yah satya katha hai ek aisi kalpana ki jise bachapan se kalpana lok men vichrne ka bahut shauk tha. apne khilaunon se khelte hue vah apne kalpana lok men chali jati aur fir ghanton usi anand men dubi rahti. uske mata-pita ne bhi shayad isilie uska nam kalpana rakha hoga. kalpana ko bachapan men hi uske mama-mami ne god le liya tha kyonki unki koi apni santan nahin thi.
mama-mami ke lar pyar men kalpana bari hui. bachapan se hi use penting ka bahut shauk tha aur vah kuch n kuch apni kalpana se pannon par ukerti rahti thi aur fir unhen apne kamre men laga deti. kalpana ke naye mata-pita ek rurhivadi parivar se sanbandhit the aur ve yahi chahte the ki kalpana bhi unke parivar ki paranpraon ka ganbhirta se palan kare. vahan as pas ki paranpraon ke anusar amtaur par larkiyon ko kaelej men bahut jyada nahin parhaya jata tha par kalpana ki jid ke age unki ek n chali aur use unhonne vahin ke post graijuet kaelej men pravesh kara diya.
kalpana sundar to thi, sath men uski kala kshetra men ruchi ne use shighra hi kaelej men bahut lokapriya bana diya. yauvan ki dahlij par khari kalpana bhi apni lokapriyata se itni khush thi ki adhik se adhik samay kaelej men bitane lagi aur use apne yuva sathi ka sath bhi adhik achcha lagne laga. lekin kalpana ki prem ki rah itni asan nahin thi. jaise hi uske mata-pita ko is bat ka pata chala unhonne fauran use kaelej se nikal kar vapis uske janmakalin mata-pita ke pas bhej diya. isse kalpana ko bahut bara mansik aghat pahuncha.
vah apne mata-pita ko kabhi maf nahin kar pai. jinhonne use apna samajh kar pala posa unhin mata-pita ne apni jindgi se tinke ki tarah nikal fenka. kalpana ko kai din tak haespital men rahna para tabhi vah aghat se ubar pai. vai is aghat se ubar kar bahar ai hi thi ki kuch samay bad ekaek kalpana ka vivah vivek se kar diya gaya. vivek ek sushikshit parivar se the aur si. e. kar baink men aefisar ke pad par karyarat the.
vivah ke bad kalpana ko apne sas-sasur se edajast karne men kafi mushkilane ain. kalpana bahut mahattvakankshi thi aur use khula jivan pasand tha. vah unche akash men apni kalpana ke sansar men urna chahti thi par sasural ka mahaul bilkul alag tha. ve log kafi rurhivadi aur purani paranpraon ko manne vale the. sas sasur ki upasthiti v unke hastakshep se kalpana ko apna jivan ek jel ki tarah lagta tha aur use lagta tha ki vah is pinjre men kaid ek pakshi ki tarah hai
jiske par kat diye gaye hain islie vah sabse kati-kati rahti aur apni sasu man ko khush nahin kar pati thi. vivek baink ke kam se aksar let hi ate aur akar apni man ki burai sunna pasand nahin karte the. islie apni kuntha aur mansik vedna ke chalte kalpana ne kai bar svayan ko samapt karne ki koshish bhi ki par samay ko abhi kai karvten aur leni thi.
isi bich kalpana ke do bachche ho gaye aur samay ka sadupyog karne ke lie kalpana ne bi.ed aur piech.di bhi kar li aur apna adhik se adhik samay penting ko dene lagi. isse usko bahut sukun milta aur vah yah koshish bhi karne lagi ki vah penting ko apne vyavsay ke rup men apna le. lekin chahakar bhi is koshish men kamyab nahin ho pai. vivek apne kam men itne mashgul the ki dhire-dhire ek ke bad ek pramoshan ki sirhiyan charhte rahe aur apne baink ke uchchatam pad si. emdi. tak pahunch gaye.
kalpana apne pati ki saflta se bahut khush thi parantu mansik rup se apne ko unse jura nahin pati thi. itna paisa, man-samman hone ke bad bhi uske andar kuch tutta rahta tha. vivek ne si. em. di. ke pad par pahunch kar apne donon salon ko apne kuch kamon men mila liya tha. is pad par pahunchne ke lie uski kabiliyat ke alava use aur bhi bahut kuch karna para tha
aur is pad par bane rahne ke lie bhi bahut se naitik anaitik kamon ko anjam dena parta tha. kalpana ko iska kuch ilm nahin tha, n hi vivek usse is bare men kuch charcha karte the aur achanak vah hua jiski usne kabhi sapne men bhi kalpana nahin ki thi. achanak ek din unke ghar sibi. ai ka chapa para. vivek ghar par nahin the.
vah akeli thi. unhonne akar uska fon le liya aur pure ghar ko uthl-puthal kar sara kaish, jvelri, failen adi le gaye. sabhi laekar sil kar diye gaye, sabhi baink akaunt bhi si. biai ne sil kar diye aur udhar vivek ko rishvatkhori ke iljam men dhar liya gaya. kalpana ki duniya hi badal gai uske donon bhaiyon ko bhi pulis pakar kar le gai. kalpana ko panah dene vala koi bhi n raha. n janmakalin mata-pita n parvrish karne vale mata-pita. sabhi ko apne bhavishya ki chinta sata rahi thi
aise men jab kalpana ke pas koi paisa nahin tha aur vah mansik aur sharirik rup se bhi thak chuki thi to use sahara diya uski bachapan ki saheli mridula ne. usne aise vikat samay men uska pura sath diya aur paristhitiyon se larne ki himmat di. kalpana ne vivek ko bachane ke lie rat din ek kar diya aur vastav men apne patni dharm ka palan karte hue bare se bare vakil kar vivek aur apne bhaiyon ko bel par churva liya.
