mrit sanjivni vidya mahamrityunjay mantra ke tantrik prayog dae. ashok sharma janmakundli men balarisht ya markesh ki mahadsha ya antardasha ho aur in karkon ka sanbandh shukra se ho arthat shukra markesh ho v dasha bhi shukra ki ho tatha rog ya durghatana ki ashanka ho, to shukropasna mahamrityanujay ke tantra ka prayog karane se ashanka ko tala ja sakta hai. yah shashvat satya hai ki jiska janm hua hai, uski mrityu nishchit hai. kintu hamen ved, puran tatha anya shastron men mrityu ke pashchat punah jivit hone ke vrittant milte hain. ganesh ka sir kat kar hathi ka sir laga kar shiv ne ganesh ko punah jivit kar diya. bhagvan shankar ne hi daksh prajapti ka shirochchedan kar vadh kar diya tha aur punah aj (bakre) ka sir laga kar unhen jivan dan de diya. sagar raja ke sath hajar putron ko punarjivit karne ke lie raja bhagirath saikron varsh tapasya karke ganga ko svarg se prithvi par lae aur sagar putron ko jivan prapt hua. ukt samast vrittanton ka pratyaksh sanbandh shiv se hai. aise anginat vrittant shastron men milte hain jisse spasht hota hai ki bhagvan shiv, jo mahamrityunjay bhagavan bhi kahlate hain, rog, sankat, daridrya, shatru adi ka shaman to karte hi hain, jivan tak pradan kar dete hain. maharshi vashishth, markandey aur shukracharya mahamrityunjay mantra ke sadhak aur prayogakarta hue hain. rishi markandey ne mahamrityanujay mantra ke bal par apni mrityu ko tal diya tha, yamraj ko khali hath vapas yamlok jana para tha. lankapti ravan bhi mahamrityunjay mantra ka sadhak tha. isi mantra ke prabhav se usne das bar apne nau sir kat kar unhen arpit kar die the. shukracharya ke pas divya mahamrityunjay mantra tha jiske prabhav se vah yuddh men ahat sainikon ko svasth kar dete the aur mritkon ko turant punarjivit kar dete the. shukracharya ne raktabij namak rakshas ko mahamrityunjay siddhi pradan kar yuddhabhumi men rakt ki bund se sanpurn deh ki utpatti karai thi. mahamrityunjay mantra ke prabhav se guru dronacharya ko ashvatthama ki prapti hui thi, jiske bare men dharna hai ki vah aj bhi jivit hai tatha use usi deh men narmada nadi ke kinare ghumte kai logon ne dekha hai. mahamrityunjay ke vibhinn mantra prachalan men hain. mahamrityunjay tantra namak shastra men kul 13220 shlokon men mahamrityunjay ke yantra, mantra tatha tantra ke prayog ka varnan hai. yahan mahamrityunjay mantra ke kuch prayogon ka vivaran prastut hai, jinki ‘mahamrityunjay yantra’ tatha parad shivling ki puja men avashyakta hoti hai. janmakundli men balarisht ya markesh ki mahadsha ya antardasha ho aur in karkon ka sanbandh shukra se ho arthat shukra markesh ho v dasha bhi shukra ki ho tatha rog ya durghatana ki ashanka ho, to shukropasna mahamrityanujay ke tantra ka prayog karane se ashanka ko tala ja sakta hai. shukropasna mritsanjivni vidya ‘‘¬ haun jun sah ¬ bhurbhuvah svah tatsaviturvarenyan, trayambakan yajamhe, bhargo devasya dhimhi sugandhinpushtivardhanan dhiyo yonah prachodyat, urvarukmiv bandhananmrityormukshiya mamritat, ¬ svah bhuvah bhuah ¬ sah jun haun ¬ ..’’ sanjivni vidya ki prapti v prayog saubhagya se hi sanbhav hai. iska tantrik prayog karne ke purva is bat ki jankari avashyak hai ki arishtakari grah kis nakshatra men hai. us nakshatra ke vriksh ke panchang tatha pujan samagri se parad shivling tatha shuddh dhatu par nirmit mahamrityunjay yantra ka vidhivat pujan abhishek ukt sanjivni mahamrityunjay mantra bolte hue karna chahie. ganbhir rup se bimar koi rogi pujan, jap adi prayog nahin kar sakta atah uske lie kisi yogya pandit se ukt karya karaya ja sakta hai. rog ki sthiti ke anusar abhishek ki samagri men bhi parivartan kiya ja sakta hai. rogi ki sthiti marnasann ho, to mrityochchatan ke sankalp ke sath sarson ke tel se abhishek karna chahie. mastishk rog se mukti ke lie shankhpushpi evan brahmi tatha bhang ke mishran ko dudh v jal men chan kar abhishek karna chahie. madhumeh se mukti ke lie kale jire, methi aur kali mirch ka churn jal men milakar abhishek karna chahie. haddiyon ke rog se mukti ke lie amba haldi se aur ankhon ki raksha ke lie badam, saunf tatha kali mirch ke sharbat se puja abhishek karna chahie. rogi ko abhishek ke nirmalya ka prasad svarup sevan karna chahie. upar varnit prayogon ke atirikt aur bhi kai gupt prayog hain jinse kai rogon se raksha, rin se mukti, dampatya sukh, santan sukh, samriddhi, yash, aur vijay ki prapti tatha daridrya ka shaman ho sakta hai. avashyakta is bat ki hai ki ye sare prayog nishtha aur niyampurvak kie jaen.
Kya aapko lekh pasand aaya?
Subscribe