dampatya purush aur prakriti ke santulan ka paryay hai. yah dharti aur akash ke sanyojan aur viyojan ka praktikaran hai. akash ka ek paryay anbar bhi hai jiska arth vastra hai. vah prithvi ko puri tarah apne avaran men rakhta hai. vah prithvi ke astitva se achuta nahin rahna chahta. purush aur akash men koi bhinnata nahin hai. akash tatva brihaspati ka gun hai. stri ki kundli men saptam bhav ka karak guru hi hai.
guru arthat ganbhir, vah jo apne dayitva ke prati ganbhir rahe. kya aj ke pati apne dharm ka purn nirvah kar pa rahe hain? arthik yug ke is daur men stri ghar chorakar bahar nikal rahi hai. aise men svabhavik hai vayaras (rahu) ka failna jisse nirmit hota hai guru chandal yog. is vishay men jyotish ke siddhant kya kahte hain, isi ka vivaran yahan diya ja raha hai.
yadi lagn ya chandra se satven bhav men navmesh ya rashi svami ya anya karak grah sthit hon ya us par unki drishti ho to shadi se sukh prapt hoga aur patni snehmyi aur bhagyashali hogi . yadi dvitiyesh, saptamesh aur dvadshesh kendra ya trikon men hon tatha brihaspati se drisht hon, to sukhamay vaivahik jivan v putravti patni ka yog banate hain.
yadi saptamesh aur shukra samrashi men hane, satvan bhav bhi sam rashi ho aur panchmesh aur saptamesh surya ke nikat n hon ya kisi anya prakar se kamjor n hon, to shilvti patni aur suyogya santti prapt hoti hai. yadi guru saptam bhav men ho, to jatak patni se bahut prem karta hai. saptamesh yadi vyay bhav men ho, to pahli patni ke hote hue bhi jatak dusra vivah karega, sagotriya shadi bhi kar sakta hai.
is yog ke karan pati aur patni ki mrityu bhi ho sakti hai. yadi saptamesh pancham ya panchmesh saptam bhav men ho, to jatak shadi se santusht nahin rahta athva uske bachche nahin hote. stri ki kundli men saptam bhav men chandra aur shani ke sthit hone par dusri shadi ki sanbhavna rahti hai jabki purush ki kundli men aisa yog hone par shadi ya santti nahin hoti hai. lagn men budh ya ketu ho, to patni bimar rahti hai. satven bhav men shani aur budh sthit hon, to vaidhavya ya vidhur yog banta hai.
yadi satven bhav men marak rashi aur navansh men chandra ho, to patni dusht hoti hai. yadi surya rahu se pirit ho, to jatak ko anya striyon ke sath prem pranay ke karan badnami uthani par sakti hai. surya mangal se pirit ho, to vaivahik jivan kashtamay ho jata hai pati patni donon ek dusre se ghrina karte hain. jatak raktachap aur hriday rog se pirit hota hai.
purush ke saptam bhav men mangal ki mesh ya vrishchik rashi ho ya mangal ka navansh ho, yadi saptamesh navansh lagn se kamjor ho athva rahu ya ketu ho to vah yuvavastha men hi apni patni ko tyag dega ya pathabhrasht ho jaega. yadi shukra aur mangal navansh men sthan parivartan yog men hon, to jatak vivahetar sanbandh banata hai. jatka ke saptam bhav men yadi shukra, mangal aur chandra hon, to vah apne pati ki svikriti se vivahetar sanbandh banaegi ya anya purush ke sath rahegi.
shadi ke lie kundli milan ki pranali ka sahara liya jana chahie, isse kuch had tak prem aur vaivahik sauhard ki sthirta ko kayam rakha ja sakta hai. patri mane mangal aur shukra ki sthiti ka vishleshan savdhanipurvak kiya jana chahie. sanbhav hai ki shukra v mangal ki yuti ho athva n bhi ho, lekin antagrrast nakshatra ka svami anisht grah ho sakta hai. aise men talak aur algav ki samasya utpann ho sakti haiain.
