakshatradi is prakar hain. shubh lagna: sthir lagn arthat 2, 5, 8, 11 lagn. shubh mas - vaishakh, shravan, kartik, margashirsh, paush, magh falgun. shubh var - somvar, budhvar, guruvar, shukravar, shanivar. shubh tithi: kisi bhi paksh ki 2, 3, 5, 6, 7, 10, 11, 12, 13 v purnima tithi. shubh nakshatra: pushya, rohini, mrigshira, tinon uttara, hast chitra, svati, anuradha, dhanishtha, shatbhisha revti. i s k e a it ir k t g ri h nirman/shilanyas adi men nimn baton ka bhi dhyan rakhna chahie. 1. manglvar v ravivar ke din nirman karya kadapi praranbh nahin karna chahie. 2. nirman karya praranbh karne ke purva ‘bhadra’ ka vichar bhi apekshit hai. 3. jab guru ya shukra ast ho to nirman karya kadapi praranbh nahin karna chahie. isi prakar adhik mas, tithi kshay, sankranti kal, grahan ke din bhi nirman karya praranbh nahin karna chahie. 4. surya nakshatra se chandra nakshatra ginne par yadi sankhya 5, 7, 9, 12, 19, 26 ae to nirman karya se bachna chahie. 5. bhushayan ka bhi vichar apekshit hai. bindu 4 men ullekhit ganna bhushayan ki hi vidhi hai. 5. churakarm (mundn) muhurt churakarm ke lie nimn muhurt prachlit hai. shubh varsh - janm se tisra ya panchva visham varsh. shubh var - somvar, budhvar, guruvar, shukravar shubh nakshatra - pushya, mrigshira, chitra, revti, svati, punarvasu shravan, dhanishtha, shatbhisha, hast, ashvini nakshatra. shubh lagna: 2, 7, 9, 10 lagn. iske atirikt churakarm muhurt parilakshit karne ke lie nimn baton ka bhi dhyan rakhna chahie. 1. ashtami, dvadshi, pratipda, shashthi, amavasya v rikta tithiyon ko chorakar anya samast tithiyan churakarm ke lie uttam hai. 2. mundan muhurt ki kundli ka lagn, janm lagn se ya janm rashi se ashtam nahin hona chahie. 3. mundan muhurt ki kundli men lagnasth guru uttam mana jata hai. 4. mundan muhurt ki kundli men ashtam bhavagat koi grah n ho to uttam muhurt banta hai. 5. bhadra ka bhi vichar atyant avashyak hai. 6. vidyaranbh muhurt vidyaranbh muhurt nimnavat hai. shubh din - somvar, budhvar, guruvar, shukravar shubh tithi - pratyek paksh ki 2, 3, 5, 7, 10, 11, 12, 13 v purnima shubh nakshatra - mrigshira, adrra, punarvasu, hast, svati, vishakha, shravan, dhanishtha, shatbhisha, mul, tinon purva, ashlesha, pushya. iske atirikt yadi vidyaranbh muhurt ki kundli bana di jaye tatha us kundli men trikon men shubh grah pade hon to atyant shubhdayi muhurt hota hai. 7. upanayan (yagyaopvit) muhurta: shastron men praman hai ki brahman ka yagyaopvit sanskar panchve varsh men, kshatriya ka chathe ya gyahrven varsh men aur vaishya ka athve ya barhven varsh men hota hai. parantu vartaman samay men yagyaopvit prayah shadi ke thik pahle hota hai. jo ki atyant nindniya hai. yagyaopvit hetu shubh muhurt nimn hai. shubh var: guruvar, ravivar, somvar, budhvar, shukravar. shubh nakshatra: ashlesha, mul, tino purva, adrra shubh tithi - 2, 3, 5, 10, 11 v 12 tithiyan. iske atirikt upanayan muhurt khojte samay nimn baton ka bhi dhyan rakhna apekshit hai jinki shastra-sammat manyata hai. 1. yagyaopvit sanskar madhyanh ke purva hona chahie. 2. muhurt kundli men 6, 8, 12 bhavagat koi grah nahin hona chahie. 3. muhurt kundli mane lagn men guru ka hona atyant shubh kaha gaya hai. yah atyant achcha yog hai. 8. namakaran muhurta: shubh var - somvar, budhvar, guruvar, shukravar shubh tithi - donon pakshon ki 2, 3, 7, 10, 11, 12 tithiyan, krishn paksh ki pratipda v shukla paksh ki trayodshi uttam tithi hai. shubh nakshatra: ashvini, rohini, mrigshira, punarvasu, pushya, tinon uttara, hast, chitra, svati, anuradha, shravan, dhanishtha, shatbhisha, revti nakshatra. not: vaise to bachche ka namakaran janm se 10, 11 ya 12ven din karna chahie. yadi sanbhav n ho sake to uprokt prakar se var, tithi, nakshatra ka chunav kar, nakshatra charnanusar namakaran karna chahie. namakaran ke pashchat havan jarur karna chahie. namakaran men bhadrakal, rahukal grahnkal, sankranti tithi ka chayan kadapi nahin karna chahie. hast, svati, anuradha, revti. vishesh: prasutika snan ek saptah paryant karne ka vidhan hai. parantu yah karya shashthi pujan se 5ven din bhi kiya ja sakta hai. parantu tithi, var, nakshatradi ka vichar avashyak hai. purnima ko bhi prasutika snan ho sakta hai. rikta tithiyan kisi bhi dasha men uchit nahin hai. 9. annaprashan muharta: shubh mas: larke ka chathe mahine se sam mahine arthat 6, 8, 10, 12 adi tatha larki ka panchve mahine se visham mas jaise 5, 7, 9 adi. shubh din: ravivar, manglvar, shanivar ko chorakar anya var. shubh tithiyan: nanda tithi (1, 6, 11), rikta tithi (4, 9, 14) ashtami, amavasya, dvadshi ko chorakar anya sabhi tithiyan. shubh nakshatra: anuradha, shatbhisha, svati aur janm nakshatra ko chorakar anya sabhi nakshatra. 