margashirsh purnima vrat(21 disanbar 2010 ) pan. brajkishor sharma brajvasi yah vrat marg shirsh mas ki uday vyapini purnima tithi men kiya jata hai. is din sanpurn praniyon ko ashray pradan karne vale, trailokya vandit v pujit shankh, chakra, gada, padmadhari shri hari, paramadhyey nilotpaladalashyam, pitambaradhari, sanpurn manorthon ko purn karne vale, bhakt, pranadhan, jivan mrityu rupi duahkhon ka nivaran karne vale parabrahm parmatma shriman narayan ka pujan kiya jata hai.
is din arunoday bela men jagakar nitya naimittik karmon ko purnakar kisi vidvan brahman ki sannidhyata men ya svayan hi ganesh gauri navagrahadi devtaon v pradhan dev jagat niyanta, utpatti sthiti-sanhar ke svami, bina karan hi dinon par kripa karne vale, jiv matra ke hriday men sthit, nrisinh rup dharan kar bhakt prahlad par kripa karne vale, jagat janni maharani lakshmiji ke praneshvar bhagvan narayan ka panchbhut v panchmhabhuton ki shuddhi prakriya dvara vidhivat sankalp svastivachan v punyahvachan krityon ka sanpadan karte hue sabhi devon ka pujan, punah bhagvan sheshshayi narayan ka vaidik mantron ya 'un namo naraynay' mantra se shvet vastron ko dharan kar shodshopchar pujan karen.
bhagvan ke sinhasan ke sanmukh hi yagya vedi ka nirman purva men hi kar len aur shvet til, ghi-bura adi ki vishnu sahastranamavli, purush sukt, shri sukt navagrahadi mantron se yagyasvarup bhagvan ke lie agni sthapanakar ahuti pradan karen. yagyaoprant punah gyan-vairagya bhakti svarup, karm rashi ke nashakartta, dev-rishi-pitri rin se mukti dilane vale, shrikrishnavtar men mata yashoda ke prem rupi bandhan men bandh jane vale, achintya mahashakti yogmaya ka avlanban le brajgopiyon ko maharas ka asim sukh pradan karne vale vaikunthvasi bhagvan narayan ka pujan kar apna vrat pujan unke arpan karen aur kahen.
paurnamasyan niraharah sthita dev tavagyaya. mokshyami pundarikaksh pare'hni sharnan bhav॥ arthat he dev pundarikaksh ! main purnima ko nirahar vrat rakhakar dusre din apke pujnoprant brahmanon ko bhojnadi padarthon se triptakar, vastrabhushanadakshinadi se santushtakar, sanand vidakar apki agya ko shirodharya kar hi bhojan grahan karunga. ap mujhe apni shakti v sharan pradanakar is vrat ko sanand purn karne ki kshamata pradan karen. is prakar bhagvan ko vrat samarpit kar 'un namo narayn' mantra ka jap, shrisukta-purush sukta-vishnu sahastranam tatha vishnu puran men varnit bhagvan narayan ke divya lila charitron ka pathn-pathan, chintn-smaran karte hue, sayankal ko chandrama ke uday hone par donon ghutne prithvi par tikakar shvet varn ke pushp, akshat, safed chandan v jaladi sahit arghya pradan karen.
arghya dete samay apni amritmyi kirnon se jivmatra ko anand pradan karne vale, navagrahon men sushobhit tatha shitlta ki nidhi chandradev se vinyanavat vishuddh bhav se kahen - he bhagvan ! rohinipte ! apka janm atrikul men hua hai, kshir sagar se prakatya hai, ratri vela men shram se thakit jivon men pran vayu ka sanchar karne vale hain, ap mere dvara die hue arghya ko prempurvak svikar karen aur mujh agyani v sansarik vishyon men asakt jiv ka kalyan karen. is sukhad bela men un shran shrin shraun sah chandramse namah' - mantra ka adhikadhik jap tatha 'chandra'shtavinshti namastotram' ka path bhi karen, tadoprant chandra devta ko pranamakar hath jorakar prarthana karen.
he bhagavan . ap shvet dhaval kirnon se shobhayman hote hain, apko namaskar hai. ap dvijon ke raja hain, apko pranam hai. ap rahini ke pati hain, apko vandan hai. ap lakshmi ke bhai hain. apko koti-koti pranam hai. is prakar ved bhi neti-neti kahakar jinka gayan karte hain, un sarveshvar, sarvadhishthan, raja bali par apni ahaituki kripa barsane vale, devtaon ke karya sadhan ke nimitt 'vamn' rup dharan karne vale, mahabharat yuddh men arjun v tin pag prithvi ki yachna men raja bali ko apne virat rup se krit-krit karne vale shri hari narayan ke samaksh hari sankirtan karte hue ratri jagaran karen tatha suryoday bela men snanadi kriyaon se nivritt ho sanklit vachnon ka palanakar vrat ko purn karen.
is prakar jo is vrat ka palan karte hain, ve putra-pautradi ke sath asim anand ko prapt hote hain, advitiya sukh ko bhogte hain, sanpurn papon se mukt ho jate hain aur apni das pirhiyon ke sath svargalok ko padarpan karte hain. jivan ke charon purusharth (dharma-artha-kam-moksha) siddh ho jate hain. bhagvan narayan ki prasannata v unki kripa prapti ka yah divya vrat hai, jo vrati ke jivan ko divyataon se paripurn kar deta hai.
marg shirsh mas ki uday vyapini purnima tithi men sanpurn praniyon ko ashray pradan karne vale, trailokya vandit v pujit shankh, chakra, gada, padmadhari shri hari, paramadhyey nilotpaladalashyam, pitambaradhari, sanpurn manorthon ko purn karne vale, bhakt, pranadhan, jivan mrityu rupi duahkhon ka nivaran karne vale paranbrahm parmatma shriman narayan ka pujan kiya jata hai. jo vyakti margashirsh purnima vrat ka palan karte hain, ve putra-pautradi ke sath asim anand ko prapt hote hain, advitiya sukh ko bhogte hain, sanpurn papon se mukt ho jate hain aur apni das pirhiyon ke sath svargalok ko padarpan karte hain.