punarjanm par adharit sammohan chikitsa paddhati sammohan se chikitsa karne ki bat bhale hi nai lage lekin is upchar paddhati se purva janm men le jakar purani baten bhulakar vyakti ko samanya karne men ashcharyajanak parinam samne a rahe hain. is alekh men isi ki rochak jankari di ja rahi hai...
kya ap kabhi aise sthan par gae hain jahan ap jivan men pratham bar gae hon aur apko laga ho ki pahle bhi ap yahan a chuke hain? kya apko kabhi aisa bhay anubhav hua jiska koi karan hi n ho? aisa anubhav apke purvajanm se sanbandhit ho sakta hai. hajaron varshon se vishvabhar men punarjanm men vishvas kiya jata raha hai.
eshiya, amerika, afrika, astreliya aur yurop men yah vishvas kiya jata raha hai ki mrityu ant nahin hai. bhautik sharir ke ant ke bad bhi manav jivan ka ek ansh jivit rahta hai jise bahut se nam die gae hain jaise manas, chetna, atma, manu svayan, astitva aur chetnta. sarvavidit tathya hai ki gita men atma ko ajar v amar kaha gaya hai.
baibal men bhi kai jagah atmaon ke punarjanm ka ullekh kiya gaya hai. maithyu 11ah13-15 men jisas apne shishyon ko jaen d baiptist ke purvajanm ke vishay men batate hain ki yah iliyas hai. turki men prachin kal se manyata hai ki mritak ek duniya se nikal kar dusri duniya men jata hai, islie use fulon se bhare hue tabut men rakhakar dafnaya jata hai.
prachin misra ke log mritak sharir ke sath jadu men prayog men ane vale kuch yantra bhi dafnate the is vishvas ke sath ki ye use apni ichchanusar dobara janm lene men sahayta karenge. chathi shatabdi ke ek yunani lekhak ne apni kahani ‘d kes aef ribartha’ men likha hai ki ham sabhi men kuch buraiyan aur kuch achchaiyan hoti hain.
jaise -jaise ham bar-bar punarjanm lete hain hamare svabhav ki buraiyan samapt hoti jati hain aur ham sajjan evan adhyatmik hote jate hain. mahan darshanik sukrat bhi punarjanm men drirh vishvas rakhte the. unke shishya pleto ne apni pustak ‘‘laej’’ men prishth sankhya 155 par likha hai ki ‘‘yadi ap bure vichar rakhte hain to ap buri atmaon ke rup men punarjanm lenge aur yadi ap achche banna chahte hain to ap achche janm men jaenge.’’ pleto ke vicharon ka pashchatya darshanashastra par gahan prabhav raha hai.
‘sammohan chikitsa paddhati’ punarjanm par adharit ek paddhati hai jo pashchatya deshon men adhik prachlit hai. is paddhati men chikitsak sammohan dvara vyakti ko purvajanm ki smritiyon men le jate hain jisse asadhya rogon ka ilaj sanbhav ho jata hai. pashchimi deshon men ‘mrityu ke bad jivn’ vishay par anek shodhkarya kie gae hain. inhin shodhkaryon ke falasvarup is paddhati ka udbhav hua.
richard vebstar nyujilaind ke ek sammohan chikitsak hain jo sammohan chikitsa evan purvajanm ki smritiyon men jane se sanbandhit desh videsh men anek karyashalaen ayojit kar chuke hain. unhonne apni pustak men likha hai- jenet ek atharah varshiya yuvti hai jo parhne ke sath-sath ek part taim naukri bhi karna chahti hai.
uski samasya hai ki ajnbiyon ko dekhakar uske sine men tej dard ka ahsas hota hai aur vah kisi se samanya rup se bat nahin kar pati. sammohan chikitsa se use purvajanm yad ata hai jismen vah ek garib parivar ki choti bachchi hai. rat ke samay tin ajnbi ghoron par unke ghar ate hain aur khane ko kuch mangte hain.
