mirgi: daure ka tras acharya avinash sinh mirgi ek aisa rog hai, jismen vyakti achanak jamin par gir kar prayah arddh muchrchitavastha men rahta hai. rogi ko iska purvabhas bhi nahin hota, ki use mirgi ka daura parne vala hai. ismen rogi hanfta hai, munh se jhag uglta hai. uski ankhane fati-fati si aur palken sthir ho jati hain tatha gardan akar kar terhi ho jati hai. rogi hath-pair patkta hai. uske dant bhinch jate hain aur mutthiyan kas jati hain. vah ajib si avaj karne lagta hai. daure ke samay rogi ko sans lene men bhi kasht hota hai. lekin 20-25 minat bad rogi ki sans thik chalne lagti hai aur rogi hosh men a jata hai. kabhi-kabhi rogi, hosh ane par, so bhi jata hai. prachin ayurvedik acharyon ke matanusar chinta, krodh, shok, kshobh adi mansik santapon se dushit hue vat, pitt aur kaf mastishk ko prabhavit karte hanai, jisse smaran shakti nasht ho kar mirgi rog ban jata hai. iske atirikt adhik sharirik aur mansik shram, adhik sharab evan nasha, hast maithun adi bhi rog ke karan ho sakte hanai. rog ki shuruat prayah sankramak bukhar, sir men chot aur anton men adhik kire hone ke bad ho jati hai. ayurved ke anusar mirgi rog char prakar ke hote hainah 1. vat ki mirgi 2. kaf ki mirgi 3. pitt ki mirgi 4. sannipat ki mirgi. vat ki mirgi: yadi rogi ke munh se jhag aye, dant bhinch jaen, kanpkpi chute, sans teji se chale, to vat ki mirgi rog samjhen. kaf ki mirgi: yadi rogi ki tvacha ka rang safed ho jae, munh se safed jhag nikle, ankhon aur munh ka rang bhi safed ho, to kaf ka mirgi rog samjhen. pitt ki mirgi: yadi rogi ke munh se pila-pila jhag ae, sharir ka rang pila par jae, to use pitt ki mirgi ka rogi samjhna chahie. sannipat ki mirgi: yadi uparyukt sare lakshan paye jaen, to sannipat ka mirgi rog samjhna chahie. iske atirikt durghatanavash bhi rog ho sakta hai. yadi sharir adhik farke aur bhaunhen charhi rahen, ankhe palat jaen, to aisi sthiti ko asadhya mirgi kahte hanai. ismen rogi ke bachne ki ummid kam ho jati hai. mirgi ka daura parne par rogi ke kase hue kapre dhile kar den. use mote gadde par sula den. takiya laga kar sir uncha kar den. yad rakhen, rogi ko pet ke bal n litaen. isse rogi ki sans rukne ke karan mrityu bhi ho sakti hai. dantane ke bich kapre ki potli laga den. chehre par thande jal ki potli laga den aur marij ko havadar jagah par rakhen. gharelu upchar tilon ke sath lahasan khilaen. isse vat ka mirgi rog dhire-dhire jata rahta hai. dudh ke sath shatavri khane se sadharan pitt ka mirgi rog dur hota hai. shahad men brahmi ka ras mila kar lene se kaf ka mirgi rog thik ho jata hai. rai aur sarson ko go mutra men pis kar sharir par lep karen. isse har prakar ki mirgi men labh milta hai. mithe anar ke ras men misri mila kar pilane se behoshi dur hoti hai. ninbu ke sath hing chusne se mirgi ka daura nahin parta. akrvara ko sirke me mila kar shahad ke sath pratidin pratah kal chatne se mirgi dur hoti hai. lahsun ki kaliyon ko dudh men ubal kar pine se purani mirgi bhi dur ho jati hai. lahsun kut kar sunghane se mirgi ke daure ki behoshi dur hoti hai. vach ko barik pis kar brahmi athva shankhahuli ke ras, ya purane gur ke sath len, to mirgi rog men aram milta hai. pipal, chitrak, pipramul, trifla, chavya, saunth vayvidang, sendha namak, ajvayan, dhaniya, safed jira, sabhi ko barabar matra men pis kar churn bana len aur subh-sham pani ke sath lene se mirgi rog men labh hota hai. savdhaniyan mirgi ke rogi ko prayah sabhi prakar ke nashane ko tyag dena chahie. use chay-kafi, uttejak dravya, mansahari bhojan se bilkul dur rahna chahie aur sone se do ghante purva bhojan kar lena chahie. vivahit stri-purushon ko brahmacharya ka palan karna chahie aur avivahit stri-purush kritrim maithun se bachen. unhen