is prakar kisi jatak ka vivah sanpann hone men jatak ke, saptam bhav ke sath-sath, 1-2-4-9-11 bhav bhi vivah ke lie kafi mahatvapurn hain. vivah hoga, ya nahin ?: iska uttar janne ke lie niche likhe kuch yogon par vichar karenge, jo vivah n hone ke yogon men shamil hain:
û jis vyakti ki kundli men saptam bhav, saptamesh evan shukra pap grahon se yukt ho, dvitiyesh trik sthan men ho, uska vivah nahin hota hai.
û saptamesh evan shukra nirbal, ya astagat ho tatha saptam bhav men shani evan rahu ho, to vivah nahin hota hai. kintu aise vyakti ka kisi n kisi ke sath yaun sanbandh avashya rahta hai.
û lagn, dvitiya evan saptam, in tinon sthanon men pap grah hon, unapar shubh grahon ki drishti n ho, to vyakti vidhivat vivah nahin karta hai.
û surya, chandrama evan shukra tinon ek navansh men tatha trik sthan men hane, to vyakti vivah nahin karta, kintu vah vyabhichari hota hai. not: ukt yogon ka vichar karte samay yah dhyan rakhna chahie ki yogkarak grahon par kisi shubh grah ki drisht to nahin hai, kyonki in yogon ko banane vale grahon par shubh grahon ki drishti hone se ye yog prabhavhin ho jate hain tatha is sthiti men vivah hone ki sanbhavna ban jati hai. vivah men badhak aur vilanbkarak yog:
û chandrama se 7ven sthan men shukra ho tatha us rashi ka svami 11ven sthan men ho, to 27 varsh ki ayu men vivah hota hai.
û bhagya sthan se saptam, arthat tritiya bhav men shukra ho tatha saptamesh bhagya sthan men ho, to 30 varsh ki ayu men vivah hota hai.
û ashtamesh ashtam sthan men ho tatha lagnesh evan shukra sath-sath hon, to 33 varsh ki ayu men vivah hota hai
û tritiya sthan men shukra tatha dvitiya sthan men rahu hone par 31, ya 34 varsh ki ayu men vivah hota hai.
û saptamesh pap grah ke sath trikon men tatha shukra pap grah ke sath dvitiya sthan men ho, to vivah 35 varsh ki ayu men hota hai
. û lagn, dvitiya evan saptam sthan men nich, ya shatru rashi men pap grah ho, to vivah deri se hota hai.
û lagn, ya saptam sthan se saptamesh 5, ya 6 rashi ke antar par ho, to vivah vilanb se hota hai.
û dhan sthan men shukra ho aur dhanesh mangal ke sath ho, to 27 varsh tak vivah men badha ati hai.
û saptam sthan ki rashi ke navansh men lagn ho tatha saptamesh 12ven sthan men ho, to 26, ya 28 varsh ki ayu men vivah hota hai.
û lagn men jis rashi ka navansh ho, usmen shukra ho tatha ashtam bhav men jis rashi ka navansh ho, vah rashi saptam bhav men ho, to 33 varsh ki ayu men vivah hota hai.
û pancham bhav men shukra, chaturth men rahu tatha saptam men shani ho, to 30, ya 32 varsh ki ayu ke vivah hota hai. kya vivah shighra (kam umra men) hoga?: 18 varsh se choti ayu ke larke evan larkiyon ka vivah bal vivah kahlata hai. balyavastha men vivah hone ke yogon men kuch pramukh yog nimn likhit hain: û jiski kundli men lagnesh saptam sthan men ho tatha shukra kendra men ho, uska vivah 11 varsh ki umra men hota hai.
û saptamesh shubh grah ki rashi men ho tatha shukra svarashi, ya uchch rashi men ho, to 9ven varsh men shadi ho jati hai.
û lagnesh dvitiya ya saptam sthan men ho tatha shubh grahon se drisht ho, to balyavastha men vivah ho jata hai.
û saptam sthan men surya hone par tatha saptamesh ke sath shukra hone par vivah 11ven varsh men ho jata hai.
û dvitiyesh shukra ho tatha saptamesh jal rashi (kark, makar, kunbh, ya min) ho, to 10, ya 16 varsh ki ayu men vivah hota hai.
