jyotish se janen jivika ke rahasya  

jyotish se jane jivika ke rahasya pan. sunil joshi junnarakar janmang chakra ka dasham bhav karm bhav kaha jata hai. iske svami ko dashmesh ya karmesh kaha gaya hai. dasham bhav se vyakti ki ajivika ka vichar kiya jata hai. arthat vyakti sarkari naukri karega athva praivet, ya vyapar karega to kaun sa, use kis kshetra men adhik saflta milegi. aj adhikansh log apni ajivika se santusht nahin hain, unka rkakshetra ya karm ka prakar unke man ke anukul nahin hai. ab prashn uthta hai ki jyotish shastra ke anusar manonukul karya kaun sa ho sakta hai, uska nirdharan kaise ho? man ka svami chandra jis rashi men ho us rashi se svami grah ki prakriti ke adhar par ya chandra se uske yuti athva drishti sanbandh ke adhar par yadi koi vyakti apni ajivika (vyapar naukri) ka chayan karta hai athva karyarat hai to vah kairiyar uske man pasand ka hoga. shaskiya upakramon ka nijikaran, barhti abadi aur adhunikikaran (mashinikrn) adi ne bharat men berojgari ki samasya ko aur adhik barha diya hai. ek or to sarkari naukriyane ke tote hain, vahin dusri or vyapar men galakat pratispardha. yuvavarg ke samne yah prashn yaksh banakar khara hai ki kis profeshan ko apne kairiyar ke lie chunen taki vah atmasantushti ke sath saflta ki manjil par pahunch saken. maulik sutrah vyavsay ka chayan karne se purva, aie jyotish ke kuch maulik sutron par vichar karen. janmakundli men koi grah jab lagnesh, panchmesh ya navmesh hokar dasham bhav men sthit ho, ya dashmesh hokar kisi bhi trikon (1, 5, 9 bhavon) men, ya apne hi sthan men sthit ho to vyakti ki ajivika ke paryapt sadhan hote hain. vah vyavsay ya naukri men achchi pragti karta hai. dashmesh ya dasham bhavasth grah ka bal aur shubhta donon uske shubhflon men dvigunit vriddhi karte hain. bhav 3, 6, 8, 11 ya 12 ka svami ashubh bhavesh hone par papi ho jata hai. jis jatak ki janmakundli men ashubh (papi) grah dasham bhav men hon, to uski ajivika ka satyanash kar dete hain. dashmesh ka unse yuti ya drishti sanbandh bhi khatrnak hota hai. aise jatak vyapar men asafal hote hain tatha unhen koi sarkari naukri bhi nahin milti hai. dashmesh yadi nich, shatrugrihi ya ast hokar trik bhav (6, 8, 12) men ho ya trishday (bhav 3, 6, 11 ka svami) yadi dasham men sthit ho to vyakti ko ajivika ka koi sadhan nahin milta hai. aisa jatak kisi udyogpti, uchchadhikari ya mantri ka beta ho to bhi vah avnti ke gart men chala jata hai aur apne pita ki pad pratishtha ko dhumil karta hai. yadi lagnesh aur dashmesh ek sath hon to jatak naukri men vishesh pragti karta hai. dashmesh kendra ya trikon men ho to jatak shaskiya adhikari hota hai, kintu is hetu dashmesh ka uchch rashisth hona avashyak hai aur use ast nahin hona chahie. guru dashmesh hokar yadi trikon (1, 5, 9) men ho to jatak nishchay hi uchchapad pratishthit hokar sansarik sukhon ka bhokta aur yashasvi hota hai. lagn se dasham bhav men surya ho to pita se dhan milta hai. chandra ho to mata se, mangal ho to shatru se, budh ho to mitra se, guru ho to bhai se, shukra ho to stri se aur yadi rahu ya ketu ho to jatak chal prapanch ke dvara dhan prapt karta hai. dasham bhavasth rashi vivekah dasham bhav men jo rashi ho ya dashmesh jis rashi ka ho. us rashi ke svami ke anusar bhi daivagya ko mote taur par ajivika ka vivechan karna chahie. meshah yadi dasham bhav men mesh rashi ho to jatak ko jivan nirvah hetu ek se adhik karya karne parte hain. ismen krishi sanbandhit karya se lekar ejensi adi karya shamil hain. mesh rashi ka chandra aetomobail udyog men pravesh karta hai. mesh rashi men mangal ya budh mekainikal injiniyar banata hai. vrishah vahan, pashu-pakshi ya vanon aur krishi se sanbandhit karya karne vala aisa jatak vyayshil hota hai. mithunah jatak krishi, bhumi sanbandhi karyon se adhik labh tatha lipikiya, ekaunting ka karya karne vala hota hai. karkah chandi ke abhushnon ka vyavsayi hota hai aur rasayan shastra, jivvigyan v dharmik karyon men uski ruchi hoti hai. sinhah dasham bhav men sinh rashi vale jatak ko jivika hetu kathor parishram karna parta hai. aisa vyakti ratn, sone, pital, kanse ya krishi utpad ka vyavsay karta hai. kanyaah dasham bhavasth kanya rashi vala jatak vastushilpi, transportar lekhak ya chitrakar hota hai. kintu apne katrtavya ke prati udasin rahta hai, naukri ganbhirta se nahin karta. tulaah vyapar men tivrata se unnati ki or agrasar hota hai. vittiya salahkar, dukandari adi men bhi safal rahta hai. tula rashi ka dashamasth budh aur rahu