vayumandal men vyapt adrishya shaktiyon ke dushprabhav se grast logon ka jivan dubhar ho jata hai. pratyaksh rup se dikhai n dene ke falasvarup kisi chikitsakiya upay se inse mukti sanbhav nahin hoti. aise men bhartiya jyotish tatha anya dharm granthon men varnit mantron evan yantron ke prayog sahayak siddh ho sakte hain. yahan kuch aise hi pramukh evan ati prabhavshali mantron tatha yantron ke prayogon ke fal aur vidhi ka vivaran prastut hai. ye prayog sahaj aur saral hain, jinhen apna kar samanya jan bhi un adrishya shaktiyon se mukti prapt kar sakte hain. gayatri mantra: gayatri mantra vedokt mahamantra hai, jiske nishthapurvak jap aur prayog se pret tatha upri badhaon, najar doshon adi se mukti prapt ki ja sakti hai. niyamit rup se gayatri mantra ka jap karne valon ko ye shaktiyan kabhi nahin satati. unhen kabhi daravne sapne bhi nahin ate. gayatri mantra se abhimantrit jal se abhishek karne se athva gayatri mantra se kie gae havan ki bhasm dharan karne se pirit vyakti ko pret badhaon, upri havaon, najar doshon adi se mukti mil jati hai. is mahamantra ka akhand prayog kabhi nishfal nahin hota. mantra: ¬ bhurbhuvah svah tatsaviturvarenyan bhargodevasya dhimhi dhiyo yonah prachodyat.
prayog vidhi
û gayatri mantra ka sava lakh jap kar pipal, pakar, gular ya vat ki lakri se uska dashansh havan karen, upri havaon se mukti milegi.
û sone, chandi ya tanbe ke kalash ko sutra se veshtit karen aur retyukt sthan par rakhakar use gayatri mantra parhte hue jal se purit karen. fir usmen mantron ka jap karte hue sabhi tirthon ka avahan karke ilaychi, chandan, kapur, jayafal, gulab, malti ke pushp, bilvapatra, vishnukanta, sahdevi, vanaushdhiyan, dhan, jau, til, sarson tatha pipal, gular, pakar v vat adi vrikshon ke pallav aur 27 kush dal den. iske bad us kalash men bhare hue jal ko gayatri mantra se ek hajar bar abhimantrit karen. is abhimantrit jal ko bhuta badha, najar dosh adi se pirit vyakti ke upar chirakar use khilaen, vah shighra svasth ho jaega. is prayog se paishachik upadrav bhi shant ho jate hain.
û jo ghar upri badhaon aur najar doshon se prabhavit ho, usmen gayatri mantra ka sava lakh jap karke til, ghrit adi se uska dashansh havan karen. fir us havan sthal par ek chatushkoni mandal banaen aur ek trishul ko gayatri mantra se ek hajar bar abhimantrit karke upadravon aur upadravkari shaktiyon ke shaman ki kamna karte hue uske bich gar den.
û kisi shubh muhurt men anar ki kalam aur ashtagandh ki syahi se bhojapatra par niche chitrankit yantra ki rachna karen. fir ise gayatri mantra se abhimantrit kar guggul ki dhup den aur vidhivat pujan kar upri badha ya najrdosh se pirit vyakti ke gale men bandh den, vah doshmukt ho jaega. jin vyaktiyon ne gayatri mantra ka purashcharan nahin kiya ho, unhen yah prayog karne se pahle is mantra ka ek bar vidhivat purashcharan avashya kar lena chahie. amogh hanumt-mantra: upri badhaon aur najar dosh ke shaman ke lie nimnokt hanuman mantra ka jap karna chahie. ¬ ain hrin shrin hran hrin hrun hrain hraun hrin ¬ namo bhagvtemhabal parakramay bhut-pret-pishach-shakini dakini- yakshini-putna mari mahamari yaksha-rakshas bhairv-vetal grah rakshasadikam kshanen han han bhanjay maray maray shikshay shikshay mahamareshvar rudravtar hun fat svaha.