û lagn se kendra men shukra tatha usse saptam men chandrama hone par 12ven, ya 19ven varsh men vivah hota hain
û saptam sthan men sthit shukra par shubh grahon ki drishti ho, ya saptam sthan men sthit saptamesh par guru ki drishti ho, to 12 sal ki umra men vivah ho jata hai.
û dvitiyesh ekadash sthan men ho tatha surya dvitiya sthan men ho, to 13 varsh ki ayu men vivah ho jata hai.
û saptam sthan ka svami labh sthan men tatha lagnesh dasham sthan men hone par vyakti ka vivah 15 sal ki ayu ke lagabhag ho jata hai.
û chandrama se 7ven sthan men shukra tatha usse 7ven sthan men shani hone par 18ven varsh men vivah ho jata hai; basharte yogkarak grahon par pap grahon ki drishti n ho.
û saptamesh labh sthan men ho tatha shukra dhan sthan men ho, to 10, ya 16 sal ki umra men shadi ho jati hai.
û dhanesh 11ven sthan men ho tatha lagnesh 10ven sthan men ho, to 15 sal ki umra men vivah ho jata hai.
û dhanesh labh sthan men tatha labhesh dhan sthan men ho, to 13 varsh ki ayu men vivah hota hai. not: balyavastha men vivah ke uparyukt yogon ka vichar karte samay grahon ke bal tatha unapar pap prabhav ka vishesh dhyan rakhna chahie. karan yah hai ki pap prabhav se rahit aur balvan grah hi apna fal de pata hai. islie yadi uparyukt karak grah balhin ho, athva pap grah se yukt ho, ya pap grah se drisht ho, athva pap grah ke sath sthit ho, to yog hone par bhi balyavastha men vivah nahin ho pata hai. is sthiti men yog ke fal men bataye gaye varn men uske vivah ki charcha chalti hai, kintu vivah nahin ho pata hai. mangli yog hone par bhi bal vivah yog apna fal nahin de pata hai.
kya vivah uchit ayu men (samay se) hoga ?: 18 se 25 varsh ki ayu vivah ke lie uchit mani gayi hai. atah is ayu men vivah hone par uchit samay men vivah hona mana jata hai. is prakar uchit ayu men vivah hone ke kuch anubhut yog is prakar hain:
û jis vyakti ki kundli men balvan saptamesh, kisi shubh grah ke sath, lagn, dvitiya, saptam, ya ekadash sthan men ho, uska vivah uchit samay par ho jata hai.
û jis kundli men saptamesh balvan ho tatha shukra kendra, ya trikon men ho, to jatak ka vivah yathasamay ho jata hai.
û jiske janm kal men shukra dvitiya bhav men ho tatha labhesh labh sthan men ho, to uska vivah yathashighra ho jata hai.
û jiske janm samay pap prabhavrhit shukra chandrama se 7ven sthan men, mitra rashi men ho, uska vivah yathasamay hota hai.
û jiski kundli men shukra kanedra, ya trikon men ho tatha usse saptam men shani ho, to, kuch rukavton ke bavjud bhi, vivah yathasamay ho jata hai.
û balvan saptamesh, paravat adi shubh varg men hon tatha shukra lagn, dvitiya, saptam, ya ekadash sthan men ho, to vivah men badha nahin ati tatha uchit samay par vivah ho jata hai.
û vivah men vilanbkarak yog n ho tatha shubh grah lagn, ya saptam bhav ke samip, arthat bhav evan grah men ek rashi ya 300 se kam ka antar ho, to bhi yathasamay vivah ho jata hai.
û vivah men vilanbkarak yog n ho tatha saptamesh saptam sthan ke samip ho, to bhi vivah yathasamay ho jata hai. uparyukt yogon ka vichar karte samay lagn, saptam aur uske svami shukra tatha yogkarak grah, in sabke balabal ka vichar avashya kar lena chahie, kyonki nich rashigat, shatru rashigat, ya astagat grah apna fal yathasamay nahin de pata hai. aise grah ka fal kabhi-kabhi vilanb se milta hai aur kabhi-kabhi nahin milta hai. kya vivah men deri hogi ?: kabhi-kabhi vivah hone men kafi der ho jati hai. 36 varsh se 60 varsh ki ayu ke bhitar vivah hota hai. is ayu varg men sanpann vivahon ko vriddhavastha vivah ki shreni men rakhte hain. saptam bhav, saptamesh evan shukra nirbal hone par tatha inapar rahu, ya shani ka prabhav hone par vivah men kafi vilanb ho jata hai. kuch logon ka dusra, ya tisra vivah vriddhavastha men hota hain, kintu unke is vivah ko punarvivah mana jata hai tatha unka vichar punarvivah ke yogon ke adhar par kiya jata hai.
