manikya jo jatak manikya/rubi pahnna chahte hain ve avashyakta anusar dhai se sat ratti ka manikya pahnen. surya ke ratn manikya ko ravivar ya virvar ke din anguthi men jarvaen. ratn ko sharir ka sparsh avashya karna chahiye. anguthi ko kachche dudh, gangajal men 24 ghante dubokar rakhen aur un ghriniah suryay namah ya un hran hrin hraun sah suryay namah mantra ka 7 hajar bar jap karke/shuddh karke ravi pushya yog ya shukla paksh ke ravivar ko dharan karen.
ratn dharan karte samay adrra v mul nakshatron ka dhyan rakhen. manikya ki anguthi dahine hath ki tarjani v anamika anguli men dharan kar sakte hain. moti chandrama ka ratn moti bahut se log shauk ke liye bhi pahan lete hain ya koi parhai men kamjor hai, mansik pareshani hai, gussa ata hai to log adhikatar apne ap moti dharan kar lete hain.
yah sahi nahin hai. janmakundli ke anusar moti dharan karen, moti kam se kam 4 se 11 ratti ke bich hona chahie. shukla paksh ke somvar ko rat ko chandrama ke darshan karke dharan karen. moti somvar ko hi anguthi men jarvaen. chandi ki anguthi men aur 11 hajar mantron ka jap karen. mantra - un sane somay namah ka jap karen. ratn dharan karte samay rohini, shravan v hast nakshatra hon to atyant shubh hai.
rahu aur ketu ke nakshatra men moti dharan n karane. munga munga ratn somvar, ravivar, manglvar v virvar ko jarvaen. ratn sharir ko sparsh karna chahie. ratn dharan karne se pahle gangajal aur kachche dudh men dubokar rakhna chahie aur un an angarkay namah ka das hajar bar jap karke, shuddh karke hanuman ji ke darshan karke dharan karna chahie. mangal ke nakshatron mrigshira, chitra v dhanishtha men dharan karen.
shukla paksh ke manglvar ko suryoday ke pashchat dharan karen. atyant labh hoga. panna budh ka ratn panna anek visheshtaon se yukt hota hai. yah ratn sone aur chandi donon dhatuon men pahna jata hai. budhvar ke din panna 5 ratti se 10 ratti ke bich anguthi men jarvaen aur shukla paksh ke budhvar ko ya budh ke nakshatra ashlesha, jyeshtha v revti men dharan karen. dharan karne se pahle ratn jarit anguthi ko kachche dudh v gangajal men 24 ghante rakhen aur un bun budhay namah ko nau hajar bar jap kar shuddh karen aur fir dahine hath ki sabse choti anguli men dharan karen.
ganeshji ke darshan karen. pukhraj brihaspati ke ratn pukhraj ko shukla paksh ke virvar ko sone ki anguthi men jarvaen. pukhraj 5 ratti se lekar 10 ratti tak hona chahie. 5 ratti se kam ka pukhraj dharan karne se koi labh nahin hota. pukhraj ko dharan karne se pahle kachche dudh ya gangajal men dubokar rakhna chahie aur fir shukla paksh ke virvar ko un brin brihaspataye namah mantra se 19000 bar jap karke shuddh karke dahine hath ki tarjani anguli men dharan karen. pukhraj brihaspativar ko savere suryoday ke pashchat dharan karne se anek shubh falon ki prapti hoti hai.
pukhraj shukla paksh ke brihaspativar ya guru pushya yog men dharan karne se uski shubhta barhti hai. hira shukra ke ratn hire ko shukla paksh ke shukravar ko hi anguthi men jarvana chahie. jo jatak hira mahanga hone ke karan pahnne men asamarth hon ve iska uparatn jirakan aur opal pahan sakte hain.
hira kam se kam 60 sent se lekar derh kairet ke bich men hona chahie. hira chandi dhatu men hi jarvana jyada shubh hota hai aur dharan karne se pahle un shun shukray namah mantra ka 16000 bar jap karke, shuddh karke shukravar ko savere ya sham ko dahine hath ki bich vali anguli men dharan karen. nilam shani ke ratn nilam ko bahut hi savdhani se dharan karna chahie. nilam ratn dharan karne se pahle kisi vidvan jyotishi se salah avashya len anyatha bhari pareshani men fansne ki sanbhavna ho jati hai.
shani ratn nilam shanivar ke din chandi ki dhatu men jarvana chahie aur sabse jyada 23000 mantron se shuddh karke dahine hath ki madhyama anguli men dharan karna chahie. mantra is prakar hai: un shan shanaishcharay namah. nilam shanivar savere sham ko dharan karna chahie. shanidev ke darshan karna chahie aur ashay/ garibon ki sahayta karni chahie. majduron ko prasann rakhna chahie. isse shani dev prasann ho jate hain.
nilam kam se kam 5 ratti ka hona chahie. gomed rahu ke ratn gomed ko shanivar ke din chandi ki anguthi men jarvaen. gomed ka vajan 5 se 8 ratti ka hona chahie aur anguthi ko un ran rahve namah mantra se 18000 bar jap kar shuddh kar len aur shanivar sham ko ya savere dahine hath ki madhyama anguli men dharan karen.
gomed ratn vakalat karne vale jatkon ke lie atyant labhdayak siddh hota hai. lahsuniya ketu ke ratn lahsuniya ko shanivar ko chandi ki anguthi men jarvaen. ratn ka vajan 3 ratti se 8 ratti ke bich hona chahie. shukla paksh ke shanivar ko subah ya sham dharan karen. dharan karne se pahle un ken ketve namah mantra se 17000 bar jap karen aur shuddh karke dharan karen. ganeshji ki aradhna karte rahen aur kutton ki seva karte rahen, labh hoga.