arthik abhav ki sthiti men lakshmi prapti ke upayon jaise shri dhan lakshmi prapti yantra ki puja tatha dhan lakshmi prapti mantra ke jap se manovanchit fal prapt kiye ja sakte hain. is lekh men lakshmi prapti ke upaye jinmen dhan lakshmi prapti ke totkee lakshmi prapti mantra japae shri dhan lakshmi prapti yantra dh lakshmi akarshan yantra pujan tatha lakshmi prapti ke stotra uchcharan v lakshmi prapti yagyae anushthan vidhi tatha uddeshyon ka ullekh sammilit hai. lekh men sanklit lakshmi prapti ke upay durlabh v gopniya hain.
manyata hai ki dhanteras se lekar bhaiyaduj ke panch dinon men jo log lakshmi man ki nishthapurvak puja karte hain, man lakshmi ki kripa un par janmajanmatanr tak bani rahti hai.
dipavli mahaparva hai. anek sanpradayoen ke log is parva par dhan prapti hetu lakshmi ki sadhna karte hain. dhanatrayodshi se lekar bhaiya duj tak panch din chalne vala yah parva man lakshmi ki shashvat kripa prapti ke lie manaya jata hai. manyata hai ki dhanteras se lekar bhaiyaduj ke panch dinon men jo lakshmi man ki nishthapurvak puja karta hai, man lakshmi ki kripa us par janmajanmatanr tak bani rahti hai. is avasar par shastrasammat nimn upay kie jaen to sukh-samriddhi ki prapti ho sakti hai. ye sabhi prayog chote v saral, kintu prabhavshali hain-
- dipavli pujan ke samay man lakshmi ki ek purani tasvir par mahilaen apne hath se sanpurn suhag samagri arpit karen. agle din snan kar puja karke us samagri ko man lakshmi ka prasad manakar svayan prayog karen tatha man lakshmi se apne ghar men sthayi vas ki prarthana karen. isse man lakshmi ki kripa sada bani rahti hai.
book laxmi puja online
- arthik sthiti men unnati ke lie dipavli ki rat sinh lagn men shrisukt ka path karen. shrisukt men pandrah richaen hain. pratyek richa ati shaktishali hoti hai. sinh lagn madhya ratri men hota hai. us samay lal vastra dharan kar lal asan par baith kar vishnu-lakshmi ki tasvir ke samne shuddh ghi ka bara dipak jalaen. shrisukt ka 11 bar path karen. fir havan kund men agni prajvalit karen aur shrisukt ki pratyek richa ke sath ahuti dane. tatpashchat thora jal asan ke niche chirken aur us jal ko mathe par lagaen. bare dipak ko donon hathon men lekar apne nivas sthan ke aise sthan par a jaen jahan se akash dikhai deta ho aur man lakshmi se apne ghar ki samriddhi ke lie prarthana karen. fir us dipak ko lekar pure ghar men ghum jaen aur ant men use puja sthal men rakh den. is prayog se lakshmi ji prasann hoti hain. iske bad pratyek shukla paksh ki panchmi ko shrisukt se havan karen.
- lakshmi vishnupriya hain. dipavli pujan ke samay ganesh-lakshmi ke sath vishnu ji ki sthapna anivarya hai. lakshmi ji ki dahini or vishnu ji tatha bain or ganesh ji ko rakhna chahie.
- dipavli ke avasar par vyavsayik sansthanon tatha gharon men hijre inam lene ate hain. kisi hijre ko kuch rupye (11, 21, 31) avashya den tatha ek sikka usse lekar athva usse sparsh karvakar apne kaishbaeks men rakh len, dhan nirantar barhta jaega.
- dipavli ke din pipal ka ek akhandit paÿaa vriksh se prarthana karke tor laen aur ise puja athva kisi anya pavitra sthan par rakh den. fir pratyek shanivar ko naya paÿaa tor kar us sthan par rakhen aur purane paÿo ko per ke niche rakh aen, ghar men lakshmi ka sthayi vas hoga.
