man ke hare har hai 'man ke jite jit' ukt kahavat hamare jivan men bahut sarthak pratit hoti hai. mansik bal ke age sharirik bal nyun ho jata hai. vyakti ka man agar bhrasht ya aviveki ho jae to vyakti ka charitra lanchit ho jata hai. man rogi v kamjor ho to vah jivan ke sabhi sukhon ki sanbhavnaon se hi vanchit ho jata hai. 'manso jatak chandrama' lagnesh, chaturth evan ekadash bhav jab dushprabhav men a jate hain
to mansik vikar ka karan ban jate hain. is vishay par prastut hai ek jyotishiya vishleshan ... mansik rog aisa rog hai jo manav vivek, tan, man, dhan, vidya, yash sab nasht kar deta hai. jyotish dvara janne ki koshish karte hain ki mansik rog kaise hota hai. bhavon men man ka karakatva pratham bhav se man, chaturth bhav se sukh, ekadash bhav se labh vichar, parantu yahan tinon bhavon se man ka hi sanyog hota hai.
grahon men chandra, guru, shukra dvara vichar karna chahie. chandrama ka vishesh karakatva sardi, bukhar, jal sanbandhi rog, pandu rog, mansik rog, deviyon dvara hone vali badhaen chandra pradan karta hai. chandra shital grah aur iska devta jal hai satva guni tatha jal tatva yukt grah hain aur chandra ko pran mana gaya hai. granthon men chandrama ratri men balvan hota hai v apne dvara shitlta pahunchane men saksham hota hai. yahi ek grah aisa hai
jo 211 din men hi rashi parivartan kar leta hai anya grah yah kshamata nahin rakhte parantu yah grah dusron ke dabav men jaldi ata hai aur apne prabhav ko kho deta hai. lagn men rahu ka prabhav ho to mansik rog hoti hai. sinh chandra lagn men ho to matibhram yog hota hai. lagn men chandrama ho to tanavyukt hota hai. yadi lagnesh ashtam bhav men ho to matibhram hota hai. lagn men pap grah hon to tanav hota hai. lagnesh mangal ke sath ho to mansik manav hota hai. yadi lagnesh shashth, ashtam, dvadash bhav se kisi prakar ka sanbandh rakhta ho to tanavagrast hota hai.
yadi shashth ashtam, dvadash bhav men lagnesh yukt ketu baitha ho to matibhram hota hai. yadi lagnesh ke sath surya ho aur vah ast ho to mansik rog hota hai. yadi lagnesh shatru kshetri ho to tanavyukt hota hai.
yadi lagnesh ast nich ka nirbal pirit ho to avashya hi tanav ko barhata hai. yadi vakri guru lagn men ya chandra ke sath baitha ho to mansik tanav hota hai. rahu se yukt guru kahin baith jay to tanav paida karta hai. kundli 1 lagnesh jo guru hai ashtam bhav men baitha hai jo pratham tanav ka karan ho sakta hai. ashtamesh shukra ke sath chandra evan ketu hai
jo mansik rog utpann karte hain, aur man ko vismrit karte hain aur karm men dhilapan utpann karte hain. chaturth bhav jo sukh, mansik shanti, hriday, parivarik samriddhi aur bhumi makanadi ka pratik hai. atah is bhav se bhi mansik tanav ho sakta hai. uprokt patri men chaturthesh budh navam bhav men ast hai aur chaturth bhav men rahu baitha hai chaturthesh svayan saptamesh bana hua hai aur us par shani baitha hai.
jo nimn tanav ke karan ho sakte hain. pratham - vivah sanbandhi, dvitiya- dhan sanbandhi, tritiya - rog se chaturtha- tanav se pirit, panchm- parivarik kalah is jatak ko tanav pirit kar sakta hai jo man men anek prakar ke nakaratmak vichar utpann karta hai jisse mati bhram ho jati hai. ekadash bhav jo ichchaon ki purti athva labh, vyapar adi ka pratik hai. labhesh evan vyayesh shani hai jo saptam bhav men baitha hai aur bhagya sthan ko dekhrha hai jismen surya budh jo shani ki drishti se prabhavit hai. jo ki labh se jyada kharch ka sanket karta hai labh men anek vyavdhan utpann hote hain jis karan jatak ko tanav ka shikar hona parta hai. kundli 2 ashtamesh guru panchmesh bana hua hai aur us par surya, budh, rahu baithe hain jo ki lagnesh surya hi hai parantu jatika ko atyadhik tanavagrast jivan bitana par raha hai aur balyavastha se hi mansik rog ki shikar hai.
