pra0- gaumukhi bhukhand kise kahte hai ?
uttara- jo bhukhand age se sankra evan piche se chaira ho use kakmukhi ya gaumukhi bhukhand kahte hanai. yah bhukhand achcha fal dene vala mana gaya hai. gaumukhi bhavan vahi shubh hota hai jis ka pravesh dakshin ya pashchim disha se ho. chitra men dikhae gae gaumukhi bhukhand manen uttara-purva barha hua hai. is tarah ke bhukhand par bane makan men rahne vale ko yash, pratishtha, sukh-shanti, evan samriddhi prapti hoti hai. sath hi samuchit vikas hota hai. is tarah ke bhavan men soe hue bhagya jag jate hain. aisa bhukhand bhagya se milta hai. is tarah ke bhavan men vas karne vale logon ki lokapriyata dur-dur tak faili rahti hai tatha unki sari akankshaen puri hoti hain.
pra0- pratyek gaumukhi bhukhand shubhfldayak hota hai ?
u0- pratyek gaumukhi bhukhand achcha nahin hota hai. uttara-purva se katakar bana gaumukhi bhavan shubh faldayak nahin hota. ghar men samriddhi, sukh, shanti adi ki kami bani rahti hai. daridrata, durghatanaen adi picha nahin chortin. usmen nivas karne vale log bimariyane se grast hote hain. ukt bhukhand akasmat durghatana ke karak hote hain. in par rahne valon men atmahatya ki pravritti hoti hai tatha mukdmon mane uljhe rahte hain. atah aise bhukhand par bhavan banane se purva use doshmukt karva lena chahie. kuch ashubh gaumukhi bhukhandon ke chitra yahan prastut hain.
pra0- vyaghramukhi bhukhand kise kahte hai ?
u0- jo bhukhand age se chaira evan piche see patla hota hai use vyaghramukhi bhukhand ya chajmukhi bhukhand kahte hain. yah rog, shok evan dukh dene vala hota hai. is par bane bhavan men rahne vale ko musibten, apdaen adi ghere rahti hain. garibi, karj, shok, dukh adi sath nahin chorte. sath hi bhagya so jata hai. atah is tarah ke bhukhand ka istemal sudhar kie bina nahin karna chahie.
pra0.- ishanya vriddhi vyaghramukhi bhukhand kaisa fal deta hai ?
u0- ishanya vriddhi (uttara-purva) vyaghramukhi bhukhand bane to vah sukh, samriddhi evan shanti deene vala hoga. is par rahne vale ko yash, pratishtha, man samman ke sath sabhi sukhon ki prapti hoti hai. sath hi sharirik, adhyatmik, arthik evan mansik vikas samagra rup se hota hai. atah jis vyaghramukhi bhukhand ka ishanya badha hua ho vah shubh hota hai, jaisa ki chitra men darshaya gaya hai.
uttara-pashchim ka band kona mukdmebaji ka karan pan. gopal sharma (bi.i.) kuch samay pahle pandit ji jaypur men ek vyapari se mile. unhoenne bataya ki vah apni ek praparti ki vajah se pareshan hai jise unhonne baink valon se nilami men kharida tha. jabse ise kharida hai kuch n kuch aisa ho jata hai ki vo ise n to thik kar pate hain aur n hi ismen shift kar pa rahe hain.
kharidne ke bad unhen pata chala ki is ghar ke malik ki patni bahut bimar rahti thi aur kuch din pahle uski mrityu ho gai. uska vyapar bhi band ho gaya tha aur vah divaliya ho gaya tha. isi sandarbh men unhonne pandit ji se iska vastu parikshan karne ko kaha.
parikshan karne par pae gae vastu dosh:
1 uttara-pashchim ka kona band tha jo ki larai-jhagre, mukdmebaji evan mansik tanav ka karan hota hai. dost bhi dushman ban jate hain.
2 uttara-purva men sidhiyan thi jo ki vikas men badhak v arthik pareshaniyon ka karan hoti hai.
3 dakshin-dakshin purva ka kona kata hua tha jo ki ghar ki mahilaon ke lie ati dukhdayi hota hai evan ghar men sharirik v mansik samasyaen banaye rakhta hai.
4 dakshin-pashchim men shauchalay ghar ke malik ke svasthya ki hani v anavashyak kharchon ka karan hota hai.
5 uttara-purva men jamin ke upar pani ki bari si tanki rakhi hui thi jo ki bachchon ke vikas men avrodhak v tanav ka karan hoti hai.
sujhav :
1 uttara-pashchim men bane shauchalay v snan ghar ko torakar pashchim ke baramde men banane ko kaha gaya tatha is kone ko khula rakhne ko kaha.
2 purva men bani sirhiyon ko uttara-pashchim men (bina upar chat banae) banane ko kaha gaya.
3 dakshin, dakshin-purva ke kone ko andar ki taraf se tin fut ki divar banakar sidha karne ko kaha gaya. barhe hue hisse ko achche se bharne ko kaha gaya jisse slaib ban jaegi jise saman ityadi rakhne ke liye istemal kar sakte hain.
4 dakshin-pashchim men bane shauchalay ko band karne ko kaha gaya aur dakshin, dakshin-pashchim ke kavard baramde ko stor ki tarah istemal karne ki salah di gai taki yah kona bhari ho sake.
5 uttara-purva men bhumigat pani ki tanki banane ki salah di gai jisse ghar men sukh samriddhi bani rahe. pandit ji ne unhen ashvasan diya ki sabhi sujhavon ko karyanvit karne ke bad unhen avashya labh hoga aur vah apne is ghar men sukhpurvak rah payenge.
jivan men jarurat hai jyotishiya margadarshan ki? abhi bat karen fyuchar point jyotishiyon se!