apne vyast jivan ke bich achanak kisi chir-parichit atyant priya sakhi ka lanbe antral ke bad milna kitna sukhdayi hota hai yah manaine hal hi men jana. priya se meri bachapan se hi dosti thi. skul men uske sath parhna, khelna evan skul ka kam karna mujhe bahut achcha lagta tha. uski choti bahnon se bhi mera khas sneh tha. skul ke bad kaelej men hamne ek sath pravesh liya aur priya ne kaelej se bi. e. pas hi kiya tha ki uska vivah ho gaya.
uske bad usse sanpark hi nahin ho paya aur ab lagabhag 25-30 varshon ke bad usse milakar sare bite pal yad a gae aur anayas hi palke bhig ain. priya ke sath uski choti bahan gita bhi thi jo us vakt bahut choti thi aur jise hamne god men khilaya tha. gita se milakar bahut khushi mili. uske pahnave se saf jhalak raha tha ki uska vivah kisi dhanadhya parivar men hua hai. hire ke jarau har, kangan adi abhushnon men uska rup aur nikhar aya tha.
priya aur gita ke sath bahut der tak ek sath gujare hue samay ko yad kar ham hanste rahe. lekin gita ko dekh kar mujhe laga ki shayad vah kuch kahna chah rahi hai par sankoch kar rahi hai. jate hue gita ne mera kard liya aur apne ghar ane ki davat bhi di. ghar akar main apne rojamarra ke kamon men vyast ho gai. achanak gita ka fon aya aur usne turant milne ki ichcha vyakt ki to mainne use bula liya. gita ekadam bujhi-bujhi si lag rahi thi. mere pyar se puchne par vah fafak pari.
uske anusar vinit se uska dusra vivah hua tha. bachapan se vah bahut mahatvakankshi rahi thi aur jivan ke har sukh ko bharpur rup se bhogne ki shuru se uski lalsa rahi thi. pahle pati ke sath uska jivan sadharan rup se bit raha tha jo use ras nahin aya aur usne vinit se vivah karne ka faisla kiya. vinit rajghrane se talluk rakhta hai. navabon ki bhanti uske shauk bhi navabon ki tarah hi hain
aur gita se uska yah chaitha vivah hai. umra men tis varsh ka fark ! gita kaise is vivah ke lie taiyar ho gai yah janakar main hairan rah gai. bhautik sukh aur mahatvakanksha ki purti ke lie gita ne vinit ki adher umra ko andekha kar diya tha aur ab use is bat ki chinta thi ki kya vah vinit ko lanbe samay tak khush rakh sakegi athva uska hal bhi vinit ki pichli jivan sanginiyon jaisa ho jaega? sabhi bhautik sukh evan aishoaram hote hue bhi vah mansik sukh se vanchit thi. yah kaisa sanyog tha !
aiye vinit aur gita ki kundliyon ka avlokan karen. sarvapratham vinit ki janm kundli par jyotishiya drishti se vishleshan karen ki uske jivan men bahu vivah yog grahon ki sthiti se kaise ghatit hua. nimn jyotish shastriya praman ke anusar uski kundli men sabhi bahubharya yog ghatit ho rahe hain.
kalatre bhanoah kutumbi bahudarasakt. kutumb kalatranathabhyan sametegrrahnaykerva kalatrasankhyan pravadanti santah.. kalatreshe bahugune tungavakradihetubhiah bahubharya naran vidyadudayakrshagate'piva.. (sarvarth chintamni) uski kundli men kutunbesh mangal aur saptamesh budh ki mangal aur shukra ke sath saptam sthan men yuti hone se char vivahon ka yog bana. iske atirikt saptam sthan men saptamesh budh ke vakra hone ke karan bahubharya yog ka srijan hua.
surya aur mangal ki yuti ke karan uske grihasth jivan men sthayitva nahin ban saka jisse uska ek ke bad dusra, dusre ke bad tisra aur tisre ke bad chaitha vivah hua. iske atirikt saptam men shukra-mangal ki yuti ke karan bhog-vilasita ke prati adhik rujhan hone ke karan bhi vah apni kisi ek stri ke sath lanbe samay tak nahin rah saka. vargottam navmansh hone se uske jivan men dhan, vaibhav, sanpatti aur adhikar ki koi kami nahin hai. vah rajsi jivan vyatit kar raha hai
tatha sitanbar 2012 tak guru grah ki mahadsha uske lie shubh fal karak rahegi. is dasha ke dauran uske man samman, vyavsayik unnati prapt karne ki achchi sanbhavna rahegi. gita ki janmakundli ka vishleshan karne par yah gyat hota hai ki lagn, labh evan parakram bhavon par brihaspati ki purn drishti ke karan praranbhik jivan se hi gita ki pravritti mahatvakankshi rahi.
lagnesh budh ke chathe bhav men mangal ki rashi men sthit hone se sthir vichardhara ki kami tatha uske man men apne karyon ke bigrne ka bhay hamesha bana raha. satven bhav men brihaspati aur rahu ki dhanu rashi men yuti ke karan guru-chandal yog banne se evan striyon ke lie guru grah ke pati karak hone se arthat bhavesh evan bhavkarak guru ke pap prabhav men hone se vah apne pratham jivan sathi ke sath adhik dinon tak talmel banae nahin rakh saki.
brihaspati grah ki apne hi ghar men sthit hokar labh sthan par mitra drishti hone tatha kutanubesh chandrama ke dasham bhav men brihaspati ki rashi men sthit hone aur sukhesh evan panchmesh ki yuti ke karan uska dusra vivah dhanadhya parivar men hua. bhavishya men ketu ki mahadsha men shani ki antardasha ke dauran arthat jun, 2006 tak dhairya evan sanyam banae rakhna avashyak hai. uske pashchat sthiti samanyatah thik rahegi.