mantra-shastra: vishleshan, siddhi evan upasna dae. bhagvan sahay shrivastav si bhi devta ke nam aksharon ke pahle ‘‘om’’ aur piche ‘‘namah’’ laga dene se us devta ka mantra ban jata hai. jaise om ganptye namah, om namah shivay, om vishnev namah ityadi.
gosvami tulsidas ji ne ramchritmanas men vistarpurvak bataya hai ki mantra dikhne men bahut chota. kintu prabhav men bara hota hai. vartaman samay men bhi mantron ka jap karne vale sarp ya bichchu ke kate hue sthan ka vish jharakar dur karte hain. mantra, tirth, brahman, devta, jyotishi, aushdhi aur guru men jiski jaisi bhavna hoti hai use vaisi hi siddhi prapt hoti hai.‘‘mantra’’ shabd se prerit shabd athva shabd samuh ko kahte hain jiska uchcharan ek nishchit lay men karne par vishesh dhvani kanpan vatavaran men utpann hota hai.
islie shastron men kaha gaya hai ki mantra punarbhavati pathit siddha: arthat jo pathan karne se siddh ho vah mantra hai. astik aur bhavuk varg un par vishvas to avashya karta hai kintu tadviyak sadharan siddhanton ko samajh lene ka prayas nahin karta hai. mantra shastra ka vishay gahan aur jatil hai. uske sanbandh men yahan tak likha gaya hai ki ‘‘etad gohyan mahagodhyan n deyan chasya kasyachite tathapi’’.
is vishay ki jo vivechna shastra men ki gai haie vah supasht v sugrahya hai. bhartiya vanmay men mantra vidya ko bahut uncha sthan diya gaya hai. vaidik sahitya aur bauddh sahitya men is vishay par kaha gaya hai ki jiska jap athva chintan karne se apni arhata ke sath anusandhan ho arthat antarman par prabhav ho aur uske dvara atma men sfutan hone lage tatha jiska antim parinam janma-maran ke bandhnon se mukt ho vahi mantra hai. mantra sadhna kis marg dvara karna chahie arthat mantra kis marg dvara siddh ho sakta hai yah pahle jan lena chahie. is sanbandh men mantra shastra men tin margo ka ullekh hai, jo ‘‘dakshin’’ ‘‘vam’’ aur ‘‘mishra’’ kahlate hain.
satvik devta ki satvik upasna mantra aur satvik samagri dvara karne ka jo marg hai use dakshin marg ya satvik marg kahte hain. madira, mans, min, bharav aur mahila adi panch vastuon se yukt bhairav, bhairvi adi vamas prakriti ke devi devtaon ki sadhna aur upasna jis marg dvara ho.
jaise jis marg men min, madira, mans adi padarthon ko pratyaksh rup men n grahan kar unke pratinidhiyon se isht ki sadhna karte hain. use mishra marg kahte hain. par sadhna ke vastav men dakshin aur vam do hi marg hain. vam marg prayah tantra shastra ka vishay hai. vammargi prayah bhairav aur kali adi devi devon ke upasak hote hain. nau nathon ko guru mante hain. guru charan paduka, shri chakra tatha bhairvi chakra ki puja karte hain.
parantu mantra shastra ke vishay men itna kahna avashyak hai ki vammarg ka prabhav mishra marg par to para hi hai, dakshin marg par bhi iska kuch n kuch prabhav avashya para hai. tabhi se dakshin marg vale bhi tamas prakriti ke devtaon ki aradhna karne lag gae. purushakriti ki atmashakti hi sachchi shakti hai.
atah atm tatva par vishvas rakhakar uske prabhav ko janakar mantra sadhna karne vale dakshin marg ko bhi shakti kaha ja sakta hai. vam marg ka bal adhik barh jane se hi satvik mantron aur satvik devtaon ka bhartiyon dva ara siddh hona duahsadhya ho gaya.