mangal avesh men vriddhi karta hai aur shukra sammohak pahluon se jorta hai. atah janmank men yadi aise pahlu dikhen, to mata pita bachchon ka palan poshan anushasit dhang se karen, unhen samjhaen ki kshanik anand aur bhog vilas ki taraf akarshit n hon. shukra vaibhav, romansh, madhurta adi sammohak pahluon ka dyotak hai. yah laingik sauhard aur sammilan, kala, anurakti, parivarik sukh, sadharan vivah, vanshvriddhi, jivni shakti, sharirik saundarya aur prem ka karak hai. mangal bal, urja, akramkta ka dyotak hai.
jab shukra ke sath mangal ki yuti ho, to vishay vasna ki prachurta rahti hai. atah avashyak hai ki jab var v kanya ki kundliyan dekh rahe hon, tab mangal shukra ki yuti, sthan parivartan, drishti sanbandh aur viprit sthiti men brihaspati ki anukul sthiti ka shubh praman avashya dekhen. sharir saushthav men shukra, mangal ki yuti sharirik sundrta ke lie mahatvapurn hai. kintu guru aur shani ke saumya prabhav ka abhav ho, to kami bhi a sakti hai.
shukra v mangal vyakti ko bhautikvadi, manoranjanapriya, shaukin, adanbri aur vishyi banate hain. yadi ye donon viprit drishti de rahe hon, to vishay sanbandhi kathinai aur vaivahik jivan men samasya ati hai. shukra yadi uÿam nakshatra ya rashi men ho, to mangal ka rukhapan (jvalan shakti) kam ho jata hai. lekin yadi rahu ki yuti ho, to vah jatak ko vyabhichari bana deti hai.
yadi antagrrast nakshatra, guru, budh ya chandra n ho, to jatak men ya jatka kamukta prabal hoti hai shubh vivah ke lie ketu, shukra aur mangal ka yuti ya drishti sanbandh ashubh hai . shukra purush ki kanudli men dampatya ka karak hai. guru stri ki kundli men shubh var samjha jata hai. jaisa ki upar kaha gaya hai, shukra paurush shakti, sundrta madhurta evan prem ka dyotak hai. yah ghar men agney kon men purvi agney aur dakshini agney ke madhya bhav ka svami hai.
yah sthan agni devta se aranbh hokar yam ki had tak pahunch jata hai. agney evan vayavya konon men dosh hona dampatya sukh men badha utpann karta hai. shayanakaksh dakshini agney kon men nahin banana chahie. kabhi-kabhi talak aur algav ki sthiti utpann ho jati hai. dahej ke mukdme adi chalu ho jate hain. stri ki kundli men guru ki sthiti shubh hoti hai. purvi ishan se uÿari ishan tak ke madhya bhag men guru ka samavesh rahta hai.
guru akash tatva arthat karn gyanendriya ka karak hai. striyon ko sunne ki kshamata bahut samriddh rakhni chahie. us sthan par shanka (rahu), ahankar (shauchaly), vachalta (sirhi), rajogun(budh), (chan) chanchlta ko vyavasthit rakhna chahie. purvi ishan kon se uÿari vayavya tak yadi dosh ho, to striyon men dosh vyapt ho jata hai. is dosh ke falasvarup kahin kahin vivah bhi nahin hue hain.
sukhi dampatya ke lie pati patni ko darar yukt bistar par shayan nahin karna chahie. shayanakaksh men khula pani, khula shisha adi n rakhen. agney kon men juthe bartan, jhadu ityadi n rakhen. ishan kon shiv ka sthan mana jata hai. shiv adi purush hain aur agney kon shakti ka sthan hai, jo adi nari hain.
yahi brahmand ke suyogya pati patni aur ham sabke mata pita hanai. dekhne vali bat yah hai ki shiv (purush) ne shakti ke sthan men aur shakti ne shiv ke sthan men santulan banaya. shraddha aur vishvas ka pratik ye donon param pujya hain. u