is mantra ko dipavli ki ratri, navratra athva kisi anya shubh muhurt men ya grahan ke samay hanuman ji ke kisi purane siddh mandir men brahmacharya purvak rudraksh ki mala par das hajar bar jap kar uska dashansh havan karke siddh kar lena chahie taki kabhi bhi avasar parne par iska prayog kiya ja sake. siddh mantra se abhimantrit jal pret badha ya najar dosh se grast vyakti ko pilane tatha isse abhimantrit bhasm uske mastak par lagane se vah in doshon se mukt ho jata hai. ukt siddh mantra se ek kil ko 1008 bar abhimantrit kar use bhut-preton ke prakop tatha najar doshon se pirit makan men gar dene se vah makan kilit ho jata hai tatha vahan fir kabhi kisi prakar ka paishachik athva najar doshajanya upadrav nahin hota.
bhut-preta badha nashak yantra
û is yantra ko siddh karne hetu ise surya grahan, chandra grahan athva dipavli ki ratri men anar ki kalam tatha ashtagandh se bhojapatra par 34 bar likhakar aur dhup-dip dekar kisi nadi men pravahit karen. tatpashchat is yantra ko punah likhakar vidhivat pujan kar apne pas rakhen, har prakar ki pret badha se raksha hogi. is yantra ko siddh karne ki ek aur vidhi hai. shanivar ko dhobi ghat par pashchim disha ki or mukh karke ise 108 bar likhakar tatha dhup-dip dikhakar bahte hue pani men pravahit kar den. fir ise bhojapatra par likhakar pret badha ya najar dosh se grast vyakti ko gale men dharan karaen, vah doshmukt ho jaega.
û niche ankit yantra ko pratah kal 5 se 8 baje ke bich anar ki kalam tatha safed aur lal chandan, kesar, kunkum, kapur, kasturi, agar tatha tagar ki ashtagandh se bhojapatra par likhakar dhup, dip adi se uski puja karen aur tadnantar apne ghar ke samne kam se kam ek hath gahre gaddhe men gar den. dhyan rakhen, jis sthan par yantra garen, vah kabhi apvitra n ho. yah kriya nishthapurvak karen, ghar ki bhut-pret, najar dosh adi se raksha hogi. yadi yah sanbhav n ho, to yantra ko siddh karke apne ghar ke pravesh dvar ki chaikhat ke upri bhag men jar den tatha uski niyamit rup se dhupdip dekar puja karte rahen. is yantra ke prabhav se kabhi bhi koi pret badha ghar men pravesh nahin kar sakegi aur n hi us par kisi najar dosh ka prabhav hoga. islami yantra: is islami yantra ko kisi parva ke avasar par siddh kar len. fir jafran (kesr) ki syahi banakar safed kagaj ya bhojapatra par iski rachna karen tatha dhup, dip, ful, naivedya se uski puja kar loban ki dhuni den. tatpashchat use tanbe ke tavij men bharakar aur kale dhage men pirokar pretadi badha ya najar dosh se pirit vyakti ke gale men dharan karaen, use bhut-pret badhaon, najar dosh adi se mukti milegi.
is tarah, ukt mantron aur yantron ke atirikt aur bhi anekanek mantra aur yantra hain jinka anushthan kar najar doshon tatha upri badhaon se mukti prapt ki ja sakti hai. inke atirikt shrimad bhagavad gita men bhi najar doshon se mukti ka upay bataya gaya hai. granth ke gyarhven adhyay ka 36van shlok is sandarbh men drashtavya hai. sthane hrishikesh tav prakitrya jagatprahrishyatyanurajyate ch. rakshansi bhitani disho dravanti sarve namasyanti ch siddhasanghaah. is mantra ko janmashtami, shardiya purnima, dipavli ya vaishakhi purnima ki ratri men pavitratapurvak asan par baithakar 3000 bar jap kar siddh kar lena chahie tatpashchat avashyakta parne par kami bhi iska prayog kiya ja sakta hai. prayog - yah upay bhut-pretajanya badhaon se pirit vyakti ko unse mukti ke lie karna chahie. mitti ke ek shuddh patra athva tanbe ke bartan men gangajal athva kuen ka jal use ukt siddh mantra se 7 bar abhimantrit kar len aur usmen apne daen hath ki tarjani ungli ko firakar usmen thora sa jal pirit ko pila den aur shesh jal ko uske sharir par tatha uske rahne ke kamre men chirak den. yah kriya niyamit rup se subah aur sham tab tak karte rahen, jab tak pretbadha dur n ho jae.