mahamritrityununjanjay sadhna hetu vicharniya tathya nirmal kothari matyu ek aisa bhayavah shabd hai, jiska nam sunte hi sharir men siharan daur jati hai, kintu yah bhi ek shashvat satya hai ki mrityu ek din sabhi ki ani hai. lekin dukhad sthiti tab utpann ho jati hai jab kisi ki akalmrityu hoti hai. yah akalmrityu kisi ghatak rog ya durghatana ke karan hoti hai. isse bachne ka ek hi upay hai - mahamrityunjay sadhna. yamraj ke mrityupash se churane vale keval bhagvan mrityunjay shiv hain jo apne sadhak ko dirghayu dete hain. inki sadhna ek aisi prakriya hai jo kathin karyon ko saral banane ki kshamata ke sath-sath vishesh shakti bhi pradan karti hai. yah sadhna shraddha evan nishthapurvak karni chahie. iske kuch pramukh tathya yahan prastut hain, jinka sadhna kal men dhyan rakhna parmavashyak hai. anushthan shubh din, shubh parva, shubh kal athva shubh muhurt men sanpann karna chahie. mantranushthan praranbh karte samay samne bhagvan shankar ka shakti sahit chitra evan mahamrityunjay yantra sthapit kar lena chahie. jis sthal par mantranushthan karna ho, vahan ka vatavaran purnatah satvik hona chahie. jap purva disha ki or munh karke karna chahie. sadhna kal men shuddh ghi ka dipak nirantar prajvalit rahna chahie. mantra ka jap un ke asan par baithakar chandan ya rudraksh ki mala par karna chahie. sadhna kal men brahmacharya ka purnarup se palan karna chahie aur man ki ekagrata banae rakhni chahie. sadhna kal men yathasanbhav ek samay hi bhojan karna chahie. sandhya ke samay darhi ya sir ke bal nahin katne chahie. anushthan aranbh karne se purva mantra ko sanskarit kar lena chahie. jitne samay tak jitni sankhya men jap karna ho, use vidhipurvak karna chahie. samay men parivartan nahin hona chahie. tatha sankalp ke samay nirdharit sankhya se kam sankhya men jap nahin karna chahie. vastra dhule hue, svachch, pavitra v bina sile dharan karne chahie. jab tak sadhna chale, tab tak abhakshya padarth nahin khane chahie. satvik jivan bitana chahie. mantron ka uchcharan shuddh v svar bahut dhima hona chahie. sabse achcha hai manas jap karen. anushthan se sanbandhit sabhi kriyaen shraddha, vishvaspurvak karni chahie. sadhna kal men nich vyaktiyon ke sath vartalap aur unka sparsh nahin karna chahie. asatya nahin bolna chahie. krodh nahin karna chahie. is bat ka dhyan rahe ki sadhna kal men koi apke samaksh n ho. chitt sthir evan maun banae rakhna chahie. shayan bhumi par karna chahie. mantra jap sankhya shastron men alg-alag karyon ke lie alg-alag sankhyaon men mantra ke jap ka vidhan hai. kis karya ke lie kitni sankhya men jap karna chahie iska vivaran yahan prastut hai. 1. bhay se chutkara pane ke lie 1100 mantra ka jap kiya jata hai. 2. rogon se mukti ke lie 11000 mantron ka jap kiya jata hai. 3. putra ki prapti ke lie, unnati ke lie akal mrityu se bachne ke lie sava lakh ki sankhya men mantra jap karna anivarya hai. mantranushthan ke lie shastra ke vidhan ka palan karna param avashyak hai anyatha labh ke badle hani ki sanbhavna adhik rahti hai. islie yah avashyak hai ki pratyek karya shastrasammat hi kiya jae. is hetu kisi yogya aur vidvan vyakti ka margadarshan lena chahie. yadi sadhak purn shraddha aur vishvas ke sath yah sadhna kare, to vanchit fal ki prapti ki prabal sanbhavna rahti hai. iska samanya mantra nimnalikhit hai, kintu sadhak ko bijmantra ka hi jap karna chahie. ¬ tryambakan yajamhe sugandhin pushtivardhanam. urvarukmiv bandhnanmrityormukshiya mamritat.. mahamrityunjay mantra ke jap hetu dhyan dene yogya kuch anya baten mahamrityunjay mantra ke jap ke lie nimnalikhit kuch mahatvapurn baton ka dhyan rakhna chahie. mahamrityunjay jap anushthan shastriya vidhi-vidhan se karna chahie. manmane dhang se karna ya karana haniprad ho sakta hai. mantra ka jap shubh muhurt men praranbh karna chahie jaise mahashivratri, shravni somvar, pradosh (som pradosh adhik shubh hai), sarvarth ya amrit siddhi yog, masik shivratri (krishn paksh chaturdashi) athva ati avashyak hone par shubh labh ya amrit chaighriya men kisi bhi din. jis jatak ke hetu is mantra ka prayog karna ho, uske lie shukla paksh men chandra shubh tatha krishn paksh men tara (nakshatra) balvan hona chahie. jap ke lie sadhak ya brahman ko kush ya kanbal ke asan par purva ya uÿar disha men mukh karke baithna chahie. mahamrityunjay mantra ki jap sankhya ki ganna ke lie rudraksh ki mala ka prayog karna chahie. mantra jap karte samay mala gaumukhi ke andar rakhni chahie. jis rogi ke lie anushthan karna ho, ‘¬ sarvan vishnumyan jagat’ ka uchcharan kar uske nam aur gotra ka uchcharan kar ‘mamabhisht shubhafal praptyarthan shri mahamrityunjay rudra devta prityarthan mahamrityunjay mantra japan karishye.’ kahte hue anjli se jal choren. mahamrityunjay mantra ki jap sankhya sava lakh hai. ek din men itni sankhya men jap karna sanbhav nahin hai. atah pratidin prati vyakti ek hajar ki sankhya men jap karte hue 125 din men jap anushthan purn kiya ja sakta hai. avashyak hone par 5 ya 11 brahmanon se iska jap karaen to upar varnit jap sankhya shighra purn ho jaegi. samanyatah yah jap sankhya kam se kam 45 aur adhikatam 84 dinon men purn ho jani chahie. pratidin ki jap sankhya saman athva barhte hue kram men honi chahie. jap sankhya purn hone par uska dashansh havan karna chahie arthat 1,25,000 mantron ke jap ke lie 12, 500 mantron ka havan karna chahie aur yatha shakti panch brahmanon ko bhojan karana chahie. mahamrityunjay jap ke lie parthiveshvar ki puja ka vidhan hai. yah sabhi karyon ke lie prashast hai. rog se mukti ke lie tanbe ke shivling ki puja karni chahie. lakshmi prapti ke lie parad shivling ki puja sarvashreshth mani gai hai.
Kya aapko lekh pasand aaya?
Subscribe