kuch upyogi totke sant fatah sinh panvon ko jagane ka totka: bahudha dekha gaya hai ki prani kahin der tak baitha ho to hath-pair sunn ho jate hain. jo ang sunn ho gaya ho, us par ungli se 27 ka ank likh dijie, ang thik ho jaega. mrityu ki ashanka se bachne ke upay: kale til aur jau ka ata tel men gunthakar ek mota rot banaen aur use achchi tarah se senken. gur ko tel men mishrit karke jis vyakti ki marne ki ashanka ho, uske sir par se 7 bar utar kar manglvar ya shanivar ko bhainse ko khila den. gur ke gulgule savaen lekar 7 bar utar kar manglvar ya shanivar v itvar ko chil-kaue ko dal den, rogi ko turant rahat milegi. mahamrityunjay mantra ka jap karen. drov, shahad aur til mishrit kar shivji ko arpit karen. ‘¬ namah shivay’ shadakshar mantra ka jap bhi karen, labh hoga. lakshmi prapti ke totke: shravan ke mahine men 108 bilva patron par chandan se ¬ namah shivay likhakar isi mantra ka jap karte hue shivji ko arpit karen. 31 din tak yah prayog karen, ghar men sukh-shanti evan samriddhi aegi, rog, badha, mukdma adi men labh evan vyapar men pragti hogi v naya rojgar milega. yah ek achuk prayog hai. bhagvan ko bhog lagai hui thali antim admi ke bhojan karne tak thakur ji ke samne rakhi rahe to rasoi bich men khatm nahin hoti hai. balak ki dirghayu ke lie: balak ko janm ke nam se mat pukaren. panch varsh tak balak ko kapre mangakar hi pahnaen. 3 ya 5 varsh tak sir ke bal n kataen. uske janmadin par balkon ko dudh pilaen. bachche ko kisi ki god men de den aur yah kahakar prachar karen ki yah amuk vyakti ka larka hai. ghar men sukh-shanti ke lie: manglvar ko chana aur gur bandron ko khilaen. ath varsh tak ke bachchon ko mithi goliyan banten. shanivar ko garib v bhikhariyon ko chana aur gur den athva bhojan karaen manglvar v shanivar ko ghar men sundrkand ka path karen ya karaen. grahon ke devta: surya ke devta vishnu, chandra ke devta shiv, budh ki devi durga, brihaspati ke devta brahma, shukra ki devi lakshmi, shani ke devta shiv, rahu ke devta sarp aur ketu ke devta ganesh. jab bhi in grahon ka prakop ho to in devtaon ki upasna karni chahie.
Kya aapko lekh pasand aaya?
Subscribe