jab kabhi kisi vyakti ke samne koi samasya ati hai, yah sthiti ati hai ki vah samajh nahin pata ki ab use kya karna chahie. aise samay men vah kisi jyotishi, pamist ya kisi tairo ridar ke pas jata hai jisse uski samasya ka kuch samadhan mil sake. tairo kard riding bhi jyotish ki hi ek shakha hai jo manushya ke jivan men hone vali ghatnaon ke vishay men batata hai. maharaja, di emperar kard bhi tairo dek ka ek prabhutvashali kard hai. tairo riding men agar kisi ka ukt kard niklta hai
to iska arth hai us vyakti ka prabhutva apne kshetra men barhne vala hai. man lijie vah vyakti sarvis karta hai to uska pramoshan hone vala hai, uske adhinasth karmachariyon par uska prabhutva v raub barhne vala hai. uske adhinasth kam karne vale logon ka kshetra bhi vistrit ho jayega. isse uske karyakshetra men samman barh jayega. uske baes ke samne bhi uska pad barhne par baes uske sath ijjat se bat karenge. uske doston ke bich, parichiton v samaj men bhi samman v pratishtha men vriddhi hogi.
ab agar koi vyakti bijnes karta hai aur vah tairo ridar ke pas ja kar tairo riding karvata hai aur apne bijnes ke prasar ke liye puchta hai aur us samay riding ke dauran uska ukt kard ‘di emperr’’ nikal ata hai to iska arth bahut uttam hai arthat uske bijnes ka vistar hone vala hai. vyapar ke kshetra men uska prabhav barhne vala hai. usse bhi bare vyapariyon men uski ginti hone vali hai. uske adhinasth karya karne vale karmachariyon ki ginti barhne vali hai. vistar ke rup men uski kanpni ki anya ek aur shakha ya ek se adhik shakhaen bhi khul sakti hain. dhire-dhire usse adhik bhi ho sakta hai.
uske vyapar ka vistar videsh men bhi ho sakta hai. videsh men bhi uski koi shakha khul sakti hai jisse samaj, parivar v mitron men uski ijjat barh sakti hai. sabke bich vah akarshan ka patra ban sakta hai. charon or usko samman milne ke avasar mil sakte hain. vah jahan bhi jayega sab usko ijjat ki najar se dekhenge aur vah apne ap ko sammanit mahsus karega. agar koi vidyarthi hai aur vah apni tairo riding karvane tairo ridar ke pas jata hai aur us samay riding ke dauran iska kard ‘di emperr’ nikal ata hai to yah uske liye shubh sanket hai.
iska arth hai uske tichar ki najar men vah uncha uthne vala hai. yah tabhi ho sakta hai jab vah vidyarthi parhai men achcha hai, khel-kud men achcha hai, samanya gyan men achcha hai. yah kard batata hai ki vyakti ka moral (naitikta) achcha hai, vah anushasan priya hai, barane ki ijjat karna janta hai, atm vishvas se paripurn hai. atah kard ‘di emperr’ ane par svatah hi us vyakti ya vidyarthi men in gunon ka pradurbhav hona shuru ho jayega. vastav men in gunon ke ankur to kathit vyakti ke andar pahle se hi vidyaman hote hain. bas is kard ke prakatya hone ka arth hai
ki ab sahi samay a gaya hai un ankuron ke prasfutit hone ka jisse in gunon ka vikas uske andar hone lagta hai aur jaldi hi vah sabke bich priya v pasandida vyakti ban jata hai. use sab logon se pyar, ijjat v samman milte hain.