vriddhavastha men vivah ke yog ka ashay pahli bar vriddhavastha men vivah ke yog se hai. vriddhavastha, ya der se shadi ke yog is prakar se hain:
û yadi lagnesh, saptamesh evan shukra nirbal ho tatha sthir rashi men ho, kintu chandrama char rashi men ho, to vriddhavastha men vivah hota hai.
û lagn evan saptam men rahu tatha shani ho aur shukra nirbal ho, to vriddhavastha men vivah hota hai.
û saptam, saptamesh evan shukra balhin hon tatha inapar rahu evan shani ka prabhav ho, to vivah 50 varsh ke aspas hota hai.
û yadi ukt yog men gulik ka prabhav ho, to 60 sal ki ayu men vivah hota hai.
û saptamesh nich rashi men ho tatha shukra ashtam men ho, to vivah vriddhavastha men hota hai. is yog ke hone par yadi vivah jaldi ho bhi jae, to vivah ke bad shighra hi patni ki mrityu ho jati hai. vivah kis grah ki dasha men hoga ?: vivah hone ke yogon ke adhar par nirnit ayu men nimn likhit grahon men se kisi ki dasha, ya antardasha bhi a jae, to nishchit rup se vivah hota hai. vivahkarak dashaen nimn likhit mani gayi hain:
û saptamesh ki dasha, ya antardasha men vivah hota hai.
û shukra se yukt lagnesh, dvitiyesh, ya ekadshesh ki dasha, ya antardasha men vivah hota hai.
û shukra ki dasha, ya antardasha men vivah hota hai.
û dvitiyesh jis rashi men ho, us rashi ke svami ki dasha-antardasha men vivah hota hai.
û shukra jis rashi men ho, yadi us rashi ka svami trik sthan ka svami n ho, to uski dasha-antardasha men vivah hota hai.
û dashmesh evan ashtamesh ki dasha-antardasha men vivah hota hai.
û saptamesh ke sath koi grah ho, to uski dasha-antardasha men vivah hota hai.
û saptam sthan men sthit grah ki dasha-antardasha men vivah hota hai. gochar ke anusar jatak ka vivah kab hoga ?: vivah kal ka nirdharan karne men gochar paribhraman ka sahyog sarvadhik mahatvapurn mana jata hai. vivahkarak gochriya paribhraman ke samay vivah ka yog evan dasha n hone par bhi prem sanbandhon ki anek sanbhavnaen hoti hain. yadi is samay vivah ka yog bhi ho evan dasha bhi ho, to vivah nishchit rup se ho jata hai. vivahkarak dasha evan gochriya paribhraman ki paraspar tulna men gochriya paribhraman ko adhik faldayi mana gaya hai. gochar ke anusar nimn likhit sthitiyon men jatak ka vivah hota hai:
û lagnesh evan saptamesh, in donon grahon ko spasht kar, inki rashi evan kala adi ka yog kar lena chahie. is yogtulya rashi par jab gochriya bhraman se guru ata hai, tab jatak ka vivah hota hai.
û chandrama evan saptamesh, in donon ko spasht kar, inki rashi adi ka yog kar lena chahie. is yogtulya rashi ansh par gochriya guru ke ane par vivah hota hai.
û shukra se trikon men, ya lagn, athva saptam bhav men gochriya guru ke jane par vivah hota hai.
û saptamesh jis rashi evan navmansh men ho, un donon men se jo balvan ho, usse trikon men guru ane par vivah hota hai.
