lal kitab men manglik dosh pan. krishn mohan tivari lal kitab ke anusar mangal ko sher bataya gaya hai tatha mangal kisi bhi bhav men akela ho, to jatak bakriyon men palne vale sher ki tarah hota hai. yadi janmakundli men surya-budh ki yuti ho, to mangal ka fal prayah shubh hota hai. parantu surya-shani ki yuti hone par mangal ashubh hota dekha gaya hai. mangal par rahu ki drishti tatha mangal ke sath budh ki yuti bhi mangal ke prabhav men ashubhta utpann karti hai. bhavanusar manglik dosh ki vivechna lagnasth mangal tejasvi, krodhi pravritti, durghatana, hathvadita tatha vaicharik astavyastata ko darshata hai tatha is sthiti men 4, 7 tatha 8 bhavon par drishti ke karan sharirik sthiti, ghar, sanpatti tatha ayu adi ko prabhavit karta hai. lal kitab men lagnasth mangal ko kismat ko jagane vala, maidane jang ka shurvir tatha insaf pasand bataya gaya hai. lagnasth mangal ke sath shani ki yuti vyakti men charitrahinta tatha vivahottar sanbandh men tanav ki sthiti paida kar sakta hai tatha lagnasth mangal par prabhav tatha drishti ho, to vyakti ka usul a bail bujhe mar jaisa ho jata hai. yadi lagnasth mangal bure bhavon ka svami ho kar, ya anya rupon men, kashtakarak ho, to nimn upay karen: 1. kadapi jhuth n bolen 2. muft vastu prapt karne ka prayas n karen. isse bhagya prabhavit hoga. 3. mitti ki surahi men shahad dal kar sunsan sthan men jamin men daba den. chaturth bhavasth mangl: mangal parivarik sukh-shanti ke sthayitva ke lie ashubh hai, parantu achal sanpatti ke lie yah achchi sthiti hai. lal kitab men chaithe ghar ke mangal ko jalti ag bataya gaya hai. yadi is bhav men mangal ashubh hai, to mangal jatak ke bhagya ko prabhavit karta hai tatha vyakti men badla lene ki adat prabal rup men hoti hai, jo uske lie kabhi bahut nuksandayak ho sakti hai. chaturthasth mangal ke karan ghar men ag lagne ki ghatnaen bhi hoti dekhi gayi hain. chaturth men mangal tatha ashtam men ketu ko charitrik dosh ko utpann karte dekha gaya hai. chaturth sthan men mangl-shani yog se kheto ki jamin kharidne par vishesh labh hota hai. upay: 1. chiriyon ko mitha dalen. 2. hathi dant pas rakhen. 3. yadi mangal ka ashubh prabhav vishesh dikhai dene par ag lagne ki ghatnaen hon, ya vyakti beaulad ho, ya stri ko vishesh svasthya dosh ho, to chini ki khali boriyan chat par rakhen. 4 manglvar ko mitti ke patra men shahad bhar kar shmashan men daba den. saptam bhavasth mangl: vaivahik sukh ke sandarbh men mangal ki saptam bhav men sthiti vishesh vicharniya hai. aisi sthiti men jivan sathi ki svasthya hani, danpatya sukhavrodh tatha vyavsayik anishchay ki sthitiyan paida hoti hai. saptamasth mangal ko mitha halva ki sangya di gayi hai. satven ghar men baitha mangal yadi kashtakarak hai, to aisa vyakti khamkhah musibat mol le kar apna parivarik jivan kleshkarak bana leta hai. saptamasth mangal par guru, shukra ki sanyukt drishti uske jivan ki abhilashaon ki purti men sahayak ho sakti hai. upay: 1. budh ki karak vastuen muft men n len. 2. kachchi mitti ki divar bar-bar bana kar girate rahne se shubh fal prapt hota hai. 3. jab bahan ghar men aye, vapsi par use mithe ke sath hi bhejen. ashtam bhavasth mangl: aisi sthiti manglik dosh ki charam sima hai. aisi sthiti men vaivahik sukh nasht hota hai. jivan sathi ki mrityu, mansik santap, arthik kshati adi ki sthiti paida hoti hai. aisi sthiti men hi vaighavya ki prabal sanbhavna paida ho jati hai. kanyaon ke janmang men ashtam bhavasth mangal sarvadhik ashubh mana gaya hai. lal kitab men ashtamasth mangal ko maut ka fanda kaha gaya hai. aisa vyakti stri paksh se shapit mana gaya hai. ashtamasth mangal se shani ki yuti tatha drishti sanbandh vishesh kleshkarak drishtigat hoti hai tatha kabhi-kabhi to akal mrityu ki sthiti bhi paida ho jati hai. ashtamasth mangal ke kleshkarak hone par nimn upay labhdayak hote hai: 1. tandur men lagayi mithi roti 43 din tak kutte ko den. 2. ghar ka mukhya dvar dakshin ki taraf n rakhen. 3. roti senkne vala tava jab garm ho jae, to usapar thande pani se chinta de kar roti pakaen. dvadashasth mangl: saptam bhav par drishti ke karan danpatya sukh ko badhit karta hai. jivan sathi ke svasthya ki hani, vish badha adi ki sthiti paida hoti hai. lal kitab men dvadashasth mangal ko vyarth ke mamlon men dhan kharch karane vala bataya gaya hai tatha yah stri sukh men vyavdhan deta hai. mangal ke ashubh fal ki sthiti men nimn upay karna labhaprad hoga: 1. mitha bhojan karen aur karaen. 2. surya ko mithe pani ka aghrya dena labhaprad hoga. 3. dharm sthan men batashe dan karna labhaprad hota hai. 4. khaki rang ki topi se sir ko dhak kar rakhen.
Kya aapko lekh pasand aaya?
Subscribe