10. karn vedh muhurta: shubh varsh - janm se visham varsh shubh mas - janm se 6, 7 v 8 van mahina. shubh din - somvar, budhvar, guruvar, shukravar shubh tithiyan - rikta tithiyon ko chorakar sabhi. shubh nakshatra: shravan, dhanishtha, punarvasu, mrigshira chitra, anuradha, revti, ashvini pushya, hast v abhijit muhurt. vishesh: harishayan divson men karnavedh karana uchit nahin rahta. 11. nutan grih pravesh ka muharta: shubh lagn - sthir lagn shubh mas - vaishakh, jyeshth, margashirsh, magh, falgun shubh tithi - purnima aur 2, 3, 5, 7, 10, 11, 13 tithiyan. shubh nakshatra: ashvini, pushya, hast, mrigshira, tinon uttara, chitra, svati, anuradha, revti, dhanishtha, rohini. iske atirikt shastrasammat kuch nirnay nimn hain. nutan grih pravesh ke samay surya 3, 9, 12 rashi men nahin hona chahie. sath hi grih pravesh ke samay surya, chandra, guru, shukra nich ke nahin hone chahie. grih pravesh muhurt ki kundli men chaturth v ashtam bhavagat koi grah nahin hona chahie. guru, shukra ke astadi dosh rahit uttarayan surya men grah pravesh ati uttam rahta hai. rohini, mrigshira nakshatra men purva disha ke dvar vale ghar, uttarafalguni, chitra nakshatra men dakshin disha ke dvar vala ghar, anuradha v uttarasharha nakshatra men pashchim disha ke dvar vala ghar tatha uttarabhadrapad v revti nakshatra men uttar dvar vale grih men grih pravesh ati uttam kaha gaya hai. 12. prasutika snan muhurta: shubh var - ravivar, manglvar, guruvar shubh lagn - 2, 3, 4, 6, 7, 9, 12 lagn. shubh tithiyan - krishn paksh ki pratipda, donon pakshon ki 2, 3, 5, 7, 10, 11 v 13 tithiyan. shubh nakshatra: ashvini, rohini, mrigshira, tinon uttara. 13. kisi vahan ka kray/vikray ka muhurta: shubh lagn - char lagn (1, 4, 7, 10) shubh var kharidne ke lie - budhvar, ravivar. bechne ke lie- somvar, guruvar. shubh tithi: krishn paksh ki pratipda, donon pakshon ki 2, 3, 6, 7, 10, 11, 12, 13 v purnima tithiyan. shubh nakshatra: kharidne ke lie- chitra svati, revti, shravan, shatbhisha, ashvini, mrigshira, punarvasu, pushya, tino uttara. bechne ke lie - tino purva, bharni, krittika ashlesha v vishakha nakshatra. 14. naya vyapar/dukan aranbh karna shubh var - budhvar, guruvar, shukravar, shanivar. shubh tithiyan - rikta evan kshay tithiyon ko chorakar anya sabhi tithiyan. shubh nakshatra: tinon uttara, chitra, hast evan pushya. iske atirikt naya vyapar/dukan aranbh karne ke muhurt chayan men nimn baton ka bhi vishesh dhyan rakhna chahie. 1. vyapar malik ki janm rashi se chandrama gochar vash 6, 8, 12 bhavagat nahin hona chahie. 2. vyapar-dukan, manglvar ko kadapi aranbh nahin karna chahie. 3. is muhurt ke lie, guru ya shukra jis mas men ast ho unhen chorakar shesh maso ka chayan kar sakte hain. 4. muhurt kal ki kundli men lagnasth chandrama ya shukra ka rahna atyant faldayi hota hai. 15. shaskiya naukri/praivet naukri men jvayan karne ka muhurt ah- shubhvar - somvar, budhvar, guruvar, shukravar. shubh tithi: rikta tithiyon (4, 9, 14) ko chorakar anya sabhi tithiyan. shubh nakshatra: hast, ashvani, pushya, mrigshira, revti chitra v anuradha. not: is muhurt ke chayan men is bat ka vishesh dhyan rakhna chahie ki jatak ki janmarashi se chandrama 6, 8, 12 bhavagat n ho. abhijit muhurt ka bhi sahara liya ja sakta hai. 16. chunav sanbandhi (namankana/shapath grahn) muhurta: shubhvar - somvar, budhvar, guruvar, shukravar shubh tithi: krishn paksh ki pratipda, donon pakshon ki 2, 3, 5, 9, 10, 12 v purnima tithi. shubh lagna: sthir lagn (1, 4, 7, 10 lagnen) shubh nakshatra: ashvini, rohini, punarvasu, pushya, tino uttara, hast, anuradha, shravan, dhanishtha evan revti. is prakar uprokt tathyon ka dhyan rakhte hue shastra sammat nirnay ke adhar par shubh muhurt ka chayan kar apne bhagya ko prashast kiya ja sakta hai.