kai daektaron ki dava li parantu koi labh nahin hua. parantu inhonne guru ki vrat katha aranbh kiya to kafi labh hua parantu vivah paksh men kafi kasht uthana par raha hai, jis karan tanav grasit rahti hai. iska karan saf hai ki saptamesh shani shashthesh bhi hai jo labh sthan men ketu ke sath baitha hai. jo labh ka sanket karta hai parantu vivah men badha utpann kar raha hai.
saptam bhav men chandra baitha hai shashthesh bhav men guru shukra baithe jo ki jivan men inhonne kisi se prem kiya parantu usne inka sath nahin diya. chaturthesh mangal, labhesh budh v bhagyesh mangal apne hi ghar ko dekh rahe hain, jo akasmik dhokha ka sanket hai kyonki labhesh aur dhanesh budh men anek papatva prabhav hai jisse jatika ko dhokha aur tanavagrasit jivan vyatit karti hai. kundli 3 tribhuvan naraynji , tapovan shikshan sansthan ke prinsipal hain inke janmang ka akalan kiya to dekha ki lagnesh vyayesh shani shashth bhav men chandra rashi men baitha hen
jo jatak ko anek prakar ke chinta tatha tanav utpann karte hain. shukra chaturthesh hokar bhagyesh hai jis par rahu baitha hai aur guru se drasht hain jo ki ketu se yukt guru hai is karan karya men badha evan bhagya men rukavat tanav ka karan hai. panchmesh budh ashtamesh hokar labh sthan men mangal ke sath baitha hai, jiske karan jatak ka karya alp hota hai aur rogadi anek vyadhi rahti hai jis karan jatak ke tanav rahta hai. chandrama shashthesh hokar karm sthan men baitha hai, jiske karan jatak ke sharir men rog rahta hai.
shashth bhav men shani chandra rashi men baitha hai jis karan mitron se ashyog ki bhavna hoti hai jisse mansik rog hona svabhavik hai. kuch anya yog pancham sthan men budh, rahu ya chaithe sthan men mangal ho. athve sthan men shani ho to mansik tanav hota hai. lagn men pap grah ho to mansik tanav hota hai. lagnesh pap grahon se yukt ho to mansik rog hota hai. sukh sthan ka svami nirbal ho to mansik tanav hota hai. sukh sthan men pap grah ho to mansik tanav hota hai.
sukh bhav ka svami pap grahon se yukt ho to mansik tanav hota hai. kundli 4 lagnesh shani sukh sthan men baitha hai jiske karan tanav bhara jivan vyatit karna para, dusra dekhen sukhesh ashtam bhav men baitha hai aur vahi bhagyesh bhi hai jo shukra hai is karan nako hamesha bechaini athva mansik rog se pratarit hona parta hai. labhesh guru svayan dhanesh hai, jo ki shashth bhav men baitha hai atah inko shatruon se tanav grasit hona para. ashtamesh budh panchmesh bhi hai.
ashtam bhav men baitha hai uske sath shukra mangal surya jo ki ast hai isi karan inko dhan sanbandhi kuch samay pahle tanav uthana para aur sharirik pira aur kai prakar ki vyadhiyan uthani pari is tarah se mansik rogon ka ankalan bhali bhanti kiya ja sakta hai. kundli 5 lagnesh jo svayan dhanesh bhi hain aur rog sthan men baitha hai, jis karan hamesha sharir men rog v tanav grasit rahta hai.
