grahon evan dishaon se sanbandhit vyavsay vastu men pratyek disha kisi n kisi grah dvara shasit hoti hai. atah kisi bhi vyavsay ko tatsanbandhi dishaon evan grahon ke anukul rahne par vishesh labh milta hai.
pra0-purva disha men kis tarah ka vyavsay karna chahie ? u0- grahon men surya purva disha ka svami hota hai.dva, aushdhi adi ke lie purva ki disha sabse uparyukt hai.dvaiyan utar evan purva ke raik par rakhen. utr-purva ke nikat surya ki jivndayini kirnen sarvapratham parti hai jo ki davaiyan ko urjapurn banae rakhti hai jinke sevan se manushya shighratashighra svasthya labh prapt karta hai. ayurvedik evan yunani davaon ko jinka sanbandh surya grah se hai, atah purva disha ki raik par rakhna labhaprad hota hai. is tarah ke bhukhand par uni vastra, anaj ki arhat, ata pisne ki chakki tatha ata milon ka karya kafi labhaprad hota hai.
pra0-uttara-purva disha men kis tarah ka vyavsay ya karya karna chahie? u0-uttara-purva disha ka svami grah guru hai jo ki adhyatmik evan satvik vicharon ke praneta hain. utr-purva disha abhimukh bhukhand shikshak, pradhyapak, puranvetta, dharmopdeshak, pujari, dharmapramukh, prachya evan gupt vidyaon ke jankar, nyayadhish, vakil, shasan se sanbandhit karya karne vale, bainking vyavastha se sanbandhit karya, dharmik sansthan, jyotish se sanbandhit karyon ke lie uttara-purva ki disha vishesh labhaprad hoti hai. adhyatmik granthon ki chapai ke karya ke lie bhi yah disha vishesh labhkari hoti hai. sath hi bijli ke pankhe tatha pankhon ki faiktri ka karya bhi uttara-purva disha abhimukh bhukhand par karna vishesh labhaprad hota hai.
jyotish sanbandhi karya par, dev guru brihaspati aur manas chetna ke karak grah budh ka prabhav hota hai. islie jyotish karyalay bhukhand ke ishan ya uttar ke kshetra men rakhna labhaprad hota hai. jyotish karyalay men halke pile aur hare rang ka upyog adhik se adhik karna chahie. jyotishi ke baithne ke lie kursi ka rang hara ya pila labhaprad hota hai. inhen purva ya uttar ki taraf mukh kar karya karna chahie. karyalay men jyotishi ke dayen hath ki taraf kitab evan panchang adi rakhna chahie. karyalay ke uttara-purva men man sarasvati, lakshmi evan ganesh ka yantra tatha tasvir rakhna chahie.
pra0-uttar disha men kis tarah ka vyavsay ya karya karna chahie ? u0-uttar disha ka grah adhipti budh hai jo manas chetna ka karak grah hai. uttar disha abhimukh bhukhand par jyotish sanbandhit karya ya vyavsay kafi labhaprad hota hai. dharmik granth, kavya lekhan,n sanpadan, dalali, kamishan, kampyutar injiniyar, chartard ekauntent, bijnes mainnejment hetu budh ka shubh sthiti men rahna achcha hota hai. budh ka sanbandh hisab-kitab se bhi hai. atah ganit sanbandhit karya bhi is tarah ke bhukhand par shubhafalaprad hota hai.
dak-tar vibhag, kala, ilektronik se sanbandhit karya, ayat-niryat, steshnri, vastuvid, rediyo aur telivijan vibhag ke lie uttar disha abhimukh bhukhand ko achcha mana jata hai. telivijan. tatha rediyo ka sanbandh budh se hai, kyonki jin vastuon se apne ap avaj paida hoti hai, vah budh ki karak vastuen hoti hai. janaral stor ki dukan, pansari ki dukan, parchun ki dukan tatha kapden ki chapai se sanbandhit karya hetu bhi uttar disha shubh faldayi hoti hai.
pra0- jalashay evan favvare ghar men lagane se kya labh hota hai ? u0- bare bhavan, bahumanjila bhavan ya vyavsayik bhavan men jal sanbandhi dosh ko dur ya kam karne ke lie jalashay evan favvarane ko vyavasthit kar ke lagaya jata hai. ghanagaman ke pratik favvaron evan jalashyon ko bari sujh-bujh ke sath lagaya jata hai kyonki yadi pani ka nikas galat dhang se ho, to ghar ka sara dhan galat dhang se chala jayega.
jivan men jarurat hai jyotishiya margadarshan ki? abhi bat karen fyuchar point jyotishiyon se!