shanti-ashanti aur jivn-mrityu ek sikke ke do pahlu hain. jab ayu sima samapt hoti hai tab mrityu ka darvaja khul jata hai. mrityu chinta ka vishay nahin hai, kyonki ‘jatasya dhruvan mrityu’n gita ka pravachan hai. is bhutal par mrityu hi ek satya hai. fir bhi manav man ko mrityu bhay satae rakhta hai. ayushya nirnay ke prati acharyon men matbhinnata hai. atah ekapakshiya nirnay sarvatha anuchit hai. shastron men ayu nirnay ki 16 prakar ki vidhiyon ka ullekh hai. ayu nirnay ki vidhiyan is prakar hain:
1. kendra, panafar apoklim, trik matanusar dirghayu, madhyayu, alpayu adi.
2. jaimini sutranusar ye vidhiyan nimn hain.
3. lagn, saptam, ashtam aur dvitiya bhavon ke anusar balabal.
4. jaimini sutra ke anusar (ansh fal gyanay sarnim)
5. nanapu
6. lagnesh surya mitranusar surya ka mitra ho to dirghayu
7. lagnayu ki vibhinn rashiyon ke dhuravank ke anusar
8. kendrayu
9. gauri jatak ke anusar vinshottari dashayu.
10. bangali paddhati ke anusar ayu nirnaya
11. ganit ayu
12. yogayu
13. rashmijayu
14. chakrayu
15. ashtavargayu
16. ashtottari aur vinshottari dashanusar.
in sabhi vidhiyon se kisi kundli ka ek sa ayu nirnay nahin ho pata hai. mangli ayu nirnay ke fal ka samanya evan saral sutra diya gaya hai, jiske anusar dirghayu ya parmayu ka nirnay kiya ja sakta hai. ayu nirnay se sanbaddh kuch binduon ka ullekh niche kiya ja raha hai.
1. mangal ke svagrihi ya uchasth ya kisi bal se balvan hone par dirghayu yog banta hai, kyonki kal purush mangal lagnesh tatha ashtamesh hota hai.
2. lagn evan lagnesh ka balvan hona avashyak hai.
3. ashtamesh evan ashtam bhav ki pradhanta bhi jaruri hai.
4. lagnesh ashtam bhav men jane par dirghayu yog banata hai.
5. ashtamesh lagn men hone par ayu dirgh karta hai.
6. lagnesh aur ashtamesh nichasth hokar bhi ek sthan par rahen to dirghayu yog banta hai.
7. chandrabal mahan bal hai. yah janmank men svagrihi aur uchchasth ho to iska bal ayu ko prapt hota hai.
8. ayu karak evan anisht karak grah shani svagrihi tatha uchchasth ho.
9. rahu-ketu tritiya evan navam bhav men ya shashth aur dvadash bhavon men hon to shreshth ayu pradan karte hain.
10. budhaditya yog se rajyog ke sath-sath ayu bal bhi milta hai.
11. guru-shukra ka shubh kshetra men rahna avashyak hai.
ukt binduon ka vishleshan kuch mahapurushon tatha devpurushon ki kundliyon ke adhar par kiya ja raha hai. shri ganesh ke janmank men lagnesh budh svagrihi hai. mangal uchchasth hokar pancham bhav men sthit hai. ashtamesh mangal uchchasth hai, chandrama uchch ka hai. shukra aur guru balvan hain. rahu-ketu kramshah shashth aur dvadash bhav men hain.
panchmesh shani navam bhav men shubh hai. ukt yogon ke karan bhagvan shri ganesh ko divyayu pradan ki gai. shri ram ke janmank men mangal uchasth hokar saptam bhav men hai. lagnesh chandra svagrihi hai. lagn men uchchasth guru hai. ashtamesh shani uchasth hokar sukh bhav men hai. dasham bhav men budhaditya rajyog hai. rahu-ketu kramshah tritiya evan navam bhav men hain. bhagvan ram ne apni ayu ka bhog karne ke sath-sath shastra ke anusar pita ki ayu ka bhog bhi kiya aur param dham ko padhare. yahan lagnesh budh ashtam bhav men hai. ashtamesh shani uchchasth hai. ashtam bhav men tin grah mangal, budh aur shukra sthit hain jisse yah bhav balvan hai. chandrama mitra rashi par hai. surya bhagya bhav men avasthit hai. ketu-rahu kramshah tritiya evan navam bhav men hain. yah grah sthiti dirgh ayu ki dyotak hai.
acharya vinova bhave ke janmank chakra men lagnesh guru uchchasth hokar ashtam bhav men hai. ashtamesh chandra uchchasth hokar shashth bhav men hai. ashtam bhav men shukra aur guru ke sthit hone ke karan yah bhav shubh hai. surya svagrihi pancham bhav men hai. mangal dasham bhav men aur budh digbali hai. dasham ka mangal uchchasth mangal se adhik fal deta hai. shani ekadash bhav men uchchasth hai. rahu-ketu kramshah tritiya evan navam bhav men hanai. ukt grah sthiti ke falasvarup vinova bhave ko dirghayu prapt hui. shri javahar lal nehru ke janmank chakra men lagnesh chandrama svagrihi hai. ashtamesh shani dvitiya bhav men baithakar ashtam bhav ko dekh raha hai.
mangal apne karak bhav men hai. surya pancham bhav men mitrakshetri hai. guru svagrihi hai. ketu-rahu kramshah shashth aur dvadash bhav men hain. janmank chakra men ayushya ke sabhi bindu vidyaman nahin hain. islie ve purn dirghayu nahin ho sake.