û janm lagn, tritiya, saptam evan ekadash bhav men gochriya kram se guru ke ane par vivah yogya avastha men ho jata hai. is prakar vivah ka samay ka nirnay karte samay, sarvapratham vivah men badhak yogon ka dhyan rakhte hue, yah nishchay karna chahie ki vyakti ka vivah kis avastha men hoga. balyavastha, yuvavastha, ya vriddhavastha men hoga, yah nirnay mukhyatah yogon ke adhar par hi karna chahie. iske pashchat us avastha men vivah ke karak ki dasha ka vichar karna chahie tatha ant men gochriya kram se guru ka sanchar dekh kar vivah ke samay ka nirdharan kar sakte hain. kya vivah safal hoga evan ek hi bar vivah hoga?ah jis vyakti ki kundli men nimn likhit yogon men se koi bhi ek yog ho, us vyakti ka jivan men keval ek bar hi vivah hota hai. ek bar vivah hone ke kuch pramukh yog is prakar hain:
û jiski kundli men saptam evan ashtam sthan men pap grah hon tatha barhven sthan men mangal ho, uska ek bar vivah hota hai.
û jiske janm kal men saptamesh apni uchch rashi men ho tatha shukra, shubh grah ke sath, kendra men ho, uska ek hi bar vivah hota hai.
û saptamesh, svarashi men, panchmesh ke sath ho tatha usapar kisi shubh grah ki drishti ho, to vyakti ki ek vivahit patni hoti hai.
û saptam sthan men shubh grah ho tatha guru, shukra ke sath, shubh sthan men ho, to vyakti ka ek hi bar vivah hota hai.
û saptam sthan men surya, ya mangal ka navansh hone par, athva saptam sthan men budh-surya hone par, ek bar vivah hota hai.
û dvitiya evan saptam bhav ke svami apni-apni nich rashi men hon tatha shubh grah kendra, ya trikon men hon, to ek bar vivah hota hai.
û saptam bhav men mangal, ya surya ke navansh men budh evan guru hon, to vyakti ka jivan men ek bar hi vivah hota hai.
û janmakundli men lagn se saptam sthan men budh ka navansh hone par, athva saptam sthan men guru ka navansh hone par bhi keval ek bar vivah hota hai.
û yadi ek balvan grah, saptamesh, ya dvitiyesh ke sath, trik sthanon ke alava anyatra baitha ho, to vyakti ki ek vivahit patni hi hoti hai. kya dusra vivah hoga ?: jis jatak ki kundli men, chahe vah stri ho, ya purush, nimn likhit yogon men se koi ek yog para ho, uske jivan men do vivah hote hain:
û saptamesh nich rashi men ho tatha saptam sthan men pap grah ho, to vyakti ka jivan men do bar vivah hota hai.
û saptamesh, ya dvitiyesh nirbal hon tatha unapar pap prabhav ho, to us vyakti ka vivah do bar hota hai. do patniyon ka yog do prakar se hota hai:
û dvibharya yog: is yog men utpann jatak pahli patni ki mrityu ke pashchat dusra vivah karta hai.
û jivit dvibharya yog: is yog men utpann jatak ek patni ke jivit rahte hue bhi dusra vivah kar leta hai. aisa prayah islam dharm men kiya jata hai. kya patni ki mrityu ke pashchat dusra vivah hoga?: is prakar ke kuch anubhut yog nimn likhit hain:
û lagnesh lagn men, dvitiyesh saptam men tatha saptamesh dvitiya bhav men hon, to is yog men utpann vyakti ki do vivahit patniyan hoti hain.
û ashtamesh lagn, ya saptam men ho, to is yog men utpann purush ki do patniyan hoti hain
û saptamesh pap grah ke sath tatha shukra shubh grah ke sath ho, to vyakti ki do vivahit patniyan hoti hain.
û saptamesh pap grahon ke sath char rashi men ho tatha us par grahon ki drishti ho, to is yog men utpann purush ki do striyan hoti hain.
û pap grahon ke sath shukra char rashi men ho tatha saptam sthan ke navansh par pap prabhav ho, to vyakti ki do patniyan hoti hain.
û surya evan budh ke sath shukra sthir rashi men ho tatha saptamesh pap grah ho, to is yog men janm lene vale purush ke do patniyan hoti hain.
