jyotish shastra men vyakti ke sahas, chote bhai-bahan, antrik bal, achal sanpatti, rog, shatruta, rakt, shalya chikitsa, vigyan, tark, bhumi, agni, raksha, sauteli mata, tivra kam bhavna, krodh, ghrina, hinsa, pap, akasmik mrityu, hatya, durghatana, bahaduri, virodhiyon, naitikta ki hani ka karak mangal grah hai. mangal yantra ka prayog vishesh rup se janm kundli men mangal ki ashubhta ko dur karne ke lie, manglik dosh nivaran hetu, jamin-jaydad ke vivadon ko hal karne ke lie, shatruon par vijay prapti ke lie tatha korta-kachahari ke mamlon men saflta prapti ke lie kiya jata hai. mangal yantra ka prayog kisi kundli men shubh athva sakaratmak rup se karya kar rahe mangal ko atirikt bal pradan karne ke lie bhi kiya jata hai jisse kundli men shubh mangal ki shakti badhne se jatak ko atirikt labh prapt hote hain mangal yantra ka prayog kisi kundli men ashubh mangal dvara banae jane vale doshon ko kam karne ke lie athva unke nivaran ke lie kiya ja sakta hai.
ashubh mangal dvara kisi kundli man banae jane vale doshon men vaidik jyotish ke anusar sabse anishtakari dosh manglik dosh ko mana jata hai tatha is dosh ka nirman kisi kundli men ashubh mangal ke pahle, dusre, chaithe, satven, athven athva barhven ghar men sthit ho jane se hota hai tatha is dosh ke dushprabhav ke karan jatak ke vaivahik jivan men kai prakar ke kasht tatha badhaen a sakti hain. kisi kundli men banne vale manglik dosh ke nivaran ke lie mangal ke mantra tatha yantra ki sahayta hi mukhya rup se li jati hai tatha inki sahayta se kisi kundli vishesh men manglik dosh ke karan ane vali samasyaon tatha badhaon ko bhi bahut sima tak kam kiya ja sakta hai jisse jatak apekshakrit achcha vaivahik jivan vyatit karne men saksham ho jata hai. manglik dosh tatha kundli men mangal ke dvara banae jane vale kisi anya dosh ke nivaran ke atirikt mangal yantra ka prayog mangal grah ki samanya tatha vishisht visheshtaon ke sath jude labh prapt karne ke lie bhi kiya ja sakta hai.
mangal yantra ke shubh prabhav se jatak ke sharir men bal tatha parakram ki vriddhi hoti hai tatha jatak mansik rup se bhi adhik saksham ho jata hai jiske karan aisa jatak anek prakar ke karyon ko pahle ki apeksha adhik sahjta tatha kushlta se kar pata hai. mangal yantra ka shubh prabhav jatak ke apne bhaiyon tatha mitron ke sath sanbandh sudharne men bhi sahayta kar sakta hai jiske chalte is yantra ke shubh prabhav men ane vala jatak apne bhaiyon tatha mitron ki sahayta se jivan men unnati kar sakta hai kyonki is yantra ke shubh prabhav ke karan jatak ko hitkari evam samarpit mitra prapt ho sakte hain jo jatak ko uske jivan ke kai kshetron men unnati karne men sahayta kar sakte hain. iske atirikt mangal yantra ka prayog jadu tone ityadi ko dur karne ke lie bhi kiya jata hai kyonki mangal yantra par sada hi mangal grah ke isht bhagvan hanuman ki kripa rahti hai jiske chalte bhagvan hanuman ki apar shakti se yah yantra anek prakar ke jadu tonon ko dur karne men bhi samarth hota hai.
iske atirikt mangal yantra ka shubh prabhav jatak ko uski kundli men mangal grah dvara pradarshit ki jane vali vishisht visheshtaon se sanbandhit labh bhi pradan kar sakta hai. udaharan ke lie yadi kisi jatak ka man, pratishtha, prabhutva tatha khyati uski kundli ke anusar mangal grah ki visheshtaon ki paridhi men ate hain to mangal yantra ke shubh prabhav se aisa jatak aise karya kar sakta hai jisse use samman, pratishtha, prabhutva tatha khyati prapt ho. is prakar mangal yantra ka prayog vibhinn jatkon ko unki kundli men mangal ki sthiti ke adhar par bhinna-bhinn prakar ke shubh fal pradan kar sakta hai. mangal yantra se shubh fal prapt karne ke lie yah avashyak hai ki, yah yantra pran pratishthit ho.
mangal yantra ki sthapna ke din nahane ke pashchat apne yantra ko samne rakhakar 11 ya 21 bar mangal ke bij mantra ka jap karen tatha tatpashchat apne mangal yantra par thode se gangajal athva kachche dudh ke chinte den, mangal maharaj se is yantra ke madhyam se adhik se adhik shubh fal pradan karne ki prarthana karen tatpashchat is yantra ko iske lie nishchit kiye gaye sthan par sthapit kar den. apka mangal yantra ab sthapit ho chuka hai tatha is yantra se nirantar shubh fal prapt karte rahne ke lie apko is yantra ki niyamit rup se puja karni hoti hai. pratidin snan karne ke pashchat apne mangal yantra ki sthapna vale sthan par jaen tatha is yantra ko naman karke 11 ya 21 mangal bij mantron ke uchcharan ke pashchat apne ichchit fal is yantra se mangen. apne pas sthapit kie gaye mangal yantra ki niyamit rup se puja karne se apke aur apke mangal yantra ke madhya ek shaktishali sanbandh sthapit ho jata hai jiske karan yah yantra apko adhik se adhik labh pradan karne ke lie prerit hota hai. mangal grah bij mantra: un kran krin kraun sah bhaumay namah.