mangla-gauri vrat  

mangla gauri vrat pan. brajkishor bharadvaj ‘brajvasi’ mangla gauri vrat shravan mas men parne vale pratyek manglvar ko kiya jata hai. pratyek mangal var ko manglagauri ka pujan karna chahie. manglvar ke din hi gauri ka pujan karne ke karan ise mangla gauri vrat kaha jata hai. yah vrat kalyan karne vala vrat hai. jo striyan is vrat ka palan karti hain, unke ghar men sada sarvada mangal hi hota hai. kabhi amangal nahin hota. yah vrat vivahoprant pratyek stri ko panch varshon tak niyam se karna chahie. vivah ke bad pratham shravan men pihar men tatha agle char varshon tak patigrih men yah vrat karne ka vidhan hai, yatha- vivahat prathan varshamarabhya panchavatsaram. shravne mase bhaumeshu chaturshu vratmachret.. prathme vatsare maturgriehe kartavyamev ch. tato bhartugrihe karyamavashyan stribhiraddat. vidhan: pratahkal snanadi nityakarmon se nivriÿa ahe navin shuddh vastra pahanakar roli ka tilak kar purvabhimukh ya uÿarabhimukh ho pavitra asan par baithakar nimn sankapla karna chahie- ‘mam putrapautrasaubhagyavriddhaye shri manglagauriprityarthan panchavarshaparyantan manglagauri vratmhan karishye.’ aisa sankalp kar ek shuddh evan pavitra asan (pata adi) par bhagvti manglagauri ki murti ki pratishtha karni chahie. fir unke sammukh ate se bana ek bara sa solah mukh vala solah baÿiayon se yukt dip ghrit purit kar prajvalit karna chahie. iske bad pavitrikaran, svastivachan aur ganeshpujan karen. iske atirikt yathashakti yathasanbhav varun-kalash sthapna pujan, nav grah pujan tatha shodash matrika pujan karne ka vidhan bhi hai. iske bad ‘shrimanglagauryai namah’ is nam-mantra se manglagauri ka shodshopchar pujan karna chahie. manglagauri ke pujan men solah prakar ke pushp, solah malaen, solah vriksh ke paÿo, solah darvadal, solah dhatur ke paÿo, solah prakar ke anaj tatha solah pan, supari, ilaychi, jira aur dhaniya bhi charhaen. manglagauri ke dhyan ka mantra is prakar hai- kanukumaguruliptangan sarvabhrnbhushitam. nilakanthapriyan gaurin vande'han manglahnayam.. kshama-prarthana tatha pranam ke anantar manglagauri ko visheshaghrya pradan karna chahie. vrat karne vali stri tanbe ke patra men jal, gandh, akshat, pushp, fal, dakshina aur nariyal rakhakar tanbe ke patra ko dahine hath men lekar nimn mantra ka uchcharan kar visheshaghrya den- puja sampurnatarthan tu gandhapushpakshataiah sah. visheshaghryan maya daÿao mam saubhagyahetve.. ‘shrimanglagauryai namah’ kahakar aghrya den aur pranam karen. pujan ke anantar bans ke patra men saubhagyadravya ke sath laddu, fal, vastra ke sath brahman ko vayan dan karna chahie tatha nimn mantron ko parhna chahie- annakanchukisanyuktan savastrafaladakshnim. vaynan gauri vipray dadami pritye tav.. saubhagyarogyakamanan sarvasampatsamriddhaye. gaurigirishtushtyarthan vaynan te dadamyaham.. iske bad vritakatrri ko apni sasji ke charan sparsh kar unhen solah ladduon ka vayan dena chahie. fir solah mukh vale dipak se arti karen. ratri-jagaran karen evan pratahkal kisi talab ya nadi men gauri ka visarjan kar den. is vrat ki katha is prakar hai- kundin nagar men dharmapal namak ek dhani seth rahta tha. uski patni sati, sadhvi evan pativrata thi. parantu unke koi putra nahin tha. sab prakar ke sukhon se samriddh hote hue bhi ve dampati bare duahkhi raha karte the. unke yahan ek jata rudraksh maladhari bhikshuk pratidin aya karte the. sethani ne socha ki bhikshuk ko kuch dhan adi den, sambhav hai isi punya se mujhe putra prapt ho jae. aisa vicharakar pati ki sampaÿia se sethani ne bhikshuk ki jholi men chipakar sona dal diya. parantu iska parinam ulta hi hua bhikshuk aprigrah vrati the, unhonne apna vrat bhang janakar seth-sethani ko santan hinta ka shap de dala. fir bahut anuny-vinay karne se unhen gauri ki kripa se ek alpayu putra prapt hua. use ganesh ne solah ven varsh men sarp dansh ka shap de diya tha. parantu us balak ka vivah aisi kanya se hua, jiski mata ne manglagauri-vrat kiya tha. us vrat ke prabhav se utpann kanya vidhva nahin ho sakti thi. atah vah balak shatayu ho gaya. n to use sanp hi dans saka aur hi yam dut solhven varsh men uske pran le ja sake. islie yah vrat pratyek navvivahita ko karna chahie. kashi men is vrat ko vishesh samaroh ke sath kiya jata hai. udyapan vidhi: char varsh shravan mas ke solah ya bis manglvaron ka vrat karne ke bad is vrat ka udyapan karna chahie, kyonki bina udyapan ke vrat nishfal hota hai. vrat karte hue jab panchvan varsh prapt ho tab shravan mas ke manglavaron men se kisi bhi manglvar ko udyapan karen. acharya ka varan kar sarvatobhadra mandal banakar usmen yathavidhi kalash ki sthapna karen tatha kalash ke upar yathashakti manglagauri ki svarnamurti ki sthapna karen. tadanantar ganeshadismaranapurvak ‘shrimanglagauryai namah’ is nam mantra se gauri ki yathopalabdhopchar puja kar solah dipkon se arti karen. manglagauri ko sabhi saubhagyadravyon ko arpit karna chahie. dusre din yathasanbhav havan karvaen aur solah sapatnik brahmanon ko payas bhojan karakar santusht karen. uÿam vastra tatha saubhagyapitari ka dakshina ke sath dan karen. isi prakar apni sasji ke charn-sparsh karen. unhen bhi chandi ke ek bartan men solah laddu, abhushan, vastra tatha suhagpitari den. ant men sab ko bhojan karakar svayan bhi bhojan karen. is prakar vratpurvak udyapan karne se vaidhavya ki prapti nahin hoti. dharma-artha- kam-moksh charon purusharthon ki siddhi ka sahaj sadhan bhi hai.