jyotishi daektar ki bhumika nahin nibhate parantu janm patrika ya hastarekha ke adhar par yah batane ka prayatn karte hain ki amuk vyakti ko bhavishya men kaun si bimari hone ki sanbhavna hai. jaise yadi janm patrika men tula lagn ya rashi pirit ho to vyakti ko kati pradesh men kasht hone ki sanbhavna rahti hai. janm patrika men bimari ka ghar chatha sthan mana jata hai aur ashtam sthan ayu sthan hai. tritiya sthan ashtam se ashtam hone se yah sthan bhi bimari ke prakar ko ingit karta hai. jaise tritiya sthan men chandra pirit ho to tibi ki bimari hone ki sanbhavna banti hai. isi sthan men sthit mangal ke pirit hone se chot lagne ya shalya chikitsa ki sanbhavna rahti hai. isi sthan men shukra pirit ho to shugar ki bimari daybitij ki sanbhavna rahti hai. shani ya rahu tritiya sthan men pirit hone se jahar khane, pani men dubne, unchai se girne aur jalne se ghav hone adi ki sanbhavna banti hai.
lal kitab ke anusar grahon ke yog se hone vale rog is prakar hain:
û jab surya se shukra, budh ya guru milta hai to jatak ko sans ki bimari hoti hai.
û chandra aur rahu ke sanbandh se nimoniya ya pagalapan ki bimari hoti hai.
û shukra evan rahu ka sanbandh namardi ka karak hota hai.
û chandra aur budh ya mangal ke takrav se granthiyan prabhavit hoti hain.
û guru aur rahu ke yog se dama, ti.biadi ki sanbhavna rahti hai. grah dosh nivaran ke lie lal kitab men kai totke die gae hain jo bahut labhkari siddh hue hain.
inmen vibhinn grahon se sanbandhit dan tatha kuch anya upay is prakar hain.
û surya - gehun, gur evan tanba dharm sthan mane den. harivansh puran ka path karen. ratri ko agni ya chulhe ko dudh se bujhaen aur shubh karya ke praranbh men munh mitha karen.
û chandra - moti, chaval aur chandi dan karen.
û mangal - deshi khand aur masur dan karen.
û budh - sabut mung dan karen.
û guru - chana dal, kesar aur haldi dan karen.
û shukra - jvar, dahi aur hira dan karen.
û shani - loha athva pital dan karen.
û rahu - jau, gomed aur sarson dan karen.
û ketu - til dan karen.
yahan par yah dhyan rakhna avashyak hai ki jo grah achcha fal dene vala hai uski vastu ka dan kabhi nahin karen. yahan yah spasht karna avashyak hai ki devtaon ki aradhna puranon men varnit vidhi se karni chahie jisse labh ki purn sanbhavna banti hai. uparyukt upayon ke atirikt sanbandhit kasht karak grah ke mantra jap se bhi bahut labh hota hai. isi prakar mahamrityunjay mantra ka jap bhi pratyek asadhya bimari men labhkari hota hai kyonki is mantra ke jap se bholenath shri shivshankar prasann hokar ashirvad dete hain aur unke ashirvad se rogi thik hone lagta hai. medikal estraelaeji ke sanbandh men kuch niyam ved-puranon men bhi die gae hain.
vishnu puran tritiya khand adhyay 11 ke shlok 78 men adesh hai ki bhojan karte samay mukh purva ya uttar disha men hona chahie. isse pachan kriya uttam rahti hai aur sharir svasth rahta hai. isi prakar vishnu puran tritiya ansh adhyay 11 ke shlok 111 men ullekh hai ki shayan karte samay sir purva ya dakshin men hona chahie. isse svasthya uttam rahta hai. uttar disha men sir rakh kar kabhi n soen kyonki uttar disha men prithvi ka uttari dhruv hai aur manav sharir ka chunbak sir hai. atah do chunbkon ke ek disha men hone se asantulan hoga aur nind thik se nahin aegi. svasthya par viprit asar parega aur uchch raktachap ho jaega.