mangal chaturth bhav ka svami hai, chaturth bhav sukh sthan hai aur mangal labhesh ka bhi svami hai, mangal parakram sthan men guru ke sath hai atah jatak parakram se paripurn hai parantu anek badhaon se ghira hua hai jis karan mansik rog hone ki sanbhavna rahta hai. ashtamesh surya pancham bhav men ketu se yukt hai lagnesh aur shashthesh nirbal hai jo jatak ko sharirik pira v netra rog dete hain. jis karan anek prakar se tanav hone se mansik rog hona sanbhav mana ja sakta hai.
kundli 6 dekhaei harshad mehta ji ki kundli vartaman samay se kuch dinon pahle tanav bhari jindgi vyatit karni pari. lagnesh budh karm sthan ka svami hai aur karm sthan men guru ketu ke sath baitha hai. gochrokt shani bhi karm sthan men baitha tha. is karan mansik tanav se gujrna para aur kafi samay tak sthiti anukul nahin hui chaturth sthan men mangal rahu hain jo ki guru ki rashi par hai aur guru se drisht bhi hai parantu shani ki tritiya drishti, gochrokt saptam drishti sharirik mansik pira utpann karta hai. panchmesh shashthesh shani dvitiya bhav men baitha hai
us par guru ki panchvin drishti hai jis karan jatak ko dhan ke paksh men tanav, sarkari vyastata ke karan tanav grast rahna par raha hai. tritiyesh $ ashtamesh mangal - tanav karan ho sakte hain lekin kshanik matra ke lie rahta hai. sukh sthan ka svami pap grahon ke navansh men ho surya mangal se yut ho aur shubh grah nahin dekhte hon to hamesha tanav se duahkhi rahta hai. mastishk pira se yukt jivan hota hai pira kabhi khatm nahin hoti jisko mansik rog samajh sakte hain. ashtam bhav men shani ho to mansik rog se pratarit hota hai. pap grahon ke bich men chandra ho to tanav hota hai. mahatvapurn yog sukh sthan ka svami mangal se yut ho to hamesha mansik rog se duahkhi rahta hai. ashtam bhav ka svami ekadash bhav men baitha ho. lagn men shani, ashtam men rahu, shashth bhav men mangal ho.
lagnesh barhven sthan men ho to mansik tanav hota hai. chandra mangal ka yog kahin hon to mansik tanav hota hai. agar lagn ashubh ho, surya shatru kshetra men hon, aur surya ki dasha men shukra ki antardasha men mansik pira hota hai. mangal ki dasha, ketu ki antardasha men sir ki pira arthat mansik tanav hota hai. chandra ki mahadsha men shani ki antardasha ho to mansik rog hota hai. budh ki mahadsha, mangal ki antardasha men mansik rog. budh ki dasha, rahu ki antardasha ho to mansik tanav .
budh ki dasha surya ki antardasha ho to kushth rog ke karan tanav hota hai. guru ki dasha men shani ki antardasha ho to mansik tanav. guru ki antardasha men ketu ki pratyantardasha ho to to gupt chintaon ke karan tanav rahta hai. guru ki dasha, chandra ka antardasha men dimagi halat thik nahin rahti arthat mansik rog hota hai. yadi lagn men mangal ho to patni ke karan tanav hota hai. yadi saptam bhav shani ho to patni ke karan tanav. yadi dvitiya bhav men surya ho to netron ke karan tanav. yadi chaturth bhav men ketu ho to mata ke karan tanav. yadi pancham bhav men mangal ho to putron ke karan tanav. yadi dasham bhav men rahu yukt shani ho to pita karan tanav hota hai.
yadi shashth bhav men surya, rahu hon to shatru ke karan tanav hota hai. yadi panchmesh shashth bhav men ho to mitron ke karan tanav hota hai. yadi saptam bhav men surya, shani ho to sasural ke karan tanav hota hai. dvitiya bhav men guru ho to dhan ke lie tanav hota hai. yadi ekadash bhav men mangal se yukt chandra ho to vyapar ko lekar tanav hota hai. dvadash bhav men rahu ya surya ho to mukdma adi se tanav hota hai.