hora muhurt evan rahukal vichar dae. bhagvan sahay shrivastav hora muhurt achuk mane gae hain. in muhurton men kiya jane vala har karya siddh hota hai. sat grahon ke sat hora hain, jo din rat ke 24 ghanton men ghumakar manushya ko karya siddhi ke lie ashubh samay men bhi shubh avasar pradan karte hain. raj seva ke lie surya ka hora, yatra ke lie shukra ka, gyanarjan ke lie budh ka, sabhi karyon ki siddhi ke lie chandra ka, dravya sangrah ke lie shani ka, vivah ke lie guru ka tatha yuddh, kalah aur vivad men vijay ke lie mangal ka hora uttam hota hai. pratyek hora ek ghante ka hota hai. jis din jo var hota hai, us var ke suryoday ke samay 1 ghante tak usi var ka hora rahta hai. uske bad ek ghante ka dusra hora us var se chathe var ka hota hai. isi prakar dusre hore ke var se chathe var ka hora tisre ghante tak rahta hai. is kram se 24 ghante men 24 hora bitne par agle var ke suryoday ke samay usi (agle) var ka hora a jata hai. yahan pratyek var ke 24 ghanton ka hora chakra diya gaya hai. udaharan ke lie man len aj guruvar hai aur aj hi apko kahin jana hai. upar bataya gaya hai ki shukra ka hora yatra ke lie shreshth hota hai. atah malum karna hai ki aj guruvar ko shukra ka hora kis-kis samay rahega. chakra men guruvar ke samne vale khane men dekhen to paenge ki chaithe aur gyarhven ghante men shukra ka hora hai. bina sarni ke hora gyat karne ki vidhi: kisi bhi var ka pratham hora usi var se praranbh hota hai. us var se viprit kram se varon ko ek-ek ke antar se ginen. jaise budhvar ko pratham hora budh ka, tatpashchat viprit kram se mangal ko chorakar chandra ka hora evan ravi ko chorakar shani ka hora hoga. isi kram se age shesh 21 hora us din vyatit honge. rahukal vichar pratyek din dinman arthat suryoday se suryast ke bich ke kul samay ka athvan bhag rahukal kahlata hai. is bhag ka svami rahu hota hai. dakshin bharat ke jyotish manishi ise bahut anishtakari mante hain. ismen koi bhi shubh karya nahin kiya jata. nimn sarni men pratyek var ke niche uska gunak diya gaya hai, jiske adhar par rahukal ka samay gyat kiya ja sakta hai. rahukal gyat karne ki vidhi sthaniya dinman gyat karke uske ath saman bhag karen. abhisht var ke gunak se ashtamansh ko guna karke use suryoday men kal jor den to rahukal ka aranbh malum hoga. usmen dinman ke 1/8 bhag ke samay ko jorne par jo samay aega, utne baje tak rahukal rahega. udaharanasvarup 17 jun 1996 ko kanpur men suryoday 05 bajakar 14 minat par evan suryast 18 bajakar 48 minat par hua. atah 18.48-5 14 barabar 13.34 ghante dinman hua. ise 08 se bhag diya to lagabhag 01 ghanta 42 minat ka 01 bhag hua. ab 17 jun ko somvar hone men gunak 01 hai. 01 ghanta 42 minat men 01 ka guna kiya to 01 ghanta 42 minat hi aya. fir suryoday 5.14 men 01 ghanta 42 minat jora to samay aya 6 ghanta 56 minat. atah 16 jun somvar ko rahukal ka aranbh 6 bajakar 56 minat par hua. ismen 01 ghanta 42 minat ka ek bhag jor diya to samay aya 08 ghanta 38 minat. atah 17 jun 1996 somvar ko rahukal ka samay pratah 6 bajakar 56 minat se 8 bajakar 38 minat tak raha. uttar bharat men chaighriya, mithila evan bangal men yamardh evan dakshin bharat men rahukal ko dekhakar hi shubh karya karne ki pratha hai. atah ashubh yamardh, chaighriya ya rahukal men yatra, dhan-nivesh, karyaranbh adi to varjit hanai hi, is samay log havan ki purnahuti bhi nahin dete.
Kya aapko lekh pasand aaya?
Subscribe