garibi ke karan uske pita unhen keval pani pilane men samarth hanai, bhojan unke pas nahin hai. ek ajnbi unki tin bakriyon men se ek ko marakar pakane ka adesh deta hai. uske pita inkar karte hain. vah ajnbi unke sine men goli mar deta hai aur ve chatptate hue mar jate hain. sammohan prakriya se gujar kar lautne ke bad jenet ki mansik sthiti men parivartan hua.
use apne asahaj svabhav ka karan gyat hua aur dhire-dhire vah bilkul samanya ho gai. ek anya drishtant men likha gaya hai ki muchuara jati ka ek larka pani men jane se bahut darta tha jabki uske bhai bahan tairaki men nipun the.
sammohan chikitsak ke sahyog se purvajanm ki smritiyon men usne jana ki vah ek kushal tairak raha tha parantu samudri tufan men dub jane se uski mrityu ho gai. yah satya janne ke bad uska anjana bhay dhire-dhire samapt ho gaya. ek drishtant bharat ke uttar pradesh rajya ke saharnpur ke pramod ka hai.
pramod ka janm saharnpur ke ek shikshak ke ghar hua. kuch bara hone par usne bataya ki uska ghar muradabad men hai. vahan uske pita ki mohan bradars ke nam se bekri hai. muradabad le jane par usne apna ghar v sanbandhiyon ko pahchan liya. gyat hua ki purvajanm men uska nam parmanand tha. rat ke samay dahi khane se fud paeijan hone se uski mrityu hui.
pramod ke rup men punarjanm hone par vah dahi bilkul nahin khata tha. tatparya yah hai ki purvajanm ka prabhav vartaman janm par avashya hi parta hai. sammohan chikitsa ki anek vidhiyan jaise apne pichle janmon ki taraf lautne ke svapn lena, mediteshan arthat dhyan lagakar apne pichle janm ke vishay men sochna, ghari ki tik-tik ke sath apne jivan ki ghatnaon men piche jate hue purvajanm tak pahunchne ka prayatn karna, apne jivan ki pichli ghatnaon ko likhna tatha shant chitt se sochte hue apne purvajanm tak pahunchna v kristal bael ya pani se bhare golakar bartan men dekhakar sochte hue apne jivan ki pichli ghatnaon tatha purvajanm ko yad karna.
ye sabhi vidhiyan sammohan chikitsak apnate hain. inmen se sabse adhik prachlit paddhati hai kristal bael ki sahayta se sammohan. is paddhati ke nimnalikhit charan hanai-
pratham charn: ek kristal bael len use apne samne mej par rakhane aur suvidhajanak sthiti men baith jaen. apki ankhen is bael se tin fut dur hon.
dvitiya charn: gahre shvas len aur bael ko dekhen. dhire-dhire yah dhundhla ho jaega. ise nirantar dekhen aur apne pichle jivan ke bare men sochen. ulte kram se apne jivan ki pichli ghatnaon ko yad karen jaise naukri, shadi, chatra jivan, bachapan adi.
tritiya charn: apne pichle janm ke vishay men sochen. apki kristal bael par dhundhle chitra dikhai denge aur nila kohra dikhai dega. agar ap bhagyashali hain to bahut jaldi hi apko pichle janm ki ghatnaen yad aengi. ap apne purvajanm ko janne ke uddeshya ke bare men bhi sochen.
chaturth charn: ishvar ko dhanyavad dete hue apne vartaman men laut aen. nirantar abhyas se yah paddh ti safal ho jati hai parantu ye sabhi vidhiyan kushal chikitsak ke nirikshan men apnani chahie.
punarjanm ki smritiyan labhaprad ho sakti hain aur hamare vartaman jivan ka uddeshya spasht kar sakti hain. hamari chipi hui pratibha ko bhi samne la sakti hain aur hamen ek adhik santusht aur safal jivan de sakti hain. bahut se manorog evan asadhya rog punarjanm par adharit chikitsa paddhati se thik ho jate hain. punarjanm ka koi thos vaigyanik siddhant nahin hai athva yah bhi kaha ja sakta hai ki yah vishay vigyan ki pahunch se pare hai.
if you are facing any type of problems in your life you can consult with astrologer in delhi