mantra jap men shabdon ki urja aur bhavna shakti ke paraspar milan se prabhav utpann hota hai. shabd athva dhvani ki anuprasth evan anudaighrya tarangon ka sharir men pravahit vidyut ki gatirodh gamini tarangon ke sath jab milan ho jata hai to mantra jagrit aur siddh ho jata hai. mantra ko satat japne se yahi sthiti ati hai. jis prakar sangit men vibhinn rag raginiyan hain aur unka prabhav manav mastishk tatha sharir ke vibhinn bhagon par vatavaran se hota hai usi prakar layabaddh mantrochcharan dvara vishisht gati utpann karta hai tatha uski atmashakti men vikas hota hai.
kisi mantra ke shabd athva akshar ko badalakar bolne se atmashakti utpann nahin hoti evan us mantra ka jap nishfal rahta hai. mantra ke uchcharan ki shuddhi ke bina mantra ka jap karna nirarthak hota hai. vedon men mantra ko sarvochch satta evan brahm ke saman mante hue niruktakar chask muni ne likha hai ‘‘rishiyon mantra drashtarah’’.
vedon ke anusar rishi mantra drashta hote hain karta nahin. ved mantron ko kisi ne banaya nahin hai. yah prabhu prerit vani avikal rup se srishti ke adikal men divya rishiyon ke vishuddh antah karan se prakat hui. shrut rishiyon ne is shrirati ka guru shishya ki maukhik paranpra se sakshatkar kiya, unko jana, samjha aur uska prachar kiya. pranav mantra ‘om’ ko vishva brahmand ka sukshm pratirup kaha jata hai. mantron ke adigranth rigved men sarvadhik manyata isi om ko di gai hai. maharshi arvind ne apni pustak men likha hai ki ¬ ishvar ka pratik hai. om ki sahayta se hi ishvar sakshatkar kiye ja sakte hain.’’ isi prakar patanjli yog sutra men satya vachkah pranvah us ishvar ka vachak pranav onkar hai, isliye isko ishvar mantra kahte hain.
vigyan ke anusar pratyek shabd se vatavaran men kanpan utpann hota hai tatha ye kanpan yugon-yugon tak tarangon ke rup men bane rahte hain. atah mantra ka prabhav pas baithe vyakti ke chitt par hi nahin apitu hajaron mil dur baithe vyakti par bhi parta hai. aj ka rediyo vayumandal men samahit dhvaniyon ko pakrne ka ek sashakt sadhan hai, apni yantrik rachna ke adhar par vah hajaron mil dur bole gae shabdon ko tatkshan pakarakar hamen suna deta hai.
vayumandal men dhvani ke astitva evan uski gatishilta ka yah prabal praman hai. pratyaksh ya apratyaksh rup se ham mantra ki shakti ya chamatkar se jure hote hain.
mantra-siddhiah upasna vidhi ah kai manushya apni svarth siddhi ke lie devtaon ko vashibhut karne ka prayatn karte hain. inmen se adhikansh vikshipt ho jate hain. jo log dhan pratishtha athva age-piche ki baten janne ke lie devtaon ka anushthan karte hain, jo sansarik seva unse lene ko ichchuk hote hain unko devta kathinta se siddh ho pate hain.
vah koi n koi aisa vighn dalte hain ki jisse vah kriya bhrasht ho jati hai. nishkam bhav se parmarth ke lie jo devtaon ka bhajan kiya jata hai, vah avashya safal hota hai aur aisa karne valon par devtaon ki kripa avashya hoti hai.
hinduon men durga, hanuman aur bhairav ye tinon bahut hi ugra mane jate hain magar fir bhi siddhiyon ke ichchuk inhin ke piche parte hain. anek sadhak bhairav ke anushthan men pathabhrasht ho jane se pagal ho jate hain. dekhne men aya hai ki pathabhrasht hone ke karan hanuman ji ko siddh karne vale anek logon ka dimag kharab ho chuka hai.
vahin anek log devi ko vash men rakhne ki cheshta karne par vikshipt hote bhi dekhe gae hain. adi shakti bhagvti jagdanba se lekar chote se chote devta bina bulae sachche sadhak ke sammukh ate hanai aur us par kripa karte hain. jar ko pakren, jar ko jal charhaen, brahmandrupi vriksh sab hara bhara ho jaega aur ap uska amrit fal khakar amar ban sakenge. magar yah bat yad rakhne ki hai ki mantrochcharan apvitra ashuddh sthan men karna uchit nahin.