aj kalpana apne pati ke sath fir se apni bikhri hui jindgi ko sanvarne men juti hai aur isi koshish men hai ki shighra hi ve is kes se bari ho jaen aur kuch aisa karya shuru karen ki sukun ki jindgi ji saken. aiye dekhen kya kahte hain kalpana aur vivek ki kundliyon ke sitare? kya abhi koi imtahan baki hai ya fir unke achche din ane vale hain?e kalpana ki kundli men lagn bhav men naisargik pap grah rahu sthit hai tatha lagn pap kartari yog se grasit hai. lagnesh chandrama bhi apni nich rashi men sthit hai.
tivra papakartari yog hone se inki mansik shanti, atmavishvas, atmabal tatha svatantrata ko bar-bar chot pahunchi v jivan bahut sanpatti v suvidha sanpann hone ke bavjud bhi niras lagne laga tatha kshubdh v udas man ke karan inki sadaiv apne ghar men bhi jel jaise jivan ki hi sthiti bani rahi. lagn men papakartari yog hone ke alava rahu, ketu v shani jaise pap grahon ka prabhav bhi hai. sath hi lagnesh bhi nich rashisth hai.
n keval atmabal, sharirik shakti v vyaktitva ka ghar lagn pirit hai apitu man ka karak rashi kark bhi pirit hai aur man ka karak chandra lagnesh hokar nichrashisth hone se dohra nuksan kar raha hai. aisi sthiti ke chalte aisa lagta hai ki unko mansik shanti asani se sulabh n hogi kyonki rijarva mental enarji ka karak guru bhi ashubh bhav men sthit hai. yadi vaivahik sukh ya solmet ka vichar karen to pati ka karak guru ashubh bhav men sthit hai v saptam bhav par ashubh grahon ka prabhav hai.
iske atirikt bhavat bhavam ke siddhantanusar yadi adhyayan karen to paenge ki saptam se saptam arthat lagn ki sthiti atyadhik ashubh hone ke karan saptam bhav men svagrihi shani bhi vaivahik jivan men samanjasya utpann nahin kar paya. inke pati ki kundli men bhi vaivahik jivan ke lie shubh yog n hone ke karan inhen pati ki or se bhi vishesh sneh v atmiyata prapt n ho saki aur lagabhag aisi sthiti ho gai ki ye donon chahakar bhi purnarupen ek dusre ke n ho sake. vivek ki kundli men navansh men uchcharashisth shani hone ke chalte yah kah sakte hain
ki inka talak nahin hoga v vaivahik jivan men sthirta bani rahegi. kalpana ki janmapatri men svagrihi shukra mata ke ghar arthat chaturth bhav men hone se malavya yog ka nirman hone v chaturth bhav par guru ki drishti hone se inhen inke mama ne god lekar bare najon se pala. chaturth bhav men shukra ki shreshthatam sthiti se jatak ko jivan men sukh, sanpatti, samriddhi, suvidha, vahan, grih sukh ityadi kisi bhi chij ki kami nahin rahti. aise log kai bar god le lie jate hain tatha achchi shiksha v amiri ki bhi prapti hoti hai aur vivahoprant pati ki nirantar unnati bhi hoti hai kyonki chaturth bhav saptam bhav se dasham hota hai.
kalpana ki kundli men dvitiyesh dvitiyasth, tritiyesh tritiyasth v chaturthesh chaturthasth hai. aisa yog akhand lakshmi yog samjha jata hai. chaturth bhav se shiksha ka vichar hota hai. is bhav men shukra apni mul trikon rashi men sthit hone se kalpana ki penting v kala ke kshetra men ruchi bani aur bahut se vyakti iski kala se prabhavit bhi hue parantu karya kshetra ka svami evan pancham bhav ka pratinidhi grah mangal barhven bhav men sthit hone se tatha shiksha ka karak bhagyesh guru ashtamasth hone se vah apne gyan v kala ko vyavsayik rup dene men asafal rahi aur koshish karne par bhi apna kariyar nahin bana pai.
inki mahatvakanksha atript rah gai tatha jivan men vyavsayik drishti se uchchastariya safltaon men badhaen ati rahin aur ati mahatvakankshi hote hue bhi inhen sadharan jivan jine ke lie vivash hona para. kalpana ki kundli men char grah svagrihi hain tatha inke pati ki kundli men bhi tin grah svagrihi hain. parantu inke pati ki kundli men ek bhi shubh grah kendra men nahin hai tatha rahu, ketu kendrasth hain. isi karan inhen anaitik karyon se parhej nahin hai aur grahon ki aisi sthiti ke chalte hi inhen kanuni pachre men bhi parna para.
vivek ko budh ki dasha men rahu ki antardasha ane ke bad jel ki hava bhi khani pari. us samay gochar ke shani ka dvadash bhav men sthit mangal ke sath paraspar drishti yog bhi chal raha tha. chaturth v dvadash bhav men pap grahon ke prabhav se jel yog hota hai. age ka samay kalpana ke vyavsayik jivan ke lie shreshth hai.
jis tarah shani ki sarhesati ne uske jivan men itni uthl-puthal kar di vahin shani ab uske bhagyoday men sahayak hoga aur vah apni pahchan kala kshetra ke madhyam se banane men avashya safal hogi.