rog paida karne vale sabhi mul karnon se bachna chahie, jaise kabj, thakan, tanav aur manovikar. jyotishiya drishtikon jyotish ka drishtikon grah-nakshatron par adharit hota hai, aisa sabhi jante hain. jyotish men surya-mangal ke dushprabhav men rahne ke karan mirgi ke daure parte hain. surya aur mangal urja ke karak hanai. sharir men urja ka prabhav surya aur mangal se hi hota hai. jab hamare sharir men urja ke pravah men avrodh prakat hota hai, to mirgi ka daura parta hai, jaise bijli ghatne-barhne ke samay balb ki roshni farfrati hai. bijli ke tar men jo urja pravahit hoti hai, usmen avrodh hone se sanpark tutta-jurta rahta hai, jisse ghatna-barhna hota hai. isi tarah hamare sharir ke us urja pravah men avrodh mirgi ka karan banta hai, jo hame surya aur mangal se milti hai. chandra urja ke pravah men sahayak hota hai. islie chandra ka bhi dushprabhav men rahna rog ke hone men sahayak hota hai. iske sath lagn ka bhi dushprabhav men rahna rog ka sanket deta hai. is prakar janmakundli men surya, chandra, mangal aur lagnesh ke dushit prabhavon men rahne se mirgi ka rog hota hai. jyotish granth jatak tatva ke anusar mirgi ke kuch jyotishiya yog is prakar hainah- chandra aur rahu ashtam bhav men hon, to jatak ko mirgi ho sakti hai. surya, chandra, mangal lagn aur ashtam bhav men sath-sath hon aur ashubh grahon se drisht hon, to mirgi rog hota hai. rahu lagn men ho aur chandra shashth bhav men ho, to jatak ko mirgi hoti hai. janm samay chandra ya surya grahan hone par bhi yah rog hota hai. shashth ya ashtam bhav shani-mangal se yukt ho, to mirgi hoti hai. vibhinn lagnon men mirgi rog ke karan mesh lagna: rahu-budh lagn men hon, surya dvadash men shani se drisht ho aur mangal shashth bhav men shani ke sath ho, to jatak ko daure parte hain. vrish lagna: surya lagn men rahe, chandra aur ketu ashtam bhav men aur lagnesh shukra- rahu se yukt ho, mangal guru ke sath shani se drisht ho, to jatak ko mirgi ke daure parte hain. mithun lagna: chandra purn ast lagn men ho, mangal dasham bhav men purvabhadrapad nakshatra men rahe aur rahu dvadash bhav men hone se mirgi rog hota hai. kark lagna: kark lagn mangal, surya, chandra lagn men ho, ya ashtam bhav men ho aur ast ho tatha lagn evan lagnesh rahu se drisht hon, to mirgi rog hota hai. sinh lagna: lagnesh surya aur mangal ashtam bhav men hon, chandra lagn men rahu aur ketu se drisht ho, to mirgi rog hota hain. kanya lagna: lagn men hast nakshatra uday ho aur chandra pancham bhav men ast ho aur rahu se yukt ho tatha mangal lagn men ho, to mirgi rog hota hai. tula lagna: lagn men vishakha nakshatra udit ho, guru aur shukra saptam bhav men surya se purn ast hon aur mangl-chandra rahu aur ketu ke prabhav men hon, to mirgi rog hota hai. vrishchik lagna: surya dvadash bhav mangal ke sath ast avastha men ho, rahu lagn men budh ke sath ho, lagn men vishakha nakshatra udit ho aur chandra shashth bhav men ho, to mirgi hoti hai. dhanu lagna: lagn men mul nakshatra udit ho aur budh tatha chandra lagn men hon, budh lagnanshon par hi guru, mangal trik sthanon men rahu-ketu se drisht evan yukt hon, to mirgi rog hota hai. makar lagna: lagnesh rahu se drisht evan yukt ho, surya-chandra lagn men hon, shani -mangal ashtam bhav men hon, to mirgi rog hota hai. kunbh lagna: lagnesh shani shashth bhav men surya se purn ast, mangl-chandra, rahu dasham bhav men hon, to mirgi rog hota hai. min lagna: lagnesh chathe ya ashtam bhav men ho, budh lagn men surya ke sath ho, mangal ashtam men rahu-ketu se yukt evan drisht ho, to mirgi rog hota hai. uparyukt sabhi yogon men sanbandhit grahon ki dashantardasha evan gochar ke anusar rog ki utpatti hoti hai. uparyukt sabhi yog chalit kundli par adharit hain.