û saptamesh shani ke sath ho, athva uska rahu ke sath sanbandh ho, to, is yog ke prabhavavash, vyakti ki do patniyan hoti hain. kya pahli patni ke rahte hue dusra vivah hoga?: ek patni ke jivit rahte hue dusre vivah ke yog nimn likhit hai:
û dvitiyesh evan saptamesh, ye donon grah shubh grahon se yut, ya drisht hon, to is yog men paida hone vale jatak ki do jivit patniyan hoti hain.
û saptam sthan men mangal, shukra, ya apni mitra rashi men chandrama tatha ashtam sthan men lagnesh hone par, is yog ke prabhavavash, vyakti ki do jivit patniyan hoti hain. kitne vivah sanbhav hain?: kisi vyakti ke tin, ya tin se adhik vivah yogon ko bahuvivah ke yogon ki shreni men mana jata hai. is prakar ke bahuvivah ke yog nimn likhit hain:
û lagn, dvitiya, ya saptam sthan men pap grah hon tatha saptamesh nich rashi men ho, to vyakti ke tin vivah hote hain.
û dvitiya, ya saptam sthan men pap grahon ki adhikta ho tatha uska svami bhi pap grah ke sath ho, to, patni ki mrityu, ya talak ke karan, manushya ke tin vivah hote hain.
û rahu evan mangal se yut, athva drisht shukra dvisvabhav rashi men ho, to is yog men utpann purush ke tin vivah hote hain.
û dvisvabhav rashi men mangal evan rahu ke sath shukra ho tatha usapar pap grahon ki drishti ho, to manushya ki char jivit patniyan hoti hain.
û panchmesh ke sath saptamesh labh sthan men ho tatha us par tritiyesh ki drishti ho, to is yog men utpann vyakti ki 5 patniyan hoti hain.
û uchch rashi, mitra rashi, ya svarashi men saptamesh kendra, ya trikon sthan men baitha ho tatha dvitiyesh aur dashmesh sath hon, to vyakti ke anek vivah hote hain.
û balvan chandrama evan shukra sath-sath hane, inse 7ven sthan men saptamesh ho, kintu vah trik sthan men n ho, to purush ki anek patniyan hoti hain.
û dhanesh evan vyayesh donon tritiya sthan men hon tatha unapar guru, ya navmesh ki drishti ho, to purush ke anek vivah hote hain.
û saptamesh evan labhesh trikon sthan men hon tatha donon balvan hon, to vyakti ke anek vivah hote hain.
û saptamesh evan labhesh sath-sath hon, ya ek dusre ko dekhte hon tatha saptam sthan men shukra ho, to manushya ke anek vivah hote hain. jatak ke vivah yog sanbandhi niyam:
û yadi janmapatrika men shukra svagrihi, ya kanya rashi men ho, to vivah yog banta hai.
û yadi janmapatrika men saptamesh lagnasth ho, ya saptamesh, shubh grah se yukt ho kar, labh sthan men sthit ho, to vivah yog banta hai.
û yadi janmapatrika men dvitiyesh aur saptamesh 1, 4, 5, 7, 9, 10 bhav men hon, to vivah yog banta hai.
û yadi janmapatrika men lagnesh lagnasth ho, ya saptam bhav men ho, saptamesh, ya lagnesh dvitiya bhav men ho, to vivah yog banta hai.
û yadi janmapatrika men mangal evan surya ke navansh men budh, guru gaye hon, ya saptam bhav men guru ka navansh ho, to vivah yog banta hai
û yadi janpatrika men saptam aur dvitiya bhav par shubh grahon ki drishti ho tatha dvitiyesh aur saptamesh shubh rashi men hon, to vivah yog banta hai.
û yadi janmapatrika men lagnesh karm sthan men ho aur balvan budh se yukt ho tatha saptamesh aur chandrama tritiya bhav men hon, to vivah yog banta hai.
û yadi janmapitraka men guru apne mitra ke navansh men ho, to vivah yog banta hai.
û janmapatrika men saptam bhav men chandrama, ya shukra, athva donon ke rahne se vivah yog banta hai.
ûyajanmapatrika men saptam bhav men shubh grah ho, ya saptamesh, shubh grah se yukt ho kar, 2, ya 7, ya 8 men ho, to vivah yog banta hai.