jatak ko vaigyanik banata hai. vahin shani kanuni peshe se jorta hai. vrishchikah naukri men jatak kathor parishram ke uprant pragti karta hai. aisa jatak jalseva, jalvidyut, khetibari se jivan yapan karta hai. dhanuah dasham sthan men dhanu rashi hone se jatak sachiv, klark ya kotpal ke pad par karya kar sakta hai. use naukri men pareshani evan virodhi vatavaran ka samna karna parta hai. makrah jis jatak ke janmang ke dasham bhav men makar rashi hoti hai, vah samay ke anukul sevakarya karne men samarth hota hai. kunbhah transportar, palledar adi karyon se dhanarjan karta hai. rajniti men pravin, virodhiyon ko apne vash men rakhne vala aur unse ichchanusar karya karane vala hota hai. minah dasham bhavasth min rashi ka jatak apne nitiyukt karyon se naukri men vishesh pragti karta hai. petrol, pani adi ke karyon men safal aur rasayan, jivvigyan adi vishyon men uski vishesh ruchi hoti hai. saravli ke anusar lagn ya chandra men jo balvan ho usse dasham rashi, dasham bhav men sthit grah tatha drishtiyog ke anusar manushya ki ajivika ka vichar kiya jata hai. dashmesh ke bali hone se jivika ki vriddhi aur nirbal hone par hani hoti hai. lagn se dvitiya aur ekadash bhav men bali evan shubh grah ho to jatak vyapar se adhik dhan kamata hai. dhanesh aur labhesh ka paraspar sanbandh dhanyog ka nirman karta hai. dasham bhav ka karak yadi usi bhav men sthit ho athva dasham bhav ko dekh raha ho to jatak ko ajivika ka koi n koi sadhan avashya mil jata hai. surya, budh, guru aur shani dasham bhav ke karak grah hain. dasham bhav men keval shubh grah hon to amal kirti namak yog hota hai, kintu uske ashubh bhavesh n hone tatha apni nich rashi men n hone ki sthiti men hi is yog ka fal milega. balvan chandra se dasham bhav men guru ho to gajkesri namak yog hota hai, kintu guru kark ya dhanu rashi ka hona chahie. aisa jatak yashasvi, paropkari dharmatma, medhavi, gunvan aur rajpujya hota hai. yadi janm lagn, surya aur dasham bhav balvan ho tatha pap prabhav men n ho to jatak shahi karyon se dhan kamata hai aur yashasvi hota hai. dasham bhavasth navagrah falah suryah dasven bhav men sthit vrishchik rashi ka surya chikitsa adhikari banata hai. mesh, kark, sinh ya dhanu rashi ka surya sena, pulis ya avkari adhikari banata hai. chandrah shubh prabhav men bali chandra yadi dashamasth ho to dhani kul ki striyon se labh hota hai. yadi aisa vyakti dainik upyog men anevali vastuon ka vyapar kare to labhaprad hota hai. chandra se mangal ya shani ki yuti viflta ka suchak hai. manglah mesh, sinh, vrishchik ya dhanu rashi ka mangal jatk/jatka ko praivet chikitsak aur sarjan banata hai. aise daektaron ko man-samman aur dhan ki prapti hoti hai. mangal ka surya se sanbandh ho to vyakti sunar ya lohar ka kam karta hai. budhah lagnesh, dvitiyesh, panchmesh, navmesh ya dashmesh hokar kanya ya sinh rashi ka budh guru se drisht ya yut ho to vyakti profesar ya lekcharar banakar dhan arjit karta hai. budh bainkar bhi banata hai. budh shukra ke sath ya shukra ki rashi men ho to jatak film ya vigyapan se sanbandhit vyavsay karta hai. guruah guru ka sanbandh jab navmesh se ho to vyakti dharmik karyon dvara dhan arjit karta hai. guru mangal ke prabhav men ho to jatak faujdari vakil banta hai. balvan aur rajyogkarak ho to jatak nyayadhish bana deta hai. shukrah jatak saundarya prasadhan samagri, fainsi vastuon adi ka nirmata/vikreta hota hai. shukra ka sanbandh dvitiyesh, panchmesh ya budh se ho to gayn-vadan ke kshetra men saflta milti hai. shaniah shani ka sanbandh yadi chaturth bhav ya chaturthesh se ho to jatak lohe, koyle mitti ke tel adi ke vyapar se dhan kamata hai. balvan shani ka mangal se sanbandh ho to jatak ilektrik/ilektraenik injiniyar hota hai. yadi budh se sanbandh ho to mekainikal injiniyar hota hai. shani ka rahu se sanbandh ho to vyakti chappal, jute, reksin baig, tayr-tyub adi ke vyapar men safal hota hai. rahuah dasham bhav men mithun rashi ka rahu rajniti ke kshetra men saflta dilata hai. aisa jatak sena, pulis, relve men ya rajneta ke ghar naukri karta hai. ketuah dhanu ya min rashi ka dashamasth ketu vyapar men saflta, vaibhav, dhan aur yash ka suchak hai. upar varnit binduon ke adhar par apne anukul ajivika ka nirnay karen. shubh/yogkarak grahon ki mahadsha men unse ya jin grahon se unka sanbandh ho unse sanbandhit vyavsay karne par achcha labh hota hai. ajivika hetu anisht grahon ki shanti ke lie mantra, yantra, ratn, dan aur puja archana adi samy-samay par karte rahna chahie.