sarvapratham parijnon ko ghar men bhagavat katha, gita path karna chahie. aisa samy-samay par hota rahe to parivar men shanti bani rahti hai. pratyek amavasya ko pitar lok ka madhyahn hota hai jab surya chandra ek sath hote hain arthat donon ek hi ansh par hote hain us din amavasya hoti hai. amavasya vale din brahmanon ko vidhi-vidhan se adar sahit bhojan v dakshina deni chahie. aisa karne se pitri prasann hote hain aur ashirvad dekar hi jate hain kyonki pratyek amavasya ko pitri lok se pitar prithvi par apne ghar parijnon ke pas ek as lekar ate hain.
jab ham brahman ko kuch dete hain to vo pitron ko samarpit karne ka mantra parhta hai uske bad grahan karta hai is prakar hamara diya hua dan hamare purvajon tak pahunch jata hai. jab bhi shraddh aye, ve varsh men do bar ate hain tab hamen apne pitron ki sharir tyagne vali tithi pata karke vidhinusar shraddh karm, tarpan, dan adi avashya karna chahie anyatha pitar naraj hokar shrap dekar chale jate hain. pitri dosh nivaran ki ek anya vidhi ke anusar parivar jan sab milakar shraddhapurvak niyamabaddh hokar yadi vidhi vidhan se 90 din ka pitri dosh, pitri rin nivarak upay karen to uttam parinam prapt hote hain.
yah amavasya ya shanivar ki sandhya ke pashchat aranbh kiya jata hai. parivar ke sabhi sadasya milakar sandhya ke pashchat ek samay ka niyam banayane. ek lakri ki chaiki par kala vastra bichakar us par kali urad ki dal ki dheri banayen. us dheri par pitri dosh nashak, kankdhara yantra sthapit karen. is par roj lal ya pile gulab charhayen. parivar ke sabhi sadasya kali hakik mala se ek ya tin mala roj nimn mantra ka jap karen. mantra: un van shrin van hrin shrin ain klin kanak dharayai svaha.’’ 90 din pashchat sabhi samagri kale vastra men bandhakar mala sahit bahte jal men pravahit karen.
jal pravah sanbhav n ho to gaddha khodakar ekant sthan par daba den. yadi yah bhi sanbhav n ho to mandir men sabhi samagri rakh ayen. 90 din men ek bhi din n choren. sabhi sadasya n kar payen to ek sadasya putra ya putravdhu niyam se kare tabhi shubh falon ki prapti hogi. anek vidhiyon dvara pitron ki shanti ki jati hai. pitron ko shant karne ke lie pitron ka pind dan ka sabse bara sthan ‘gaya ji’ mana jata hai. aisi manyata hai ki gaya ji men pitron ka pinddan karne se fir prativarsh pind dan ki avashyakta nahin parti. pitron ke lie jo bhi karya karen purn shraddha ke sath karen.