û yadi janmapatrika men ashtamesh pahle, ya satven bhav men ho tatha lagnesh lagn men ho, ya chathe bhav men ho, saptamesh shubh grah se yukt, ya nich rashi men gaya ho evan shukra nich, shatru aur astagat rashi ka ho, to vivah ka yog banta hai. balyavastha men vivah sanbandhi niyam:
û yadi janmapatrika men lagn se saptam bhav men shubh grah samip rashiyon men ho, to balyavastha men vivah hota hai.
û yadi janmapatrika men lagn, dvitiya evan saptam sthan shubh grah se yukt hon evan shubh grah ke varg men hon aur lagnesh, dvitiyesh, saptamesh bhi shubh grah se drisht, ya yukt hon, to balyavastha men vivah hota hai.
û yadi janmakundli men saptamesh parvtanshadi men ho, dvitiyesh bali ho aur lagnesh mridvanshak men ho, to balyavastha men vivah hota hai.
vivah ki ayu ke nirdharan sanbandhi niyam:
û saptamesh shubh grah ki rashi men ho, shukra svagrahi, ya uchch rashi men ho, to 5ven, ya 9ven varsh men vivah ka yog hota hai.
û saptam bhav men surya ho aur saptamesh shukra ke sath ho, to prayah 7ven, ya 11ven varsh men vivah ka yog hota hai.
û shukra dvitiya bhav men aur saptamesh 11ven men ho, to 10ven, ya 16ven varsh men vivah ka yog hota hai.
û shukra lagn se kanedra men ho, lagnesh shani ki rashi men ho, to 11ven varsh men vivah ka yog hota hai.
û lagn se kendra men shukra aur shukra se 7ven men shani ho, to 12ven, ya 19ven varsh men vivah ka yog hota hai.
û chandrama se 7ven shukra aur shukra se 7ven men shani ho, to 18ven varsh men vivah ka yog hota hai.
û dvitiyesh 11ven aur lagnesh 10ven men ho, to 15ven varsh men vivah hota hai.
û dvitiyesh 11ven bhav men aur labhesh dvitiya bhav men ho, to 13ven varsh men vivah ka yog hota hai.
û ashtam bhav se 7ven shukra aur ashtamesh mangal se yukt ho, to 22ven, ya 27ven varsh men vivah hota hai.
û lagnesh yadi saptamesh ke navmansh men ho aur saptamesh 12ven bhav men ho, to 23ven, ya 26ven varsh men vivah hota hai.
û yadi ashtamesh saptam bhav men, lagn ke navmansh men, shukra se yut ho, to 25, ya 33 varsh men vivah hota hai.
û navam bhav se 9ven men shukra ho, un donon men se kisi ek men rahu ho, to 31, ya 33 varsh men vivah hota hai.
û bhagya bhav se 7ven shukra aur shukra se 7 ven saptamesh ho, to 30, ya 27 varsh men vivah hota hai. stri maran samay vichar:
û saptamesh nich men aur shukra 6, 8ven bhav men ho, to vivah se 18ven, ya 33ven varsh men stri ka nash hota hai.
û saptamesh ashtam men aur dvadshesh 7ven ho, to vivah se 19ven varsh men stri ka nash hota hai.
û dvitiya bhav men rahu, saptam men mangal ho, to vivah ke din, ya tisre din men vish se stri ki mrityu hoti hai.
û athven sthan men shukra aur ashtamesh shani ki rashi men ho, to 12ven, ya 19ven varsh men stri ka nash hota hai.
û lagnesh nich rashi men aur dvitiyesh ashtam men ho, to 13 varsh men stri ka maran hota hai.
û yadi shukra se saptam chandrama aur chandra se saptam men budh, ashtamesh pancham bhav men ho, to us jatak ka pratham vivah 10 varsh men, dusra 22ven varsh men aur tisra 33 varsh men hota hai. is prakar tin vivah yog hota hai, ismen sandeh nahin hai.
û chathe bhav men mangal, saptam men rahu, ashtam men shani ho, to jatak ki stri mar jati hai. saptam bhav se sanbandhit fal vichar:
û yadi saptamesh apni rashi, ya uchch men ho, to us jatak ke lie stri ka sukh purn hota hai.