aisa karne par sadhna safal nahin hoti. apvitra sharir aur vastra valon ke pas aur bure, nich vicharon vale, ashuddh hriday rakhne valon ke samip dev atmaen nahin atin. sthan, sharir vastra, asan aur hriday adi jahan shuddh rahte hain vahin bhagvti jagdanba padharti hain. mantra bhagvan ke bhi hain aur devtaon ke bhi. jo log mantron dva ara devtaon ki upasna karte hain aur uske dvara kisi laukik karya ko pura karna chahte hain unhin ki gati kharab hoti hai.
kintu bhagvan ki or chalne vale, unke mantron ke anushthan karne vale, unhen lakhon hi nahin karoron ki tadad men japne vale kabhi asafal nahin hote. bhagvan to dayalu hain. vah to ham sab par putravat sneh rakhne vale hain. gayatri, om namo bhagvte vasud. evay, ityadi bhagvan ke hi mantra hain.
inmen se kisi ka jitna chahen, jis avastha men chahen jap karen. isse kabhi koi hani nahin balki labh hi labh hote hanai. matribhav v sakha bhav se bhajne se koi anisht nahin hoga. sabhi shaktiyan mil jaengi, sabhi devta vashibhut ho jaenge. sare karya siddh honge, lok aur parlok donon banenge.
upasna: sansar ki pratyek vastu ko vishva janni prakriti mata ne do bhagon men banta hai- ek nam aur dusra rup. nam ko hi shabd kahte hain. mantra ka jap, uske shabdon ka uchcharan chahe bahri ho ya antrik, karm ki hi shreni men ata hai. yadyapi uchcharan ka bhi ek prabhav hota hai. vah akash men kanpan utpann karke bare-bare kam kar sakta hai. parantu usmen parishram aur samay bahut chahie.
ek bat yah bhi hai ki jab tak man indriyon ke sath n ho tab tak koi kam pura nahin hota. jap anushthan bahut hi kathin hai. ek ghante tak agar jap kiya jae to man bhi lagatar ek ghante usi or rahe, kahin dusri jagah n jae. dusre vichar ate hi jap ka prabhav nasht ho jata hai kyonki pratyek karm ke kuch niyam hote hain.
yadi unka purn riti se palan n kiya jae to kriya bhrasht ho jati hai. mantra siddhi ka dusra upay mantra upasna hai. sharir apvitra hone aur mantra ka ashuddh uchcharan karne par bhi bhavpurn upasna shighra falvti hoti hai kyonki yah keval man ka sadhan hai. ismen sharir se nata torakar upasna ki or chalna parta hai, bahri jagat men kuch bhi ho raha hai usse koi sarokar nahin rahta.
sharir pavitra aur apvitra kisi bhi dasha men para ho, man to antarjan men vichrta hai. apni sari shaktiyon ko ek hi kendra par sthapit kar dusre vicharon se, dusre karmon se apne ko alag kar leta hai. tanmayata se manmay ho jane ko hi upasna kahte hain.
vidhi: pratah kal, sanykal aur ratri men sabke so jane ke pashchat ekant men baithen. sthan ya to basti se bahar ramnik nadi tat ho jahan dusre log snanadi n kar rahe hon, ya apne hi ghar ki koi kothri ho jo lipi puti saf ho, usmen puja ki samagri ke atirikt koi dusra saman n ho, sugandhi sulag rahi ho, usmen n to koi ae n jae aur n usmen koi vyavharik karya ho.
asan par baithakar adhe ghante se ek ghante tak tak roj aisa dhyan karen ki jis mantra ko ap siddh karna chahte hain vah sunhre prakash se apke hriday ke andar likha hua hai. ji chahe to man hi man uska uchcharan bhi karte jaen, agar n chahe, to khali dekhte rahen. drishti lakshya ko n chorne pae, man use chorakar bahar vichrne n pae.
aisa lagatar trikal karte jaen. ek mahine pashchat apko malum padega ki mantra ke akshar mitte ja rahe hain aur ek divya prakash kabhi-kabhi sammukh a raha hai.
if you are facing any type of problems in your life you can consult with astrologer in delhi