- lakshmi samudra se utpann hui hain aur samudra se hi utpann dakshinavarti shankh, moti shankh, kuber patra, gomti chakra adi unke sahodar arthat bhai-bandhu hain. inki apke ghar men upasthit ho to lakshmi ji prasann hokar ati hain. atah dipavli pujan men in vastuon men se jo bhi sanbhav ho, use ghar men rakhen, lakshmi ki kripa prapt hogi.
- dipavli ki rat ko puja ke bad lakshmi ji ki arti n karen. shrisukt, lakshmi sukt, purush sukt adi ka path kar sakte hain, arti nahin. puri rat lakshmi ji ka avahan karna chahie. arti ka arth hai pujan samapt, jo thik nahin.
- dipavli ke din vishnusahasranam, lakshmisukt adi ki kaiset avashya chalaen. isse vatavaran lakshmimay ho jata hai.
book shani shanti puja for diwali
- lakshmi pujan karte samay 11 kauriyan gangajal se dhokar lakshmi ji ko charhaen aur unapar haldi kumkum lagaen. agle din inhen lal kapre men bandhakar tijori men rakh den, isse ay men vriddhi hogi.
- haldi se range hue kapre ke ek tukre men ek mutthi nagkesar, ek mutthi gehun, haldi ki ek ganth, tanbe ka ek sikka, ek mutthi sabut namak aur tanbe ki choti si charan padukaen bandhakar rasoi ghar men tang den. yah ek chamatkari upay hai. isse man lakshmi ji ke sath man annapurna ki kripa prapt hoti hai tatha parivarik kalah bhi dur hota hai.
- dipavli parva panch parvon se milakar bana hai- dhanteras, narak chaturdashi, dipavli, govardhan puja tatha yam dvitiya. panchon din sandhya samay ghar men kam se kam panch dipak (char chote tatha ek bara) avashya jalaen. dipak kabhi sidhe bhumi par n rakhen, uske niche asan avashya den. jaise pahle thore khil ya chaval rakhen fir us par dipak rakhen.
- narak chaturdashi ko sandhya samay ghar ki pashchimi disha men khule sthan par athva chat ke pashchim men 14 dipak purvajon ke nam se jalaen. unke ashirvad se samriddhi prapt hogi.
- dipavli ki rat puja ke bad ghar ke pratyek kamre men shankh bajaen. isse sakaratmak urja ka pravah hota hai.
- dipavli ke din kisi garib suhagin stri ko suhag samagri dan den. isse man lakshmi prasann hoti hain.
- dipavli ke din ek nai jhadu kharid laen. puja se pahle usse thori si safai karen. fir use ek taraf rakh den. agle din se uska prayog karen, daridrata dur bhagegi, lakshmi ka agaman hoga.
- lakshmi ji ko ghar men bani khir ka bhog lagaen, bajar ki mithai ka nahin.
- pujan sthal par am ke paton ka bandnvar lagaen. baragad ke panch tatha ashok vriksh ke tin paÿo bhi laen. baragad ke paton par haldi mishrit dahi se svastik chihn banaen tatha ashok ke paton par shri likhen. puja men in paton ka ko rakhen. puuja ke bad dhan rakhne ke sthan par rakhen.
- puja men man lakshmi ke charnon men ek lal tatha ek safed hakik patthar rakhen. donon ke yog se chandra-mangal lakshmi yog banta hai. puja ke bad inhen apne pars men rakh len.
ye sabhi upay anubhut evan prabhavi hain. kaha jata hai ki yadi dipavli uchit dhang se manai jae to varsh achcha bitta hai. atah dipavli ke avasar par inhen apnakar labh uthaen.
jivan men jarurat hai jyotishiya margadarshan ki? abhi bat karen fyuchar point jyotishiyon se!