û saptamesh yadi chathe, athven, barhven sthan men ho, to uski stri rogi hoti hai. parantu saptamesh yadi apni uchch rashi men, ya svagrihi ho to dosh nahin hota hai.
û kahin bhi saptamesh pap grahon se yukt ho, to stri mrityu ka karak hoti hai.
û saptam bhav men shukra ho, to jatak ati kamatur hota hai.
û saptamesh shubh grah se yukt aur balvan ho, to jatak dhani, mani aur sukhi hota hai. iske viprit yadi saptamesh nich, ya shatru rashi men ho, to jatak ki stri rogi hoti hai aur uski bahut si striyan hoti hain.
û saptamesh shani, ya shukra ki rashi men ho, usapar shubh grah ki drishti ho, to jatak bahut striyon vala hota hai. yadi saptamesh apne uchch men ho, to nishchay hi bahut si striyon vala hota hai.
û saptam bhav men surya ho, to stri bandhya hoti hai. saptam bhav men chandrama ho, to patni rashi ke svabhav sadrish svabhav vali hoti hai. saptam bhav men mangal ho, to rajasvala aur bandhya stri ka sang hota hai. guru saptam bhav men ho, to brahmani, garbhini ka sang hota hai. shani, rahu, ya ketu saptam bhav men ho, to nich jati, ya rajasvala ka sang hota hai.
û yadi barhven, satven bhav men pap grah, panchvanen men pap grah ho, to jatak stri ke bas men hota hai.
û saptam bhav, ya saptamesh mangal, budh ho, to stri veshya, ya parpurushgamini hoti hai.
û saptamesh apne uchch men ho, saptam men shubh grah ho, lagnesh, bali ho kar, saptam men ho, to uski stri sab sadgunon se sanpann, putra-pautradi se yukt hoti hai.
û saptam bhav, ya saptamesh pap grah se yukt ho tatha nirbal ho, to stri ka nash hota hai.
û saptamesh, nirbal ho kar, 6, 8, 12 bhav, ya nich bhav men ho, to bhi stri ka nash hota hai.
û saptam bhav men chandrama aur saptamesh 12 ven bhav men ho, strikarak nirbal ho, to us manushya ko stri ka sukh nahin milta hai.
û saptamesh, apne nich, ya pap grah ki rashi men, pap se yukt ho, saptam bhav men budh-shani ka navmansh ho, to jatak ki do striyan hoti hain.
û saptam sthan men mangal, shukra, shani hon, lagnesh ashtam bhav men ho, to tin striyan hoti hain.
û shukra dvisvabhav rashi men ho, us dvisvabhav ka svami uchch saptamesh bali ho, to jatak kai striyon vala hota hai.
û lagnesh yadi lagn men ho, to jatak hrishta-pusht sharir vala, parakrami, manasvi, ati chanchal, do striyon vala, ya anya stri ko rakhne vala hota hai.
û lagnesh dvitiya bhav men ho, to jatak dhani, sukhi, sushil, vidvan aur bahut si striyon vala hota hai.
û dhanesh labh bhav men ho aur labhesh dhan bhav men ho, to vivah hone ke bad bhagyoday hota hai.
û lagnesh tritiya bhav men ho, to sinh ke saman parakrami, sab sanpatti se yukt, do striyon vala, buddhiman aur sukhi hota hai.
û lagnadhish 7 ven bhav men ho aur yadi vah pap grah ho, to stri ka nash hota hai.
û lagnesh yadi ashtam bhav men ho, to jatak parastrigami hota hai.
û dvitiyesh yadi ashtam bhav men ho, to use alp stri sukh ki prapti hoti hai.
û dvitiyesh yadi dasham bhav men ho, to jatak bahut striyon vala hota hai.
û tritiyesh chaturth bhav men ho, to jatak dusht stri ka pati hota hai.
û tritiyesh panchve bhav men pap grah se yukt ho, to jatak dusht stri ka pati hota hai.
û tritiyesh navam bhav men ho, to jatak stri ke dvara bhagyoday pane vala aur putradi se yukt hota hai.
û tritiyesh dasham bhav men ho, to jatak dusht striyon ko palne vala hota hai.
û tritiyesh yadi 12 ven bhav men ho, to jatak ka bhagyoday stri ke dvara hota hai.